POP 5

Lajmet më të lexuara të 5 minutave të fundit

Ekonomi

Administrata, shkarkime
në ndërmarrjet shtetërore

“Pastrohet” personeli nga parazitët militantë që morën kot pagat për vite me rradhë.
Administrata, shkarkime<br />në ndërmarrjet shtetërore
DURRËS - Drejtuesit e institucioneve dhe ndërmarrjeve shtetërore në Durrës pastrojnë organikat nga militantët parazitë. Bëhet fjalë për qindra të punësuar, të cilët për shumë vite vetëm sa kanë futur kartat e kreditit në bankomatet e bankave dhe kanë përfituar rroga pa punuar asnjë ditë. Drejtuesit e këtyre enteve, në bashkëpunim me shefat e personelit, i kanë dhënë fund kësaj praktike, përpara se të nënshkruajnë aktet e dorëheqjeve për veten e tyre.

Gjatë javëve të fundit, në mjaft prej institucioneve apo ndërmarrjeve shtetërore në Durrës janë ndjerë lëvizje në administratat apo në fuqinë punëtore të tyre. Të tilla ndërmarrje në Durrës janë Drejtoria e Ujësjellës-Kanalizimeve, Porti Detar, Agjencia e Legalizimeve të Ndërtimeve pa leje, Drejtoria e Përgjithshme e Hekurudhave, CEZ-i, si dhe mjaft institucione apo ndërmarrje më të vogla të cilat u bënë për 8 vjet strehë e militantëve parasite, të cilët, të vetmen punë që bënë ishte ajo e furnizimit me anëtarë të shtabeve elektorale, komisioneve zgjedhore apo pjesëmarrja nëpër mitingje në qytete apo fshatra të qarkut të Durrësit.

Rrogat e tyre gjatë këtyre viteve kanë variuar nga 20 mijë deri në 50 mijë lekë në muaj. Organiogramat e ndërmarrjeve apo institucioneve shtetërore kanë pësuar ndryshime sa herë që ka pasur zgjedhje, si parlamentare, ashtu edhe për pushtetin vendor. Në të tilla situate, organikat janë rritur së tepërmi, duke joshur militantët që të kontribuonin në zgjedhje në këmbim të vendeve të punës qyl.

Duket se ata që do të vijnë të drejtojnë në këto ndërmarrje apo institucione shtetërore do të kenë çfarë të hetojnë, si në mënyrën e rekrutimit të punonjësve, ashtu edhe në shpenzimin e fondeve publike. Ata do të mund  të shikojnë se si është bërë batërdia me paratë e taksapaguesve në këto vite.

Shkrimi u botua sot në gazetën Shqiptarja.com (print) 06.09.2013
Redaksia online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça