Afera Partizani/ Seanca paraprake në GJKKO, Malltezi kërkon pushimin e dosjes! I dhanë leje Berishës për të shkuar në Gjermani, Gjokutaj zbulon dokumentet që dorëzoi në SPAK

TIRANE- Në GJKKO u mbajt sot seanca paraprake për aferën Partizani, që ka si protagonist ish-kryeministrin Sali Berisha dhe dhëndrin e tij Jamarbër Malltezi.

Seanca paraprake e cila nisi në orën 10:00 dhe u mbyll në orën 14:00 vijoi me argumentet e avokatit të Jamambër Malltëzit i cili kërkoi pushimin e çështjes ose dosja të rikthehet në SPAK.

U denoncua prapavija politike e këtij procesi, se Malltezin e akuzojnë në bashkëpunim me Sali Berishën për korrupsion të zyrtarëve të lartë, ndërkohë që ai nuk ka qenë asnjëherë zyrtar i lartë dhe nuk është subjekt i kësaj çështje tha avokati përfaqësues i Malltezit, Genc Gjokutaj.

Gjokutaj zbuloi dhe se dokumentet që paraqitën në SPAK për të marrë lejen për të udhëtuar drejt Gjermanisë.

"Nuk bëhet shaka me miellin e gjermanit.  Kundrejt ftesave të huaja janë më fleksibël. I kemi çuar ftesën origjinale, dhe biletat e udhëtimi të zotit Berisha që e bëjnë të pamundur paraqitjen e zotit Berisha në datën 3 dhe është lënë data 17 shkurt' tha avokati Gjokutaj

Seanca paraprake do të vijojë me mbrojtjen e Fatmir Beltashit, Xhimi Begeja dhe Andia Pustina. Gjyqtarja Flojera Davidhi do të vendosë nëse dosja do të kalojë për gjykim, do kthehet në SPAK apo do të pushohet. Ndërkohë në seancat e kaluara avokatët e Berishës paraqitën pretendimet e tyre. 

Kryetari i PD-së Sali Berisha është marrë i pandehur për dosjen ‘Partizani’, për të cilën SPAK e akuzon se me një sërë veprimesh i hapi rrugë privatizimit të ish kompleksit sportiv Partizani që u pasua me ndërtimin e 19 kullave, ku përfitues është dhe dhëndri i tij Jamarbër Malltezi, i pandehur gjithashtu.

Të pandehur në aferën Partizani janë edhe biznesmeni Fatmir Bektashi, Xhimi Begeja orataku i Malltezit, trashëgimtar i tokës dhe bashkëpronar i 'Homeplan' dhe Andia Pustina, financiere që kryente të gjitha operacionet financiare dhe ligjore të Homeplan. 

Në seancën e sotme të pandehurit u përfaqësuan nga avokatët e tyre. Vetëm biznesmeni Fatmir Bektashi është i pranishëm. 

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Shkurt, 09:24

    Mandarina me pesticide, sa të sigurta janë produktet që konsumojmë?



×

Lajmi i fundit

Kjo është palestinezja që u gjet e vrarë në Tiranë/ Del fotoja e 24-vjeçares, vrasësi iku nga Greqia në Amsterdam

Kjo është palestinezja që u gjet e vrarë në Tiranë/ Del fotoja e 24-vjeçares, vrasësi iku nga Greqia në Amsterdam