POP 5

Lajmet më të lexuara të 5 minutave të fundit

Sport

Agustin Kola jep 'recetën' për triumfin në derbi: Egbo ka meritë të madhe, nuk rri pas presidentit (VIDEO)

Agustin Kola, një ikonë e klubit të Tiranës, beson se bardheblutë do t’ia dalin të fitojnë derbin me Partizanin falë trajnerit Emanuele Egbo. Ish-trajneri i 24 herë kampionëve të vendit dënon edhe veprimet e disa prej tifozëve të Tiranës që thyen stolat në Air Albania në ndeshjen e fundit me Kukësin.

TIRANE- Duhet të kthehemi të paktën shtatë vite pas për të gjetur momentin e fundit kur Tirana vinte superiore në derbin me Partizanin sa i përket tabelës së klasifikimit. Gjithashtu një faktor që i favorizon bardheblutë është ecuria më shumë se pozitive në javët e fundit, pasi në nëntë takime në kampionat ka një barazim dhe tetë fitore. Për një ikonë të klubit bardheblu si Agustin Kola, ky moment që po kalon ekipi ka vetëm një shpjegim:

 “Kam qenë që në fillim pro trajneri Egbo. Ka 20 vjet që jeton në Tiranë, ka qenë lojtar i Tiranës, portier profesionist. Është njeri kërkues, familjar. Nuk është si këto të tjerët që rrinë gjithë ditën pas presidentëve. Ai e ka mendjen te fusha”, thotë Kola.

I pyetur për derbin e ditës së premte Agustin Kola thotë se dëshira e tij është që të fitojë Tirana.

“Dëshira ime është të fitojë Tirana, por derbi gjithmnonë përgjitjësi për ekipin e Tiranës. Si në kohën tonë edhe në kohën e sotme. Derbi gjithmonë ka sjellë bukuri. Ju e keni parë edhe kur Partizani ka qenë në kategorinë e dytë sërish është mbushur stadiumi. Në derbi fiton ai që ruan qetësinë në fushë, do përqendrim”, shprehet Kola.

Kola ishte i zhgënjyer për veprimet e disa prej tifozëve të cilët thyen stolat në stadiumin ‘Air Albania’ në ndeshjen e fundit me Kukësin.

“A ka gjë më të bukur se ai stadium që të bën për vetë?! Tifozët të mos meren me këto gjera, jo thyerje stolash, jo sharje, jo ofendime sepse e kam pa kohët e fundit që janë ngritur këto çështje. Fusha e lojës i ka të gjitha”, tregon Kola.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Partizani: 27/02/2020 16:00

    Derbi I dashur Agustin nuk vendoset ne fushe... e ka vendosur Duka qe ne Shtator... per 100

    Përgjigju
  • çentrale: 27/02/2020 13:08

    Civilizimi ( si meshkujt si femrat ) e frenon , jo ashpersimi i ligjit

    Përgjigju
  • Sondazhi i ditës:

    Vritet polici në Kosovë, a po reagojnë si duhet ndërkombëtarët ndaj Serbisë

Lajme të tjera



×

Lajmi i fundit

Aksident në autostradën Vlorë-Fier, përplasen disa makina

Aksident në autostradën Vlorë-Fier, përplasen disa makina

25 Shtator, 14:45