Arjana Kalaja është zhgënjyer nga Sali Berisha, pas procesit të Primareve në Partinë Demokratike. Kalaja, e cila i kishte paraqitur hapur Berishës ‘faturën’ për një vend të sigurt në listë, përmes një postimi në Facebook le të kuptohet se ka dalë e zhgënjyer nga ky proces.

Rezultati i primareve për qarkun e Tiranës ende nuk është bërë publik, por burime i thanë report Tv se Jorida Tabaku e Ilir Alimehmeti janë ndër më të votuarit.

E Kalaja, në postimin e saj shkruan “Sot shprehja se fitorja u takon guximtarëve dhe luftëtarëve, ndryshon në fitorja u takon tradhtarëve".

Kalaja kishte kandiduar në primare në qarkun e Tiranës, por nuk dihet ende sa vota ka marrë. Me postimin e saj duket se 'shigjeton' për pjesën tjetër të dmeokratëve që braktisën Bashën dhe iu bashkuan Berishës duke marrë pjesë në primare, përshembull mes tyre edhe Jorida Tabaku që sipas burimeve ka rezultuar ndër më votuarat.

 

Postimi i Kalasë në Facebook