Gazetari investigativ i Report Tv dhe Shqiptarja.com, Adriatik Doçi, i ftuar në studion e lajmeve në Report Tv, u shpreh se është gati të bashkëpunojë dhe të dëshmojë në SPAK për skandali i Presidentit Ilir Meta, me dhënien e nënshtetësive. “Shkelja është flagrante. Është dhunuar Kushtetuta, ligji për shtetësinë dhe është injoruar siguria kombëtare. Nuk e kuptoj se çfarë provash te tjera prek SPAK për ta nisur hetimet. Jam gati te dëshmoj për SPAK për skandalin e Ilir Metës për shtetësinë. Nuk mund të kalojmë më skandale të tilla si më parë. Ka arsye të forta pse ka shkelur ligjin: E ka bërë për qoka, ndere klienteliste, pazare financiare, e ka bërë për vota apo për t’u dukur hero, kjo mbetet për t’u parë”, tha gazetari.
Doçi paralajmëroi publikimin e fakteve të tjera reja që rëndojnë pozitat e Presidentit. “Në vijim do të publikoj fakte të reja që komprometojnë rëndë pozitat e Ilir Metës dhe sipas mendimit tim e veshin me përgjegjësi penale. Do sjellim praktikën se si kanë vepruar Presidentët e tjerë me dhënien e nënshtetësive. Nëse ata kanë vepruar si Meta, Meta është i justifikuar. Nëse ata kanë zbatuar ligjin, që do të thotë se shtetësitë e veçanta i kanë dhënë me propozim të institucioneve shtetërore, Meta duhet të japë llogari për shkeljen e ligjit”, tha ai.
Gazetari komentoi edhe kërcënimet e Presidentit Meta, i cili ka thënë se do ta fusë në burg dhe do hakmerret. “Mesazhi kërcënues, duke u marrë më familjarë të tim, nuk ishte për mua. Mesazhi ishte për çdo gazetar në Shqipëri, që të mos guxojë të investigojë veprimtarinë e Ilir Metës si President”.
Gazetari shpjegoi procedurën e fitimit të nënshtetësisë shqiptare dhe shkeljen e Presidenti.
“Shtetësia shqiptare fitohet në dy mënyra:
1. Kur plotëson kushtet që janë; të kesh banuar jo më pak 5 vite në Shqipëri, të kesh banesë, të mos jesh dënuar dhe të mos përbësh rrezik për sigurinë kombëtare. Të kesh njohuri, të paktën fillestare, të gjuhës shqipe. Bëhet aplikimi në polici. Ministria e Brendshme përgatit dosjen për 6 muaj, bën verifikime. Ky afat mund të shtohet. Ia çon Presidentit, i cili ka 3 muaj kohë. Më pas merret vendimi. Procedura normale zgjat një vit.
2. Në raste shumë të veçanta. Kur je personalitet dhe Shqipëria ka interes madhor në fushën e kulturës, shkencës, ekonomisë etj. Por, edhe në këta rast duhet plotësuar kushti i sigurisë kombëtare, që do të thotë se duhet të kryhen verifikime nga institucionet që kanë kapacitetet e duhura. Rastet e veçanta parashikohen në pikën 7 të nenit 9 të ligjit për shtetësinë.
Nisa një investigim bazuar në disa dyshime. Së pari ishin fshirë dekretet për dhënien e nënshtetësisë në faqen e Presidencës. Së dyti, në tetor u botuar në Fletoren Zyrtare një dekret për dhënien e nënshtetësisë futbollistit afrikan Kubina. Ky person e ka marrë nënshtetësinë brenda disa orëve, akt i paprecedentë dhe skandaloz.
Në emër të interesit kombëtar u ka dhenë shtetësinë 419 si përjashtim nga ligji. Nga Ministria e Brendshme ka një sinjalizim se janë mbi 817. Ne kemi dokumentuar 429 raste.
Në listën e gjatë të emrave që Ilir Meta i ka pajisur me nënshtetësi në bazë të pikës 7 të nenit 9 të ligjit, ka disa personalitete shqiptare nga Kosova dhe Maqedonia që e meritojnë nënshtetësinë dhe justifikohet zbatimi i kësaj pike.
90 % janë, këngëtarë tallavaje, vrasës, njerëz të botës së krimit dhe korrupsionit, manipulues votash, vrojtues shpendësh, sekretare pushtetarësh, gjyqtarë dhe njerëz anonimë. Këta janë pajisur me nënshtetësi në emër të interesit kombëtar, si familjarë dëshmorësh dhe të shquar”.
Doçi tha se Meta bllokoi sa mundi ligjin e ri, për të vijuar qokat me nënshtetësinë.
“Bllokoi sa mundi ligjin e ri, duke me kthyer me dekret, pasi kishte hallin e pikës 7. Ligji i ri parashikon që në rastet të veçanta kërkuesit e nënshtetësisë do verifikohen nga një strukturë e posaçme në Ministrinë e Brendshme. Meta nuk e do verifikimin nga ministria”.
Komente
Lajme të tjera
-
Ylli Pata: Pse opozita nuk ka fituar pikë nga hetimet e SPAK?
26 Dhjetor, 19:48
-
Adriatik Doçi: Deputetët e PD që kanë mbi 3 shtëpi me rrogë shteti, bie sfida e Berishës për Altin Dumanin
23 Dhjetor, 09:32
-
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
Nënës së Kryemadhit i kthehet vila te ‘Kodra e Diellit’, Apeli i GJKKO lë në fuqi sekuestron e banesës vetëm për deputeten e PL
17 Dhjetor, 11:29 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Iu sekuestruan vilat, Kryemadhi me bastun në Apelin e GJKKO: Më thanë dil nga shtëpia, do jetoj në çadër
16 Dhjetor, 12:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
PL: Arrestimi i Metës do të çohet në Strasburg! U izolua padrejtësisht për të mos thënë të vërtetat
14 Dhjetor, 15:30 -
VIDEO - Monika Kryemadhi në GjKKO, shpërthen ndaj gazetarëve: Na e morët shpirtin! S’na latë rehat me marr frymë
13 Dhjetor, 13:36
afhafhah
PërgjigjuAdriatik, ben mire te kerkosh mbrojtje nga shteti se Likja i ka dhene provat qe te zhduk. Kur u vodh thesari i Kerrabes, ai oficeri qe ishte ne dijeni vdiq i "semure" nga dajaku..
PërgjigjuBravo Adriatik për kurajon.
PërgjigjuSinqerisht e ka mbushur kupen,me qoka me ndere e me kercenime te perditshme e kane bere qesharak dhe e kane nxjerre cullak,tamam sic eshte ne te vertete nje intrigant mashtrues i lindur,nje kryehajdut ordiner.
Përgjigju