Afera e përgjimeve, Krasniqi:
Të më kërkojnë falje publike

Kryetari i Kuvendit të Kosovës, Jakup Krasniqi ka reagur lidhur me përgjimet nga EULEX ku është përfshirë kryeministri Hashim Thaçi, kryetari i Komunës së Skederajit Sami Lushtaku dhe shefi i grupit parlementar Adem Grabovci.

Krasniqi kërkon që këta persona të kërkojnë falje publike për ofendimet që kanë bërë ndaj tij, të cilat u zbuluan nga përgjimet e telefonatave mes tyre, të bëra publike dje në mediat kosovare. Gjatë bisedës, Thaçi e quan kryetarin e Kuvendit “Jakupovski”, ndërsa Lushtaku e quan "qen".

Jakup Krasniqi, është shprehur për mediat se nuk është ofenduar ai personalisht po është ofenduar funksioni që ai mban, i kryetarit të Kuvendit. Jakupi ka refuzuar të komentojë më tepër duke pohur se pavarësisht se çka ka ndodh ai vazhdon të ndihet mirë, raporton “Zëri”.

Deklaratat, Jakup Krasniqi i bëri sot pas mbledhjes së Kryesisë së Kuvendit, ku është caktuar që në orën 14:00 të mbahet një seancë solemne për nder të lirimit të liderit të AAK-së Ramush Haradinaj, i cili u shpall dje i pafajshëm nga Gjykata e Hagës lidhur me akuzat për krime lufte.

Redaksia Online
(Gre.M/Shqiptarja.com)