POP 5

Lajmet më të lexuara të 5 minutave të fundit

Politikë

Lajme nga emisionet

Afera ‘Partizani’/ Berisha s’u paraqit në SPAK, avokati: Po shkel në mënyrë absurde vendimin e gjykatës, prokuroria mund të kërkojë ‘arrest shtëpie’

Avokati Arbër Hoxhaj avokati thotë se Berisha po e shkel në mënyrë absurde vendimin e Gjykatës, pasi ndonëse e ka apeluar vendimin duhet të zbatojë masën detyrim paraqitetje për aferën 'Partizani'.

TIRANË- Ish-kryeministri Sali Berisha nuk i është bindur vendimit të GJKKO dhe ditën e sotme nuk është paraqitur në SPAK për masën e sigurimit ‘detyrim paraqitjeje’ që është vendosur ndaj tij për çështjen e privatizimit të Partizanit. Avokati Arbër Hoxhaj shpjegoi në Report Tv se çfarë ndodh nëse Berisha refuzon sërish të zbatojë vendimin e gjykatës.

I ftuar në emisionin ‘Sot Live në Shqipëri’ me gazetarin Nertil Agalliu, avokati thotë se Berisha po e shkel në mënyrë absurde vendimin e Gjykatës, pasi ndonëse e ka apeluar vendimin duhet të zbatojë masën detyrim paraqitetje deri në një vendim të formës së prerë.

“Vendimi i Gjykatës është i ekzekutueshëm pavarësisht të drejtës që ka personi ndaj të cilit është caktuar masë shtrënguese. Shkelja vetëm njëherë për shkak të disa shkaqeve të përligjura që mund të jenë raste  fatkeqësish natyrore, sëmundje, apo diçka tjetër që lidhet me familjen. Në rastin konkret, në mënyrën më absurde nuk njeh vendimin e gjykatës duke pretenduar për shkelje ligjore kushtetuese. Çdo shkelje ankohet dhe më pas është gjykata më e lartë që cakton”, u shpreh avokati Hoxha në Report Tv.

Hoxha tha se nëse Berisha nuk paraqitet dy ose më shumë herë, SPAK i lind e drejta që të kërkojë një masë më të rreptë, si ajo ‘arrest shtëpie’, por së pari do t’i duhet autorizim nga Kuvendi.

“Nëse ky detyrim është i përsëritur. Nëse nuk shkon dy apo më shumë herë, prokurorit të çështjes i lind e drejta të kërkojnë që të marrin autorizim nga Kuvendi për të ndryshuar masën e sigurimit nga detyrim paraqitje në një masë sigurimi më të rëndë që është ajo e arrestit me shtëpi. Arresti me burg mund të duket e tepruar nga ana e gjykatës. S’ka vendimmarrje nga apeli. Detyrimi për tu paraqitur duhet të ekzekutohet”, tha Hoxha.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Një letër për studentin e gazetarisë në kohën e marrëzisë

Një letër për studentin e gazetarisë në kohën e marrëzisë

4 Maj, 00:25 nga Lutfi Dervishi