Airport/ Bamir Topi: Ja pse
Berisha po lë fillikat Topallin

TIRANE - Bamir Topi, kreu i Frymës së Re Demokratike, ish president i Republikës në studion e A1 Report atakoi disa nga funksionarët e Partisë Demokratike, ndërsa u shpreh i sigurt për një rezultat surprizë në zgjedhjet e 23 qershorit. Duke njohur Berishën rrëfeu sesi është mënjanuar Jozefina Topalli nga PD, ndërkohë që nuk ngurroi të atakojë edhe Edi Ramën, për bojkotin total që i ka bërë një institucioni të rëndësishëm si KQZ. Për FRD që pretendon të marrë vota si një forcë në qendrën e djathtë, këto zgjedhje, do të kenë shumë surpriza. Në pjesën e dytë të emisionit, në panel u ftuan gazetarët Armand Mero dhe Aleksandër Çipa, të cilët u fokusuan në çështjen e fushatës, KQZ-së dhe numërimit të votave.

Jemi në “Aireport”, por nuk jemi në fluturim, jemi në terren. Si duket FRD në këto zgjedhje? Çfarë po ndodh? Ndjehemi optimist? Ndjeheni në ajër, apo me këmbë në tokë?
Meqenëse ju iu referuat “Aireport”, unë po them se qëndrojmë me këmbë në tokë, por me shance të mëdha për të marrë fluturimin lart. Kjo përkufizon në mënyrë metaforike, pozicionin e FRD. Është një parti një parti një vjeçare edhe besoj se është një eksperiencë unikale në tranzicionin shqiptar. Një parti me një vit jetë, me personalitete konkurruese e të spikatura. Një ekip që i ofron të dyja, por mbi të gjitha me një filozofi të re, konkurruese dhe më shumë shpresë për të qenë vendimmarrës në Parlament dhe në qeveri nesër.

Sa konkurruese do të jeni në këto zgjedhje? Do të jeni faktor i rëndësishëm i të djathtës, ashtu sikurse tani LSI për të majtën?
Dëshiroj të mos i referohem askujt në politikën shqiptare. Jemi një rast sui generis. Sepse së pari do të thoja që brenda FRD po të grumbullosh eksperincën e protagonistëve kryesorë dhe ata që janë në vijën e dytë, ka një alternim të veçantë midis interesave dhe profileve. Ajo që na dallon nga partitë e vjetra, është se kjo është parti me një frymë te re, me një profil të ri të re.

Ka shumë ankesa në rrrjetet sociale ku disa nga emrat e kësaj partie flas për Aleksandër Biberajn, Afrim Krasniqin, Edmond Dragotin apo Mirela Bogdanian nuk i kemi parë në listat fituese?
Unë do të doja që emrin e zonjave ta pëmendja në fillim për respekt ndaj zonjave.

Ndoqa dhe unë logjikën që keni ndjekur ju të gjitha partitë për 30 %...
Për t’ju kundërshtuar...duke iu referuar zonjës Bogdani, ajo ka detyrë të rëndësishme në shtabin elektoral kombëtar, që do ti japë zë vizionit e projektit politik të FRD duke organizuar të gjithë fushatën elektrale.

Po me zotin Biberaj?
Fillojmë nga fundi te parafundi. Z. Dragoti është një njeri i vlerësuar dhe është në shtabin qendror. Për të ardhur te Zoti Krasniqi. Ai ka qenë një person mjaft i vlerësuar. Ka qenë me mua që në fillimet e pluralizmit në PD. Më vonë ka qenë këshilltar politik kur unë shërbeja si president i Republikës.

Po këta njerëz nuk janë në lista...
Ju më pyetët, unë po përgjigjem. Kur unë u ktheva te FRD ai mori postin e sekretarit politik. Kemi ezuaruar çështjen e listave të kandidatëve për deputetë. Unë shikoj te zoti Krasniqi një pozicion të natyrshëm dhe unë do t’ju shpjegojë në ç`mënyrë kaloi çështja e miratimit të listave. Për faktin se zoti Krasniqi në pozicionin e sektretarit politik, pikërisht e ka një numër. Z.Krasniqi nuk na qenë për asnjë moment insistues. Ai ka kërkuar të vlerësohet në mënyrë realiste. Po e them sot se ai është një figurat më të respektuara me të cilët unë kam punuar, por dhe një nga figurat repsektuara të e retrospektivës dhe realitetit. Ai është sa politikan dhe politolog e njeri i medias. Një njeri mjaft komples dhe ka bërë një gjest të natyrshëm, të morlashëm për pozicionin e tij për të shkuar një një pozicion tjetër.

Pse nuk e vendosët në listë?
Kjo na sjell në një terren tjetër për të shpjeguar në ç`rrugë shkuan listat. FRD e orientoi propozimin për kandidatë për deputetë te strukturat e veta. Mënyrën ekskluzive e kanë patur strukturat e FRD, kudo. Asambleja ia dërgoi Kryesisë së vogël për të ndjekur metodikën në vazhdimësi. Ajo që mund të them sot është se unë si kryetar i FRD nuk e kam përdorur vetem time qoftë dhe në jë rast të vetëm..

Kjo do të thotë se as FRD e Tiranës nuk ka dashur as zotin Biberaj të ishte në listë?
Jo. Kjo ka qenë në strategjinë e frymës elektorale të FRD, gjë që është dëshmuar nga të gjithë përfaqësuesit. Pa i hequr të drejtën askujt për të dhënë kontributin e tij edhe në Tiranë. Figura të caktuara, të vlerësuara pa dyshim që do të shkonin në pozicione preferenciale të listës, por në mënyrë absolute pa u fiksuar te nje numër i caktuar. Për ta mbyllur...

U shmangët për Biberajn...
Po natyrisht që ësi është një figurë e vlerësuar.

Ai ka shprehur dhe qëndrim në Facebook...
FRD nuk është një parti konservatore, në sensin që nuk lejon të ketë evazion të lajmit. Ne mirëpresim të gjithë.

Të gjithë këtë thonë në fakt...
Ne e kemi treguar se nuk kemi bërë koment në negativitet. Unë nuk kam bërë asnnjë lloji komenti. Eshtë e drejta e cilitdo.

Duhet të ketë një lloji sqarimi se ai është nënkryetari. Ju e keni në krahun tuaj?
I takon absolutisht zotit Biberaj për të qenë aty. FRD nuk e ka këtë praktikë që të shoqërohet me një praktikë përjashtuese, sepse ne kemi kritikuar PD qoftë nëpërmjet statusit të konservimit e kundërshtimit. Këro janë metoda që ne nuk kemi ndërmend ti aplikojmë. Të gjithë janë të mirëpritur madje te ne do të diskutohet e për një strategji tjetër që është alternimi i njerëzve që shkojnë për të konkuruar në legjislativ, njerëz që kanë ecur.

Ju thoni që të gjithë janë të mirëpritur, këtu dalim te zhvillimet e PD. Shohim se listën e PD ka largime të bujshme si Mark Marku, Leonard Demi, Fatos Beja, gati të përjashtuar. Ka patur një tratativë që ju t`i afroni brenda FRD, do të donit ti kishit këta njërëz në partinë tuaj? Së dyti, pse Berisha i përjashtoi?
Këtë të dytën mund t`ia thoni kërij të fundit nëse vjen në studio, patjetër që nuk vjen.

Mos e paragjykoni z.Berisha, ai mund të vijë...
Nuk bëj ansjë lloji paragjykimi, por kam të drejtë të bëjë analizë, të bëjë deduksione sepse nga njëra anë ju thoni se e njihni..

Ju e njihni më mirë...
Po unë e njoh mirë. Unë ju siguroj që ai jo vetëm nuk do vijë në këtë studio për të shpalosur programin e fushatës elektorale, por madje ka eklipsuar edhe ato stacione, të cilat konsiderohen si stacione preferenciale të pushtetit.

Kjo është çështje e tij sesi e ka zgjidhur mënyrën e të bërit fushatë...
Atëherë meqenëse qenka çështja e tij, mos më pyet për atë.

Po flasim për çështjen e largimeve?
Ka një rregull, sepse në rast se deri në një moment të caktuar, kur ne dolëm në skenë publike ofruam një mundësi që secili mendon ndryshe, cilido që mendon si ne, mund të vij dhe mund të afrohet dhe mund të bëjë gjestin. I pari që e bëri këtë ishte zoti Oketa për të qenë themeluesi i FRD, por edhe gjatë rrugës deri në një moemnt të caktuar sepse gjërat ezaurohen në një mënyrë të parikuperushme, atëherë ata nuk mund t`i qëndrojnë më filozofisë së FRD për të dalë me një filozofi të re. I bie që FRD sipas kësaj logjike, përkthehet në atë statusin që përkthehet “vendi i gjynafqarëve”. Gjë që nuk shkon. Ne kemi qenë të hapur deri në një moment të caktuar për ata që mund të largoheshin nga grupi parlamentar për të dhënë kontributin e tyre.

