POP 5

Lajmet më të lexuara të 5 minutave të fundit

Lajme nga emisionet

Afera e privatizimit të ish-Kompleksit 'Partizani', ish drejtori i klubit: Abuzim nga Berisha dhe dhëndri! Gati të dëshmoj në SPAK

Ashtu siç edhe Report Tv e ka faktuar me 3 investigime, ish drejtori i klubit Partizani, Isa Tare ka folur për aferën e privatizimit të ish kompleksit ‘Partizani’ duke thënë se ka gisht Sali Berisha dhe dhëndri i tij Jamarbër Malltezi. Në një intervistë për 'Report Tv' u shpreh se është i gatshëm të dëshmojë në SPAK. 

Ashtu siç edhe Report Tv e ka faktuar me 3 investigime, ish drejtori i klubit Partizani, Isa Tare ka folur për aferën e privatizimit të ish kompleksit ‘Partizani’ duke thënë se ka gisht Sali Berisha dhe dhëndri i tij Jamarbër Malltezi.  Në një intervistë për Report Tv me gazetarin Arbër Hitaj, u shpreh se e hoqën nga puna duke dërguar ish shoferin e autobusit që të dërgojë zarfin me shkarkimin dhe në vendin e tij vunë ish futbollistin Afrim Tolja.

Ky i fundit e dha dorëheqjen pas 3 muajsh për t'ia dorëzuar atyre që e kërkuan. Sipas Tares, kishte lidhje me Fatmir Mediun pasi menjëherë pas largimit nga drejtimi i klubit 'Partizani', mori një post tek Ministria e Mjedisit.

“Klubi ka qenë fidanishte por është bërë për qëllime fitime se mesa di unë janë bërë mbi 15 kulla. Janë prishur fusha e futbollit, palestra, janë rrafshuar për t’u bërë pallate. Sa kohë kam qenë drejtor, kam tentuar por nuk gjenin mbështetjen time. Mua më hoqën në mënyrë demonstrative, madje ish shoferi i autobusit më gjeti në rrugë, më dha zarfin që jam shkarkuar. Në vendin tim erdhi Afrim Tolja, ish futbollist, njeri shumë negativ për klubin. Qëndroi 3 muaj dhe tha se do të japë dorëheqjen për arsye shëndetësore. E dorëzoi klubin te ata që e kërkuan dhe e emëroi Fatmir Mediu tek ministria e Mjedisit. Pra ka qenë e lidhur”, tha Tare.

Ndër të tjera, u shpreh se nuk e kanë thirrur ende por është i gatshëm të dëshmojë në SPAK pasi ka qenë për 47 vite pjesë e klubit Partizani.

“Arben Imami ka përgjegjësinë e vet. Ministria e Mbrojtjes ka bërë procedurën komplet. Ka qenë në varësi të saj, me fondet e saj, bazën materiale e çdo gjë e kishim nga Ministria e Mbrojtjes, e cila dhe e dorëzoi. Ai donte ta kishte mirë me Berishën dhe e dorëzoi klubin. Ka shumë abuzim. I kanë shitur e fituar 150 milionë euro. Kanë shitur hyrjet me çmime shumë të larta. Unë jam i gatshëm që të paraqitem para SPAK e të dëshmoj. Deri tani nuk më kanë kontaktuar. 47 vjet kam qenë pjesëtar i klubit dhe me shumë funksione. Për sporte të tjera si volejbolli e basketbolli, të gjitha kanë mbetur pa shtëpi”, tha Tare.

Ditën e sotme, ish-ministri i Mbrojtjes Fatmir Mediu, pa praninë e një avokati, është paraqitur në ambientet e Prokurorisë së Posaçme (SPAK), pasi është thirrur si person qe ka dijeni për rrethanat e hetimit për dosjen e kompleksit ‘Partizani’ dhe për rolin e tij si ministër i Mbrojtjes gjatë kohës së qeverisjes së Sali Berishës, kohë kur u privatizua edhe ish-kompleksi 'Partizani'.

Ndërsa për çështje ditësh, pritet të thirren edhe ish-kryeministri Sali Berisha dhe dhëndri i tij, Jamarbër Malltezi, një prej pronarëve kryesorë të pallateve që fshiu gjurmët e kompleksit Partizani. Privatizimi i kompleksit ‘Partizani’ është një dosje që tashmë e ka në dorë Prokuroria e Posaçme dhe po e heton për pastrim parash.

Bëhet fjalë për një pronë me rreth 10.000 m2, m’u në qendër të Tiranës në vitin 2008 e prapa që është privatizuar me një vlerë prej 100.000 dollarë, por është blerë më pak se vlera e një garsoniere të shitur në atë zonë.  Klubi sportiv "Partizani" ishte kompleksi më i rëndësishëm sportiv në pronësi të Ministrisë së Mbrojtjes, jo shumë larg nga qendra e Tiranës, ku sot janë 17 kulla në Rrugën "Frosina Plaku", tek ish Fusha e Aviacionit, qendra më të madhe sportive në zemër të kryeqytetit, me përmasa 26.000 metra katrorë, që në fund u pagua vetëm 14.000 euro.

E gjithë dosja për privatizimin e “Kompleksit sportiv Partizani” ka dalë nga arkivat e ministrive me kërkesë të gazetarëve investigativë të Report TV, të cilët e studiuan atë për muaj me radhë.

Lexo këtu edhe investigimet e Report Tv për privatizimin e 'Kompleksit Partizani' nga 'klani Berisha'
INVESTIGIMI I
INVESTIGIMI II
INVESTIGIMI III

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • LORA: 21/09/2022 18:10

    E besoj ish-atletin e shkelqyer dhe qytetarin e vertete Isa Tare.

    Përgjigju
  • derrat e ndyre: 21/09/2022 16:14

    Te rrafshohen te gjithe pallatet qe jane bere aty dhe te behet siç ka qene me pare 'Kompleksi Partizani' dhe te shtohen edhe lulishte e parqe te gjelberuara. Te punojne pa pagese me kazma e lopata me nga 16 ore ne dite PUNE TE DETYRUAR te gjithe horrat si mediat, berishat, imamajt e te gjithe soj e sorrollopi i tyre se bashku me te tere maskarenjte e tjere... Vetem keshtu vihet DREJTESIA NE VEND dhe gjithashtu pastrohet disi vendi nga plehrat e ndyresiart me dy kembe e me beton e tulla.

    Përgjigju
    • garo durres: 22/09/2022 13:28

      ktheni sk partizanin sic e mbajme mend ne , i vetmi klub qe na ka afruar ne sportisteve te provincave ngrohtesi dhe bollek , poshte hajdutet berisha me familjen hajdute

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

VIDEO/ Atentati në Vlorë, policia lëviz automjetin e djegur të autorëve

VIDEO/ Atentati në Vlorë, policia lëviz automjetin e djegur të autorëve

18 Dhjetor, 23:33