Kërçiku e Domgjoni
Tirana me dy mungesa të sigurta në derbin e 148-të të kryeqytetit ndaj Partizanit. Gjatë seancës stërvitore të kësaj të shtunë, është konfirmuar pamundësia e Kërçikut për të qenë në fushë në supersfidën e të hënës, por edhe e Domgjonit, që gjithashtu ka patur një problem muskular në pulpë. I vetmi shqetësim për Josën është zëvendësimi i Kërcikut në të djathtë, pasi në qendër të mbrojtjes mbeten të konfirmuar Muca me Teqjen.
Një alternative e besueshme mund të konsiderohet i riu Cake, për të mos djegur për fazën sulmuesi një element shumë të rëndësishëm se Afrim Taku, që ka shënuar 8 gola më kampionat. Lajmi i mirë për stafin teknik është riaftësimi i Akuah dhe Moise, që kishin shqetësuar jo pak ambientin bardhebklu në fillim të javës. Drejtuesit e ka grumbulluar skuadrëm që këtë të shtunë, ndërsa një ditë para derbit do të zhvillohet seanca e fundit stërvitore, ku Josa do të vendosë përfundimisht për formacionit titullar ndaj të kuqve.
Trashi
Tre sezone te Partizani, 20 ndeshje këtë sezon dhe një gol i shënuar. Lorenc Trashi është padyshim njeriu që ndryshon ritmin e ekipit të kuq. Për të vlerësuar rëndësinë e tij në skemat e Starovës mjafton të kthehemi pas në kohë për të analizuar transfertën e Gjirokastrës ku mesfushori 24-vjeçar mungoi dhe Partizani vuajti shumë për të gjetur ritmin. Në prag të derbit të tretë sezonal, lojtari i lindur në Gramsh e pranon se kjo është një sfidë shumë e rëndësishme, por jo vendimtare. 6 pikë nga Kukësi por ende një sezon i gjatë, Trashi beson se ndeshjet direkte do të jenë vendimtare për çështjen e titullit. “Nuk mund të them që është derbi më i rëndësishëm, por ndeshja e radhës më e rëndësishme duke parë pozicionin që kemi në klasifikim dhe situatën që po kalojnë.
Kampionati është ende i gjatë duke parë që nuk jemi ndeshur ende me Kukësin dhe Skënderbeun. Mendoj se çdo gjë do të vendoset ne ndeshjet direkte”. Në kryqeytet, derbi jetohet çdo ditë dhe Trashi e pranon se me kalimin e viteve trendi ka ndryshuar sepse tifozët i kërkojnë diçka më shumë se fitorja ndaj Tiranës. “Tifozet mendojne se tituli eshte kryesor duke ditur qe kemi kohe qe nuk hmbasim ne derbi”. Në fund, mesfushori 24-vjeçar e pranon se një gol në derbi e ëndërron, por e rëndësishme në të tilla sfida është fitorja dhe jo njeriu që arrin të shënojë.
dy.b/shqiptarja.com