POP 5

Lajmet më të lexuara të 5 minutave të fundit

Ekonomi

Agjencia e reklamave e PD-së
fitoi tenderin e skandalit

Ministry of Communication e Elvis Themelit i të afërt me krerët e PD, morën paratë. Shqiptarja.com zbardh skemën. (Foto: Faksimile e ekstraktit ne QKR dhe Ministria e Punes)
Akuza do të thërrasë në pyetje Spiro Kserën
Akuza në 2012, Shalsi: Ja abuzimi i Berishës me reklamat
Si u zbulua skandali ne ministrinë e Punes
Agjencia e reklamave e PD-së<br />fitoi tenderin e skandalit
TIRANE-  Abuzimi korruptiv me fondet e ministrisë së punës dhe Çështjeve Sociale, zbuluar së fundi nga Prokuroria e Tiranës, pas akuzës së një shtetaseje, që ishte e punësuar më parë në atë dikaster, është kryer me ndërmjetësinë e një kompanie, tashmë të njohur si fituese e shumë tenderave të përfolur, si koncerti i Rita Orës, festimet me rastin e 100-vjetorit të Pavarësisë, etj. Të gjitha këto evente janë përballuar me shpenzime të konsiderueshme nga taksat e shqiptarëve dhe kanë kaluar nëpërmjet dy-tri kompanive.

Në rastin e 1 Majit, që do të mbulohej me një spot të shtrenjtë televizi, fitues është shpallur subjekti MC (Ministry of Communication), në bashkëpronësi të Elvis Themelit, emër i njohur me lidhje të ngushta me krerët e Partisë Demokratike dhe qeverisë së mëparshme.

Themeli zotëron në këtë kompani 50 për qind të aksioneve dhe është bashkëpronar me Driton Sahitin, drejtor marketingu në PTK (postë-telokomunikacionin e Kosovës). Praktikisht, kjo kompani ka shërbyer për organizimin e të gjithë fushatës së Partisë Demokratike, si një zyrë e vërtetë propagandistike e saj.
 
AKT AKUZA
Por, nëpërmjet këtij subjekti, qeveritarët e Berishës realizonin edhe vjedhjen e fondeve publike. Sipas Prokurorisë, u është kërkuar informacion tre televizioneve kombëtare, ku, sipas ofertës së paraqitur nga subjekti fitues MC do të transmetohej spoti televiziv për festën e 1 Majit, por ka rezultuar se MC ka pajtuar një kompani tjetër PLATEA për një shërbim të tillë.

Në akt-akuzë rezulton e provuar që subjekti MC ka kontraktuar me tre televizionet dhe subjektin Platea që në datat 27.04.2010 dhe 28.04.2010, por konkurimi rezulton të jetë bërë krejtësisht fiktiv, pasi, nga dokumentacioni, rezulton që oferta e subjektit fitues të jetë protokolluar në ministri më datë 29.04.2010 dhe  kontrata që e ka shpallur fitues është lidhur më datë 30.04.2010, çka të bind se subjekti fitues është paracaktuar dhe nuk ka patur konkurim fare.
faksimile e qkr kompania ministry of communication

Kontrolli i Shtetit
Dëmi i llogaritur ndaj shtetit është 66 mijë euro
 
Më datë 21.05.2012 në Prokurorinë e Rrethit Gjyqësor Tiranë është depozituar kallzimi penal nga ana e Kontrollit të Lartë të Shtetit në ngarkim të punonjësve të Mimistrisë së Punës dhe Çështjeve Sociale për veprën penale të shpërdorimit të detyrës. Sipas kallzimit, gjatë organizimit të aktivitetit për festën e 1 Majit 2010 është vepruar në kundërshtim me ligjin dhe në praktikën për organizimin e këtij aktiviteti ka mungesa të shumta për dokumentimin e aktivitetit, duke vlerësuar një dëm ekonomik për arkën e shtetit në vlerën 9.237.863 lekë ose 66 mijë euro.

Shkrimi u publikua sot (08.10.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mos harroni çadrat! Reshje shiu dhe temperatura deri në 14 gradë

Mos harroni çadrat! Reshje shiu dhe temperatura deri në 14 gradë

28 Nëntor, 07:23