Aeroporti i Kukësit i përuruar sot me fluturimin e parë, është përgënjështrimi më i fundit i akuzave të opozitës që thotë se Edi Rama arrin të realizojë vetëm projekte 3D. Pista dhe aeroporti i Kukësit janë një vepër konkrete e realizuar në kohën e premtuar nga Edi Rama, i cili dy vite më parë tha se do të sillte në Kukës një grup nga “çunat e Londrës” të gatshëm të votonin Sali Berishën. Në të vërtetë, për atë grup zgjedhësish të transportuar në Kukës dhe ndoshta simpatizantë të PD-së, Edi Rama e di mirë se mund të fitojë më shumë vota në pjesën tjetër të vendit.
Aeroporti i Kukësit për opinionin publik shqiptar ka të njëjtën rëndësi ekonomike dhe gjeo-politike si ajo e Rrugës së Kombit. Sali Berisha u nxitua ta inagurojë pjesa e pare me 25 qershor 2009, pra vetëm 24 orë para zgjedhjeve dhe impakti në rezultatin e votës ishte i pashmangshëm. Eshtë e vështirë të besosh se Rruga e Kombit 2, e hapur nga fluturimi i Air Albania që u ul sot pasdite në pistën e Kukësit, nuk do ta ndihmojë Edi Ramën në zgjedhjet që do të mbahen pas 6 ditësh.
Në orët e ardhshme pritet një tjetër inaugurim i befasishëm, ai i spitalit të Fierit i ndërtuar në kohë rekord si një dhuratë e qeverisë turke. Do të jetë e lehtë për Edi Ramën ta paraqesë si një vepër tjetër konkrete dhe një premtim të mbajtur. Siç është konkret by-pass i Fierit, siç do të bëhet konkret by-pass i Vlorës, siç janë konkrete lungomaret e Vlorës apo Sarandës, siç është konkrete unaza e Tiranës, sheshi Skenderbej apo stadiumet e reja të Tiranës, Shkodrës apo Elbasanit dhe qendrat historike të Korçës, Gjirokastrës, Shkodrës, Tiranës etj. Në të vërtetë është shumë më e gjatë lista e punëve të realizuara se ato të mbetura në 3D dhe opozita gaboi përsëri duke e përqëndruar propagandën e saj në këtë fallsitet tjetër, pasi tani që vjen ora e votimit, ky fallsitet demaskohet lehtësisht.
Eshtë i njëjti gabim i bërë me bazimin e fushatës elektorale mbi falimentimin e luftës anti-Covid dhe pikërisht tani që afron ora e votës, qeveria ka sjellë një lumë vaksinash duke e çuar përhapjen e virusit në nivelet më të ulëta në rajon. Pra nëse Partia Socialiste me 25 prill do të arrijë të marrë mandatin e saj të tretë, nuk do të jetë vetëm një fitore për Edi Ramën, por do të jetë edhe humbja e opozitës, e cila me gabimet dhe gënjeshtrat e saj, diti të zmadhojë meritat e kundërshtarëve.
Dhe gabimet e opozitës vazhdojnë. Sapo avioni u ul në Kukës, PD nxitoi të nxinte arritjen: fluturimi nuk ishte direkt nga Londra, por ka bërë përpara ulje në Tiranë, pra një tjetër premtim i pambajtur nga Edi Rama!! Një komentues ja ka shkruar në faqen e facebook: ''Jeni Partia Demokratike e Shqipërisë, mos bini ne nivelin e idioteve te portaleve me lesh dhie. Kujt i plasi se avioni nuk erdhi nga Londra direkt por nga Rinasi? A u ul? Do te thote qe eshte funksional! Do perdoret edhe kur Rama mos te jete me Kryeminister dhe te jete nje demokrat ne krye te qeverise. Keshtu qe gezohuni dhe ju.'' Edhe militantët e vet rrezikojnë të mos e besojnë më. Nuk do të ishte më mirë, herë pas here, një heshtje strategjike?.
Lajme të tjera
-
Sfidat e kthimit në Shqipëri për të investuar! Historia e çiftit që u kthye në fshatin e lindjes, në Gjegjan të Kukësit
22 Dhjetor, 22:51 -
K’cimi i Tropojës në UNESCO, ‘rojtarët’ e traditës për Report Tv: Emocion i madh! Koreografi: Vallet tona epike luftarake
21 Dhjetor, 08:25
-
Kukës/ Me drogë dhe armë të ftohta në makinë, arrestohen 2 të rinjtë!
20 Dhjetor, 11:02 -
SHËNIM/ Berisha 3 strategjitë dhe sidomos ajo e ''Sindromës së Stokholmit'' në përpjekje për të ndikuar në drejtësi
17 Dhjetor, 13:21
-
Kukës/ Po kontrabandonin nëpërmjet Morinës lëndë piroteknike për tregun shqiptar, arrestohen 2 të rinjtë në kufi (VIDEO)
16 Dhjetor, 14:06 -
‘Njeri pa njeri, më ndihmoni për strehim!’ Apeli therës i të moshuarit, Ahmet Micaj në Kukës: Rritur jetim pa nënë e baba, s’munda të krijoj familje
14 Dhjetor, 14:48
-
Punëtorët e pastrimit në Kukës marrin pagën me 5 mijë lek minus! Kryetari i bashkisë për Report TV: Bëmë llogaritë gabim!
13 Dhjetor, 09:31
-
Dhjetori i festave, Kukësi nën magjinë e dritave shumëngjyrëshe (VIDEO)
12 Dhjetor, 19:02 -
Kukës/ Tentuan të fusnin në Shqipëri 21 mijë franga zvicerane të padeklaruara, nën hetim 2 persona nga Kosova
11 Dhjetor, 12:47 -
Fierza del nga pika kritike, rritet niveli i ujit me 3 metra! Lumenjtë sjellin mbetje të shumta në liqen
9 Dhjetor, 15:37
-
Pamje spektakolare! Bora zbardh luginën e Valbonës, vizitorë të shumtë edhe nga Kosova: Problem energjia për bizneset, të zhvillohet zona (VIDEO)
8 Dhjetor, 15:04
-
Eduard Zaloshnja: 48.1% e shtetasve shqiptarë nuk banojnë në Shqipëri
6 Dhjetor, 15:48
