POP 5

Lajmet më të lexuara të 5 minutave të fundit

Sport

Afron klasikja, frikë për dhunë në Tirana-Vllaznia! Duka: S'janë tifozë, por njerëz të cilët përfitojnë nga futbolli

Në prag të derbit të Shqipërisë mes Tiranës dhe Vllaznisë, presidenti i FSHF-së Armand Duka ka thënë se ata të cilët përfshihen në sherre nuk janë tifozë, por persona që përdorin futbollin.

Tirana-Vllaznia është klasikja e futbollit shqiptar, që pritet me padurim nga tifozët e klubeve. Mirëpo vitet e fundit shpesh ajo që ndodh në fushën e gjelbër e ka humbur rëndësinë, për shkak të përplasjeve mes tifozëve. Të dielën ndërkohë dy klubet do luajnë në Tiranë për javën e 17 të Superligës.

“Tirana dhe Vllaznia janë dy klube me histori, legjendare, emblematike. Duhet të respektojmë lojën në rradhë të parë dhe njëri-tjetrin. Asnjë fenomen dhune nuk ka lidhje me futbollin. Madje mund të ketë të interesuar që nëpërmjet futbollit duan të realizojnë qëllime të tjera,”-u shpreh Armand Duka, kreu i FSHF-së.

Duka, i cili sot zhvilloi një takim me drejtuesit e Vllaznisë, por edhe shoqatën rajonale të Shkodrës, u pyet edhe për dhunën e paprecedentë të pak javëve më parë në futbollin e vajzave po mes Tiranës e Vllaznisë.

“Nuk ka qenë e lehtë. Padyshim që komisioni i disiplinës po e shqyrton dhe do japë vendim. Nuk është një gjë e mirë, aq më shumë për futbollin e vajzave dhe uroj mos të ndodhë më,”-tha Armand Duka, kreu i FSHF-së.

Drejtuesit e klubit të Vllaznisë, në bashkpunim me federatën dhe bashkinë e qytetit, janë në bisedime për ndërtimin e një kompleksi sportiv ku do të kryhen stërvitjet.

“Albani (presidenti i Vllaznisë) ka bërë një projekt-ide për të ndërtuar një kompleks sportiv në ish-uzinën e telave, që i është vënë në dispozicion bashkisë. Bashkarisht të bëjmë një projekt që do ta kthejë në qendër stërvitore. Ideja është të ndërtojmë katër fusha stërvitore dhe të gjithë ambientet e nevojshme. Uroj ta kurorëzojmë sa më shpejt,”-deklaroi Armand Duka, kreu i FSHF-së.

 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça