Acidi folik ul rrezikun e
autizmit gjatë shtatzënisë

Megastudimi në mbi 85 mije fëmijë. Vitamina e grupit B, thelbësore për formimin e embrionit. Të marrësh acid folik në fillim të shtatzanisë, duke filluar që nga katër javë më parë e deri në tetë javë pas ngjizjes, mund të reduktojë me 40 % rrezik për autisëm të lindur.

Këtë e thotë një studim i Institutit të Shëndetit Publik të Norvegjisë si dhe universiteti i Columbias në Neë York dhe publikuar në revistën “Journal of the American Medical Association (Jama)”.

Çfarë është- Acidi folik dhe folatet janë vitamina të grupit B, të rëndësishme për sintezën e molekulave të AND-së dhe ARN-së. Kështu që janë të rëndësishme për qelizat që marrin pjesë në procesin e defirencimit, si për shembull qelizat e gjakut dhe të lëkurës, që janë veçanërisht të rëndësishme gjatë formimit të embrionit.

Acidi folik, që në natyrë është tek mishi, dhe në shumë perime(karcof, jeshillëqe, portokalle dhe agrume) reduktohet në mënyrë të dukshme gjatë pjekjes (rreth 80%). Për këtë arsye është e rëndësishme që gratë shtatzana ta shtojnë në dietë.

Në Amerikë, Kanada dhe Kili acidi folik i është shtuar miellit, duke plotësuar në mënyrë automatike nevojat e konsumatorit me këtë vitamin. Ndërsa në Norvegji ende nuk ka ndonjë iniciativë të tillë. Studimi, frut i një bashkëpunimi në nivel ndërkombëtar midis USA dhe Norvegjisë, ka realizuar një monitorim në shkallë të gjerë për të verifikuar bashkëveprinmin midis acidit folik dhe zhvillimit të   deformimeve neurologjike, midis të cilit edhe autismit.

Janë ekzaminuar 85.176 fëmijë të lindur midis 2002 e 2008, madje edhe prindërit e tyre kanë qenë pjesë e studimit. Ka rezultuar se nënat që kishin marrë acid folik në fillim të shtatzanisë rreziku për të lindur fëmijë me autisëm është reduktuar me 40 % krahasuar me gratë që nuk kishin marrë acid folik.

Acidi folik, ashtu siç është thënë edhe më parë, është një integrator i rëndësishëm gjatë shtatzanisë që parandalon një keqformim të madh të zhvillimit nervor të fetusit. Ekspertët kanë monitoruar kampionon e fëmijëve për disa vite me radhë dhe kanë diagnostikuar 270 raste me autisëm dhe sëmundje bashkëshoqëruese.

Shkrimi u publikua në suplemntin Shëndeti, në Gazetën Shqiptarja.com
(ad.ti/shqiptarja.com)