POP 5

Lajmet më të lexuara të 5 minutave të fundit

Kronikë

‘Partizani’/ Berisha kërkon të shkojë në Kuvend, GJKKO shtyn seancën, nuk pranon fletëthirrjen e firmosur nga Argita! Për herë të 4-t kërkojnë përjashtimin e gjyqtares Gjoka

Shtyhet me datë 8 shkurt seanca në GJKKO për ish-kryeministrin Sali Berisha, i cili kërkon të marrë pjesë në Kuvend. Gjoka nuk pranoi fletëthirrjen për seancën gjyqësore të firmosur nga Argita Berisha. Avokatët kërkojnë përjashtimin e Gjokës për herë të katërt.

TIRANË- Gjykata e Posaçme ka shtyrë seancën për ish-kryeministrin Sali Berisha, i cili kërkon të marrë pjesë si deputet në seancat plenare të Kuvendit. Gjyqtarja Irena Gjoka e shty seancën me argumentin se fletëthirrjen që sot do të zhvillohej seancë gjyqësore e ka firmosur Argita Berisha dhe jo vetë ish-kryeministri.

Gjyqtarja thotë se duhet të jetë vetë personi në hetim që të firmosë fletëthirrjen që vërteton se ka dijeni që do të zhvillohet seanca. Kështu Gjoka vendosi që seanca e radhës të mbahet më 8 shkurt.

"Kemi ankimuar vendimin e SPAK, sot ishte seanca për të shqyrtuar ankimimi. Sot është dekriptuar që qëllimi politik po realizohet në mënyrë rigoroze nga kjo gjykatë. Në kohën e marrjes së masave të sigurimit, ishin të pakomunikuara dhe ata i konsideron të komunikuara.

Sot ndodh e kundërta, Gjykata nuk e konsideroi të njoftuar dhe e shtyn seancën. Shtyrja është për të vonuar gjykimin e kësaj kërkese. I vetmi qëllim është djegia e mandatit të Berishës. U shty për me datën 8 shkurt. Të shohim se çfarë marifeti tjetër do nxjerrë gjykata. Sot me firmë dhe me dijeni e konsideron të panjoftuar Berishën", tha avokati. 

Nga ana tjetër, avokatët mbrojtës kanë kërkuar për herë të katërt përjashtimin e gjyqtares Gjoka. Në daljen për mediat, avokati Genc Gjokutaj sulmoi drejtësinë duke thënë se kjo është një lojë politike dhe kërkojnë që Berishës t’i djegin mandatin e deputetit.

"Kemi mbledhur shkeljet. Gjoka ka dhënë vendimin e datës 30 dhjetor për zëvendësimin e masës, pa u shprehur gjykata për kërkesën e përjashtimit", u shpreh Gjokutaj.

Kujtojmë që më 19 janar, SPAK refuzoi kërkesën e Berishës për të shkuar në seancat plenare. Prej 30 dhjetorit 2023 Sali Berisha ndodhet në arrest shtëpie, masë e caktuar nga Gjykata e Posaçme, pas kërkesës së SPAK. 

Ish kryeministri Berisha, nën hetim nga SPAK akuzohet se ka ndërmarrë veprime konkrete në miratim ligjesh dhe aktesh nënligjore, për të favorizuar dhëndrin e tij Jamarbër Malltezi, një ndër pronarët e truallit ku shtrihej kompleksi sportiv, mbi të cilin ndërtoi më pas 19 kulla.

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Skandali tek Onkologjiku, a duhet hetimet të shkojnë përtej mjekëve?

Lajme të tjera



×

Lajmi i fundit

Euro 2024/ Portugalia i falet Diogo Costas pas 120 minutave dhe penalltive, mposht Slloveninë dhe gjen Francën në çerekfinale! Ronaldo gabon 11 metërshin

Euro 2024/ Portugalia i falet Diogo Costas pas 120 minutave dhe penalltive, mposht Slloveninë dhe gjen Francën në çerekfinale! Ronaldo gabon 11 metërshin

1 Korrik, 23:42