TIRANË- Deputetja demokrate, Jorida Tabaku ka reguar sërish për ndërtimin e Aeroportit të Vlorës, duke e konsideruar një projekt korruptiv. Përmes një dalje për mediat, Tabaku tha se aeroporti po ndërtohet në një zonë të mbrojtur, duke rrezikuar kështu ekosistemin dhe natyrën. Tabaku doli në media me hartën e zonës ku do të ndërtohet projekti, ku sipas saj e gjithë zona ku do të ngrihet aeroporti është brenda zonës së mbrojtur.
"Një projekt që kryeministri e shpalli fituesin dhe vendin e ndërtimit në mars 2021, pak javë përpara ditës së zgjedhjeve. Ministrja Kumbaro ditën e djeshme deklaroi se “njolla e projektit ndodhet në një zonë që nuk është zonë e mbrojtur kombëtare. Kjo është në njollën e vjetër të aerodromit” Këtu përpara jush po ju tregoj këtë pamje, në të majtë ne kemi zonën e Vjosë-Nartës e që ka qenë zonë e mbrojtur. Në të djathtë kemi të njëjtin park por që siç e shihni në mes aty ka një njollë aeroporti dhe rruge, tani pikërisht për atë njollë aty zonja Kumbaro thotë që është jashtë zonës së mbrojtur dhe jashtë parkut. Ftoj çdo shqiptar që ta shohë me sytë e tij dhe të gjykojë vetë a është ky aeroport jashtë zonës së mbrojtur?! Përveç aeroportit këtu do të ketë dhe një zonë tjetër zhvillimore? Por, përpos shkatërrimit të natyrës dhe ekosistemit duke përdhosur një nga zonat e mbrojtura ligatinore projekti në vetvete është korruptiv", tha Tabaku.
Sipas Tabaku, projekti është korruptiv, pasi nuk ka pasur garë. Deputetja demokrate pretendon se qeveria ka favorizuar një nga kompanitë fituese, e cila është e afërt me kryeministrin Edi Rama. Tabaku thotë se në garë ka qenë edhe një komani britanike, e cila akuzon qeverinë shqiptare se ka ndryshuar kriteret e garës dy javë para përfundimit të saj.
"Kontrata koncesionare me vlerë 138.2 mln euro është fituar nga një konsorcium që zotërohet nga dy kompani; e para është kompania turke që ndërtoi falas spitalin e Fierit dhe kompania e dytë është e afërt me kryeministrin. Përpos kësaj, historia e garës së këtij koncesioni me vlerë 138.2 mln euro është e mbuluar me dyshime të mëdha. Pjesëmarrës në garë ka qenë një kompani britanike e cila akuzon qeverinë se ka ndryshuar kriteret e garës pak ditë përpara përfundimit të saj. Dy javë përpara përfundimit të garës. Pikërisht pas këtyre ndryshimeve, ka hyrë në lojë konsorciumi fitues që është regjistruar në 1 mars 2021 dhe është shpallur fitues 3 ditë më pas", vijoi Tabaku.
Çështjen e aeroportit të Vlorës, Tabaku e ngriti edhe një ditë më parë në Kuvend, ku renditi të njëjtat argumente, por debatoi me ministren e Turizmit dhe Mjedisit, Mirela Kumbaro, e cila mohoi akuzat se aeroporti po ndërtohet brenda zonës së mbrojtur.
Aeroporti i Vlorës, një investim mbi 100 milionë Euro, premtim i kryeministrit Rama për mandatin e tretë, pritet që të hapë 1 mijë vende pune të reja, do të ulë çmimet e biletave dhe do ta kthejë Vlorën në portën më të rëndësishme turistike të rajonit.
Më 20 prill 2021 u nënshkrua kontrata me kompaninë fituese për ndërtimin e aeroportit të Vlorës, që pritet të ndërtohet brenda 4 viteve të ardhshme dhe do të jetë i tretë aeroport në vend ku fluturimet do të jenë transoqeanike. Fitues për ndërtimin e tij u shpall konsorcium kompanish të themeluara në Zvicër, ku pjesa më e madhe e aksioneve 50% zotërohet nga Mabetex, kompania e biznesmenit Behgjet Pacolli, dhe 48% nga YDA Group firma që po ndërtoi Spitalin e Fierit me bazë në Ankara dhe 2% nga 2A group.
Komente
Lajme të tjera
-
Adriatik Doçi: Deputetët e PD që kanë mbi 3 shtëpi me rrogë shteti, bie sfida e Berishës për Altin Dumanin
23 Dhjetor, 09:32
-
Kthimi i tatimit të parapaguar për profesionet e lira, Tabaku: Fitore e PD dhe e tyre përballë një shumice arrogante, të bashkuar triumfojmë
22 Dhjetor, 14:39 -
Zgjedhjet e 11 Majit 2025/ Tabaku: Të rinjtë, në ballë të betejës për fushatën e PD-së
21 Dhjetor, 13:10 -
Interpelanca/ Zhupa: Betonizuat zonat e mbrojtura! Butrinti, qofteri! Kumbaro: Rritëm sipërfaqen e tyre
19 Dhjetor, 12:26 -
Zhupa: Po betonizoni zonat e mbrojtura, qofteri në Butrint. Ministrja më duargjatë, keni dhënë 5,8 mln m2 tokë
19 Dhjetor, 10:42 -
Përplasje në Kuvend, 'mollë sherri' Bashkim Ulaj dhe interpelanca me Ballukun! Shehaj bllokon 4 orë foltoren, Spiropali e përjashtoi, Noka e shtyn me forcë
19 Dhjetor, 08:07 -
Projektligji për faljen e gjobave, Tabaku: I paqartë dhe selektiv, nuk mbron shtresat në nevojë, disa institucione si kamzhik! Po ata që i kanë paguar?
17 Dhjetor, 15:37 -
Profesionet e Lira, Tabaku te Ekonomia: Akti Normativ i vonuar, t'u falen gjobat e kamatat
16 Dhjetor, 14:43 -
Jorida Tabaku: Shumica nuk qeveris sipas barazisë përpara ligjit, Parlamenti nuk zbaton vendimet e Gjykatës Kushtetuese
15 Dhjetor, 10:21 -
Investimet strategjike, PS kërkon shtyrjen e ligjit, Tabaku kundër: Dhuratë për të privilegjuarit, përbuz 95% të shqiptarëve
14 Dhjetor, 10:37 -
Konventa e Bernës thirrje qeverisë shqiptare: Ndalni ndërtimin e Aeroportit të Vlorës, rrezikohet biodiversiteti në Lagunën e Nartës
10 Dhjetor, 17:05 -
Ambasada e SHBA-së dhe ajo gjermane mesazh në Ditën kundër Korrupsionit: Jemi bashkë në luftën ndaj tij! Van Horn: SPAK është anti korrupsioni
9 Dhjetor, 14:17
Zonja Tabaku, mund tè ishte shumè mè e suksesshme nèse do bènte reklamè pèr vegla pèr pastrim pusetash, sifone lavamanesh apo thjesht nevojtoresh. Pèr politikè,,,,JO FALEMINDERIT. Zhgarravina.
PërgjigjuTa dergoj harten Bujar Leskaj se donte ta ndertonte ai me ca kriminela te vlores se skane ctu bejne milionave.
PërgjigjuDuhet aeroportin ta ndertoje fari balliu ta beje pace pilaf.
PërgjigjuCfar thote kjo balona tauke....
Përgjigju