TIRANË- Mbledhja e parë e Komisionit Hetimor të Shëndetësisë, pas zgjatjes së afateve me tre muaj, u zhvillua në ‘paqe’ mes opozitës dhe mazhorancës. Ndonëse punimet e këtij komisioni në sesionin e kaluar parlamentar janë karakterizuar nga tensione e debate, pa shumë diskutime sot palët ranë dakord për shkresat e informacioneve dhe listën e re të dëshmitarëve.
Hetimi parlamentar do të vijojë për dy koncesionet sterilizimin dhe check up, ndërsa në listën e dëshmitarëve është vendosur ish-ministri i Shëndetësisë, Ilir Beqaj, ish.zvministri Klodian Rrjepaj, biznesmeni i sterilizimit Ilir Rrapaj, si edhe 6 persona të tjerë në hetim nga SPAK. Për marrjen e tyre në pyetje do duhet që Komisioni t'i drejtohet SPAK për leje, ndërsa Beqaj ndodhet në qeli për abuzimet me fondet e SASPAC. Ndërkohë, në burg ndodhet edhe Rrapaj e zv.ministri Rrjepaj, të dy për koncesionin e sterilizimit.
Duke qenë se procedura për të kërkuar leje do të marrë kohë, data për dëshminë e Beqajt është caktuar më 9 tetor, ndërsa për Rrjepajn më 20 shtator. Komisioni hetimor planifikon të pyesë edhe 6 anëtarët e komisionit që shpalli fituesin e koncesionit, të cilët janë në masë detyrim paraqitjeje, por edhe pse jo në qeli, nuk pyeten dot pa lejen e Prokurorisë së Posaçme.
Gjithsesi dëshmia e tyre do të varet nga autorizimi i institucioneve të drejtësisë. Nëse prokuroria i lejon të vijnë në Kuvend, kjo do të përbënte herën e parë që një i paraburgosur merret në pyetje nga deputetët, ndërsa për herë të parë një person në hetim u mor në pyetje nga Komisioni Hetimor i TIMS. Bëhet fjalë për ish-drejtorin e IT në Policinë e Shtetit, i cili ishte në masë arrest në shtëpi, kur iu mor dëshmia nga anëtarët e komisionit.
Pas debateve që kanë pasur, palët dakordësuan edhe njëherë listën e dëshmitarëve, ku disa prej emrave kishin mbetur pa u pyetur nga sesioni i kaluar. Kështu, nga e hëna do të niset me dëshmitë, ku dy dëshmitarët e parë në listë janë ish-drejtorët e QSUT, Enkel Joti e Albana Fiço, si edhe drejtoresha aktuale Alma Cani.
Kryetarja Vokshi tha se janë dakordësuar që në listë do jenë edhe ish-drejtorët e spitaleve rajonale Durrës, Shkodër, Elbasan, Vlorë, drejtori i Koço Gliozhenit, Geni Hyka dhe ish-drejtori i Traumës Arben Zeneli. Në listë janë edhe anëtarët e grupit të punës së check up dhe 4 mjekë.
"Lista e dëshmitarëve. Këtë e kemi diskutuar dje gjatë në mbledhjen e kryesisë, jemi dakordësuar që meqë një pjesë e materialeve nga SPAK sa i përket check up, që arrijnë deri në 2019, ka ardhur vetëm disa ditë para, kemi vendosur që ta nisim me ata persona në listën e dëshmitarëve që nuk preken nga mungesa e këtij informacioni. Propozimi është që të thërriten ish-drejtorët e QSUT, drejtoresha aktuale, ish-drejtoresha e spitalit Durrës, traumës, Shkodrës, Elbasanit, Vlorës, drejtori i Koco Gliozhenit, anëtarët e grupit të punës së check up, kanë qenë disa mjekë dhe mjekët që i kishim në listë para se të mbyllej sesioni i kaluar por nuk e bënë dot dëshminë", tha Vokshi.
Edhe anëtarët e mazhorancës, dhe ata të opozitës, shprehën vullnetin për të dalë më një raport të përbashkët në fund të punës së Komisionit Hetimor për Shërbimet Publike të Sterilizimit dhe të Check-Up në Shëndetësi, që pas zgjatjes së afatit, do të mbyllet në muajin tetor.