Kjo do të thotë se ju nuk jeni të hapur për t`i afruara ata, pra Mark Markun?
Nga pikëpamja politike ata nuk mund të vlejnë më për FRD në kuptimin e organizimit të zgjedhjeve të 23 qershorit, sepse vijnë nga një përjashtim nga radhët e partisë ku kanë patur aktivitetin e tyre.

Këto shembuj i kemi në politikë, sepse mund të shohim edhe rastet e tre deputetëve socialiste Islamin, Dogjaniun e Kadelin të cilët jo vetëm janë futur në listat e PD, por dhe në pozicione për të fituar...
Atëherë nëse ju mendoni se mund të ekuvalintentoj moralin tonë politik me këta shembuj, kjo do të thotë se nuk më njihni. Ne kemi prezantuar në mënyrë të qartë profilin tonë politik. Kjo është arsyeja e qartë që FRD ka qenë i bindur dhe i ka qendruar në mënyrë konstante fjalës së parë, madje ka qenë e bindur dhe i ka qëndruar në vijimësi. FRD nuk mund të shkojë në koalicione parazgjedhore me ato grupime politike e parti, të cilat sipas nesh janë përgjegjëset kryesore të këtij tranzicioni të vështirë në 21 vite në Shqipëri. Madje janë përgjegjësit kryesorë për rrënimin e bazës kushteteuse të shtetit në vitin 2008.

Në këtë logjikë që ju thoni sido që të dalë rezultati i zgjedhjeve, ju thoni se nuk do të hyninë koalicion as me PD as me PS?
Jo, nuk mund të perifrazohet në këtë mënyrë.

A do bëni një koalicion paszgjedhor?
Ti marrim gjëra me radhë. Ne jemi këtu në një moment parazgjedhor. Ne jemi deklaruar se nuk do të ketë koalicion parazgjedhor, që do të të thotë se ne do të votohemi me profilin tonë, me ata njerëz që do të përfaqësohemi, me atë program politik dhe pas zgjedhjeve kur ne të provohemi. Kjo është më e ndershme. Mbi bazën e saj fillojmë të mendojmë për të gjitha bisedat. FRD e sheh pushtetin si mënyrë për të shkuar te shteti. Ndërsa të tjerat e kanë parë shtetin si mundësi (dhe ka shembuj pa fund), për të ricikluar pushtetin në mënyrë kriminale.

(Foto: Anila Basha e Bamir Topi ne Airport)

Do të ndalemi këtu sepse ju keni deklaruar se pas 23 qershorit do të jeni në qeverisje. Me kë do të jeni ju? Me PD apo me PS?
Edhe në rast se do të isha në javën e parë të jetës sime politike, nuk do ta pranoja të më drejtohej kjo pyetje. Përballë nuk keni një politikan infantil siç mund të ekizstojë edhe në konkurencën për zgjedhjet e 23 qershorit. Nuk keni një politikan që nuk flet sinqersiht. Do të thoja se ne jemi në këtë formacion politik jo se nuk kemi patur mundësitë, por madje do të thoja se mundësitë kanë qenë reale, jo hipotetike, për të vazhduar për të qenë diku me të tjerët. Por kemi mbajtur këtë pozicion për të pasur moral në politik. Gjithmonë ka tërheqje për t’u rilançuar dhe për të marrë një funksion që është abslutisht në funksion të atyre që ne do t’u kërkojmë votën. Ne nuk e ndërtojmë pushtetin nesër mbi bazën preferenciale, mbi bazën e atij që sot ka mundësitë për të manipuluar rezultatin. Unë dhe asnjë nga kolegët e mi nuk ka dalë për të bërë një politikë virtuale. Politika jonë është reale është me këmbë në tokë. Asnjëherë nuk i kam besuar sondazheve. Sondazhet e mirë janë ato që bëhen mbi bazën e një metodike që t’i e kontrollon vetë ose mbi një terren që ta lejon të bësh sondazhet. Sot sondazhet bëhen për t’u motivuar nga parti të ndryshme.

Edhe Shqiptarja.com ka bërë sondazhet e veta ku ju keni parë që FRD ka dalë shumë mirë...Pra janë sondazhe të medias...
Mund të dilte dhe më mirë...

