Nën akuzë për dosjen ‘Partizani’, Berisha niset sot drejt Gjermanisë, do marrë pjesë në Kongresin e CDU-së! SPAK i dha leje

Nën akuzë për dosjen ‘Partizani’, Berisha niset sot drejt Gjermanisë, do marrë pjesë në Kongresin e CDU-së! SPAK i dha leje

Sali Berisha

Tiranë- Kryetari i Partisë Demokratike, Sali Berisha, nën akuzë prej më shumë se një viti nga SPAK për aferën në dosjen “Partizani” dhe gjithashtu “non grata’ nga Britania e Madhe dhe SHBA-të, niset sot drejt Gjermanisë, ku do të marrë pjesë në Kongresin Elektoral të CDU-së.

Kjo vizitë vjen pas një ftese zyrtare si përfaqësues i opozitës shqiptare. 

“Kongresi mbledh liderët e partive anëtare të Partisë Popullore Evropiane, ku bën pjesë edhe Partia Demokratike e Shqipërisë”, thuhet në njoftimin e selisë blu.

SPAK i ka dhënë leje Berishës për të kryer këtë vizitë dhe për të mos u paraqitur në Prokurorinë e Posaçme në datën e radhës, sipas vendimit të Apelit të GJKKO-së, për detyrim për paraqitje dy herë në muaj.

Për herë të parë, në zbatim të masës së sigurisë, Berisha shkoi në SPAK më 6 janar, ku mblodhi vetëm një grusht militantësh. Berishës iu rikthye masa e detyrimit të paraqitjes më 3 janar 2025, nga gjyqtari i Apelit të Posaçëm, Engert Pëllumbi, pasi SPAK ankimoi lirimin e tij.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Shkurt, 09:24

    Mandarina me pesticide, sa të sigurta janë produktet që konsumojmë?



×

Lajmi i fundit

Reagimi i parë nga Moska për debatin Trump-Zelensky: Përplasje historike

Reagimi i parë nga Moska për debatin Trump-Zelensky: Përplasje historike