Në Angli raportojnë se Tottenham do të pranojë të shesë Eriksen te Inter vetën në rast se këta të fundit do të ofrojnë 17 mln paund. Për momentin zikaltërit kanë shkuar në 11 mln paund dhe dy të tjera në formë bonusesh, por drejtuesit e skuadrës italiane kanë deklaruar me kofidencë se janë optimist për të marrë mesfushorin danez.
Sot agjenti i futbollistit ka programuar një takim me presidentin e klubit të ‘spursave’ Daniel Levy, ndërsa më herët ka patur takime në Milano me drejtuesit e Interit.
Duke parë rrethanat mendohet se është çështje kohe që Eriksen të kompletojë kalimin te zikaltërit, të cilët sot kanë kompletuar edhe afrimin e dytë në këtë merkato Victor Moses. Ish-futbollisti i Chelsea-s ka kryer vizitat mjekësore dhe nga çasti në çast pritet zyrtarizimi në faqen e klubit.