Nëse Berisha në zgjedhjet e 23 qershorit fiton 70 mandate dhe ju do kishit mandatin që do ta sillte në qeveri, ju do t`ia jepnit për të krijuar qeverinë?
Çfarë të bëj unë që një pjesë e mirë e politikës, një pjesë e medias janë në mënyrë simbiotike me Berishën. Unë jam në politikë sot dhe nuk po punoj vetëm në politik. Do të shkojmë për t’u përballur me elektoratin për programin, për të pritur rezultatin, jam me parimin hap pas hapi. Që do të thotë, të mbarojnë zgjedhjet, por çdo gjë ka radhën e vet. Në këtë moment rradha është e jona. Uroj që këto zgjedhje të jenë të lira dhe të ndershme ndonëse ka shumë fobi për këtë punë, por do të flasim edhe për këtë. Në datë 23, është radha e qytetarit dhe pastaj është radha e atyre institucioneve që sot nuk kanë ansjë lloj kredibiliteti siç është KQZ dhe pastaj kur të kemi kuotat tona zyrtare patjetër që do jemi.

Si ju duk lëvizja e Berishës dhe e Ramës parë në dy kënvështrime: Berisha për futjen e aleatëve të vet në listat e PD dhe Rama për t`i lënë jashtë...
Unë kam shumë për të thënë, e njoh situatën shumë mirë, njoh profilet e tyre shumë mirë. Njoh figuratk, mezi kanë pritur të kenjë një ftesë, njoh ata që kanë katapultuar në krahun tjetër brenda 24 orëve, njoh figura që duhet të ishin në pension. Në mënyrë absolute nuk do të dëshiroja të futesha në subkoshiencën e drejtuesve të partive nga cilido krah qofshin ata. Është një çështje e tyre. Dëshiroj ta respektojë në këtë pjesë. Kjo do të favorizojë ngritjen e FRD.

Dash Shehi do të marrë shumë vota në Tiranë. Mos ndoshta lëvizja juaj i ka dhënë shumë hapësira futjes së tiranësve si Dash Shehi, Halim Kosova, Jorida Tabaku apo Gerti Bogdani në listat e PD?
Mos doni të mohoni se jam me orgjinë edhe prej këtej???

Këtë e keni, por ata, vërtetë do ju dëmtojnë?
Në profilin tim individual, qytetar, politik unë kam qenë gjithmonë kozmopolit në sensin e vlerësimit të çdo qytetari shqiptar kudo ku ka jetaur. Rastin më të mirë e kemi te profili i ekipit politik që ka patur presidenti në Presidencë. Unë kam patur nga e gjitjhë Shqipëria këshilltarë politik dhe vetëm një me orgjinë nga Tirana. Në formimin tim ne jemi pak edhe sikur të ishim shumë shqiptarë, të jemi të sigurt që njeriu nuk mund të futet në politikë sikurse jam në politikë dhe në shoëqëri cilido që kërkon të penetrojë për të ushtruar një dhunim të asaa që jua e quani autoktoni. Unë apsolutisht jam përfaqësues i kësaj psikologjie të butë, harmonike të moderuar që e ka popullsia e Tiranës, që e ka treguar dhe ndërton marrëdhënie të mira me të gjithë.

Kam një pyetje konkrete me akuzat që vijnë nga eksponentë të PD, ku duket se dhe Berisha e ka lënë jashtë vorbullës së tij politike çështjen e marrjes me FRD. Jozefina Topalli ka thënë që FRD s`është parti, Bamir Topi s`është parti. Një koment të shkurtër për të...
Unë e kam patur kolege, natyrisht nuk më ka ardhur mirë për trajektoren e politikës së saj. Dhe mos mendosi se sot më vjen mirë që më së fundmi e kanë kuptuar dhe ata që janë atje që kryesojnë, që ta lënë ashtu si e kanë lënë.


(Foto Sali Berisha dhe Jozefi na Topalli)

Si e kanë lënë?
Fillikat...

Mendoni se janë prishur marrëdhëniet me Berishën në sensin e marrëdhënieve politike?
Jo nuk besoj se ajo prish raportet. Por mënyra e sjelljes ka qenë absolutisht një plan shumë servil, gati gati një sjellje e padenjë për një përfaqësuese që vjen nga një qytet i traditës siç është Shkodra.

Atëherë është mërzitur doktori me Jozefinën mund të themi?
Nuk kam kohë të penetrojë në humoret e tyre...

Ju i njihni se keni qenë në kryesi...
Duket se ka një ulje të dukshme të përfaqësimit të saj. Duket sikur është vetëm sot.