Koncensionet e Sterilizimit dhe Check-up-it janë prej disa kohësh çështje hetimore nga SPAK-u. Për çështjen e parë hetimet janë mbyllur, ndërsa janë nën arrest me burg ish-zv.ministri i shëndetësisë Klodian Rrjepaj dhe koncensionari Ilir Rrapaj, si dhe dyshohet për shkelje dhe shpërdorim detyre ish ministri i shëndetësisë Ilir Beqaj. Ndërsa vazhdojnë hetimet për koncensionin e Check-up-it.
Lista e deshmitareve
Shqiptarja.com ka siguruar listën e dëshmitarëve në Komisionin Hetimor të Shëndetësisë për dy koncesionet sterilizimi dhe check up. 9 persona në hetim pritet të thirren për të dëshmuar, si ish-ministri Ilir Beqaj, ish-zv.ministri Klodian Rrjepaj, e biznesmeni i sterilizimit Ilir Rrapaj.
Për të marrë në pyetje personat në hetim, fillimisht Komisioni Hetimor do duhet që të marrë leje nga autoritetet.
Komente
Lajme të tjera
-
PD s’lejoi dëshminë e Beqajt te Hetimori i Shëndetësisë, avokati paralajmëron padi në Strasburg: Trajtim çnjerëzor, s'e lanë të flasë! Kishin frikë të shihnin provat që s’i ka gjykata
17 Nëntor, 10:49 -
‘Dështimi’ i Hetimorit të Shëndetësisë, Logu në Report Tv: PS e kishte të qartë që do bllokojë punën! Bala: Ligji nuk e përcakton si të dëshmonte Beqaj
15 Nëntor, 17:56 -
Skadoi afati/ Komisioni hetimor në Shëndetësi dështoi, Albana Vokshi akuzon PS për sabotazh
15 Nëntor, 13:48 -
Mero Baze: Zonja “Dy metra e gjerë” përballë zotrisë 'dy metra i gjatë'
15 Nëntor, 07:20
-
Manual se si degradojnë komisionet hetimore parlamentare
14 Nëntor, 17:32
-
'Hetimori i Shëndetësisë'/ Beqaj përplaset me Zhupën e Vokshin pas orës 01:00 pas mesnate! Deputetja e PD telefonon Gardën! Detajet e sherrit pasi kamerat u fikën tek kryesia
14 Nëntor, 12:28
-
Zhvendoset në Kuvend debati për Komisionin Hetimor të Shëndetësisë, i mbaron afati! PD: Shtyjeni 3 javë! PS: Teatër
14 Nëntor, 09:13 -
Sherr në orën 1 pas mesnate tek Hetimori i Shëndetësisë/ Beqaj futet në sallë, përplaset me deputetët PD! Zhupa: Po kërcënon! Vokshi: Urgjent kthejeni në burg! Ish ministri - Spahos: Ti mbylle gojën
14 Nëntor, 08:25 -
Hetimori i Shëndetësisë/ Beqaj reagon nga qelia: Deputetët e PD më tallën dhe fyen për mbi 14 orë, s’mund të lejoj nëpërkëmbjen e dinjitetit! S’kërcënova askënd, nuk më lejuan të dëshmoj
14 Nëntor, 08:00 -
Hetimori i Shëndetësisë/ Dështon për të dytën radhë dëshmia e ish-ministrit Ilir Beqaj, afati mbyllet sot në mesnatë! Debate dhe akuza, po tani çfarë do të ndodhë?
14 Nëntor, 07:39 -
‘Hetimori’ i Shëndetësisë, Zhupa për Report Tv: Të pyeten Rama e Vilma Nushi! Ndreca: Show politik, të dëshmojë Beqaj
14 Nëntor, 00:55 -
VIDEOLAJM/ Dy ditë peng për dëshminë, Beqaj pret në Kuvend me duar në xhepa! Porosit kafe
14 Nëntor, 00:28
Ky eshte kulmi. Nuk dua ta besoj qe parlamenti po i merr kopetencat SPAK-ut Mjer ky vend. Rama behet bashke me Berishen per te shkatarruar SPAK. TMERR!!!
Përgjigjupo cpune ka komisioni hetimor te meret me personat qe jane ne hetim nga prokuroria?cdo te bej ky komision do shvleresoj punen e prokuroris apo do te hetoj me mire se ata.beqaj ne burg keta i thone dil se do te pyesim ne...kjo elita politike e jona po kalbet komplet.dhe ne vashdojm e votojm po te njejtet prej 30 vitesh.hiq lenken,ve prengen..dhe keta bejn sikur zihen e tallin t.... me ne
PërgjigjuDO KENDOJE NADIRJA
Përgjigju