Afron 'International Albanian Brass Festival' në Universitetin e Arteve

Afron 'International Albanian Brass Festival' në Universitetin e Arteve

 “International Albanian Brass Festival” vjen për publikun në edicionin e IV me artistë e ansamble të ftuar nga vende të ndryshme si Rusia, SHBA, Italia, Austria, Kroacia, Italia, Hungaria, Kosova, Maqedonia e Veriut, Serbia dhe Shqipëria.

Festivali do shoqëroj publikun prej datës 22-27 prill në Universitetin e Arteve, Amfiteatrin e Liqenit Artificial të Tiranës dhe në teatrin “Petro Marko” në qytetin e Vlorës.

Gjithashtu gjatë këtij festivali artistët e huaj dhe shqiptarë do mbajnë dhe master klase si një ndihmesë e madhe për artistët e rinj të cilët kanë mundësinë të marrin mësime nga artistë të shquar dhe me eksperiencë disa vjeçare.

”60 artistë do të performojnë gjatë 5 ditëve pranë Universitetit të Arteve, Amfiteatrit të Liqenit Artificial të Tiranës dhe teatrit “Petro Marko” në qytetin e Vlorës. Gjithashtu këta artistë do të mbajnë edhe Master-Class (falas) pranë Universitetit të Arteve për të gjithë studentët apo të interesuarit”, shprehet ministria e Kulturës Elva Margariti për edicionin e IV të këtij festivali.

Qëllimi i këtij festivali është të krijoj urat e bashkëpunimit mes artistëve shqiptarë dhe të huaj.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Xabi Alonso drejt rinovimit, Liverpool hedh sytë te trajneri portugez

Xabi Alonso drejt rinovimit, Liverpool hedh sytë te trajneri portugez