Sokol Oldashi ju ka akuzuar si një nga sabotatorët e fushatës të 2007. Edhe ai është shprehur kundër jush, çfarë ka ndodhur?
Nuk mund të qëndrojë kjo absolutisht.

Keni qenë në krye të shtabit në 2007...
Unë kam qenë në krye të fushatës në 2007 me cilësinë e një politikani të lartë dhe jo rastësisht unë jam ftuar që të menaxhojë zotin Olldashin në atë kohë thjesht për dy arsye. Së pari z.Olldashi nuk mund ta bëja sipmatik për qytetarët e Tiranës. Ishte një çështje e një komunkimi të tij të drejtëpërdrejtë me qytetarët e Tiranës. E dyta ai e di më mirë se kushdo tjetër, që një pjesë të mirë të Tiranës jamë detyruar t’ia mësoj duke e marrë për dore.

Pse nuk e njihte Tiranën, z.Olldashi?
Ndodh kjo që e shikoj sot në politikën shqiptare. Ndodh që kërkon ta bëjë politikën shumë virtuale. Komunikojnë thjesht nëpërmjet linjës së Facebook, tentojnë të manipulojnë nëpërmjet titrave, ndërkohë që politika reale bëhet në terren. Unë jam nga ata politikan që nuk ai që nuk kam lënë fshat të Shqipërisë në vite pa e shkelur me këmbë, pa njojtur mirë.

Po edhe juve, ju kanë akuzuar për këtë lloj politike virtuale, se keni dhënë shumë dekorata...
Më vjen keq për ata që tentojnë të deklarojnë se e njohim shtetin, por nuk e njohin. Në fakt kanë qenë propozime që kanë ardhur nga ekzekutivi. Unë e di që atyre u vjen keq kur vijnë nga shoqata e të përndjekurve politike, spese ata janë vendosur në pjesën tjetër të barrikadës. Në raport me numrin e dekoratave që ka dhënë zotëria kur ka qenë president, unë jam në raportin ¼ ose 1/5 .

I hapnit arkivat Z.Topi, ishit president dhe mund të bënim edhe ne krahasimet...
Unë nuk kam keqardhje për asgjë, sepse çdo gjë e kam bërë në koshiencë të plotë dhe jo me detyrim të pozicionit tim kushtetues.

Flasim për dy personazhe të tjerë, Astrit Patozi kryetari i grupit parlamentar nuk ju konideron parti. E keni patur kolegë po ashtu...
Ka një rregull. Në rast se ti e ke kundërshtar politik, gjëja e parë që duhet të kënaqë është se ti merr kritika nga një kundërshtar politik.

Por keni qenë në një familje politike?
Sot raporti i një partie politike, aq më shumë e një parti të re politike aq më shumë e një partie që për 1 mijë arsye është larguar pjesa më e madhe e saj. Sot më shumë se çdo herë tjetër e ka komunikimin me qytetarët. Edhe në mitingjet elektorale në rast se njerëzit do t`i lësh në mitingje, do të jetë një prani minimale.

Ndalemi te Lulzim Basha, ai nuk ka folur për ju. Çfarë ka, ka një lloji aleancë në ajër mes jush, të cilin shumica e medias e konsiderojnë se do të jetë numri dy i PD nëse Berisha largohet?
Mendoj se në politikë jo domosdoshmërisht duhet të flasësh keq për kundërshtarin edhe duke e patur kundërshtar. Unë në politikë do të shikoj si politikën më të mirë të mundshme, politikën e caktuar e cila nuk bazohet te një kundërshti apriori e një kundërshtari politik, por te një bazament te një platformë e caktuar, por arrin të ruash komunkimin etik. Cilido që sillet si qytetar, ka respektin tim politik.

Këty hyn dhe Ridvan Bode nuk e kemi dëgjuar të flasë?
Absolutisht edhe Ridvani sepse nuk dua t`i prish punë Ridvanit. Ridvani është një poltikan karriere, një politikan i moderuar jashtëzakonisht i edukuar dhe etik në komunikim. Kjo është aftësia për t`i bërë realisht gjërat siç ndodhin. Nëse ai njeri i meriton këto vlerësime, absolutisht se ai i meriton. Është shumë konseguent i linjës politike, por kjo nuk duhet ta bëjë një politikan që të dalë e vetëm e vteëm ti pëlqejë nocioneve të liderit, të prishë etikën e të bëhet vulgar. Unë kam patur rastin në eksperiencën time politike, kam patur raste për debate të forta politike, por nuk kam fyer njeri, nuk kam atakuar njëri në mënyrrën që s`ka të bëjë fare me gjuhën e Parlamentit. Ke 1 mijë mënyra për t`i thënë tjetrit që je i mirë apo maskara. Zgjidh mënyrën më elegante të komunikimit.

Keni deklaruar për zotin Berisha se është stalinisti i fundit, kur e kuptuat këtë pse nuk e thatë kur ishit në Presidencë apo në PD? Apo nuk ishte atëherë dhe u bë menjëherë?
Edhe kjo shkon në kontekstin e asaj që thashë.

Ju vazhdoni i mbeteni kësaj deklarate?
Natyrisht. A ka një deklaratë të vetme, ku unë të mos qenë koherencë me atë çfarë kam shprehur? Arkivat i keni, nxirreni dhe për ta perifrazuar një person dhe për ta etiketuar në këtë mënyrë njeriu bën analiza nga më komplekset. Natyshit që nëse do të niseshim për një njeri se nga vjen, me çfarë mentaliteti vjen, nga pikpamja në pozicionin në Partinë Komuniste dikur, çfarë qëndrimi ka për çështjen e pronave, çfarë qëndrimi ka patur për të përdjekurit në Shqipëri, çfarë qëndrimi ka pasur për çështjen e firmave piramidale, çfarë qëndrimi ka për institucionet e pavaruara në vend, çfarë qëndrimi ka mbajtur ndaj institucionit të Presidencës, çfarë qëndrimi abuziv ka mbajtur ndaj kolegëve të tij. Unë jam munduar të them pak gjëra. Ka qenë në parimet e mia dhe ka qenë një parim që nuk mund të më tjetërsojë në mënyrë absolute që gjërat që lidhen me kofidencialitetin e marrëdhënieve në këtë parti.

Kofidenciale do të thotë se diçka të madhe keni patur?
Ose ato që lidhen me funksionin e kryetarit të shtetit, e një njeriu që dallon një një njeriun e rrugës me atë të shtetit.

Le të kthehemi te zgjedhjet. Cilat shtresa synoni të merrni vota në këto zgjedhje?
Unë mendoj që ne do të marrim në konsideratë sot, një pjesë e mirë të popullsisë që ka qenë indiferente dhe jo pjesmarrëse në zgjedhje. Një pjesë e mirë që ne e kemi konsideruar si kontigjentin gri të fushatave elektorale. Këtu pastaj ka kontigjene edhe të ndryshme. Ka kontigjente intelektuale, të njerëzve të dëshpëruar, ka njerëz që e kanë parë politikën vërtetë me sy realist dhe politika s`ka bërë asgjë për ata. Ka ardhur koha që të ketë një dalje nga ai bipolarizëm i deformuar që u krijua nga ata që sot janë ballë për ballë me njëri tjetrin nga ndryshimet kushtetuese të 2008. E kam thënë dhe diku tjetër, një çështje krahasimore me çështjen e kolonës vertebrale. Aq më shumë në një politikë, në një konfliktualitet të shprehur, me një polarizim të shprehur të tejskajshëm, ka nevojë për një bllok moderator që të përfaqësojë jo thjesht një interes politik, por dhe sensin e moderacionit në një parlament, i cili absolutisht ka dështuar pikërisht në këtë lloj komunikimi. Sot ne jemi penalizuar për të hyrë në Europë, sepse biem viktimë e asaj që ata të dy e krijuan vetë. Nuk është vetëm kjo që e ka nxjerrë nga shinat parlamentarizmin shqiptar, por ka nxjerë nga shinat dhe institucionet e pavarura. Sot ne kemi institucione duke filluar që nga kreu i shtetit, qëi votohen me një mazhorancë të thjeshtë.

Si e lexon zoti Topi dhe partia që ai kryeson absurdin e KQZ?
Pak ditë më parë kam mbajtur një qendrim eksplicit lidhur me çështjen e KQZ. Është e ditur që çdo gjë që miratohet në parlament vjen si rezultat i presioneve politike. Edhe në rastin e Kodit Zgjedhor që përmbledh edhe KQZ në formë e një projektligji ka patur vullnet të dy partive. Ky institucion duhet të marrë karakter ligjor, nuk është atje për të mbrojtur thjesht votat e PS e PD, por është KQZ e Shqipërisë. Sepse çdo votë e çdo shqiptari pavarësisht se ku e hedh votën e ku e ka simpatinë, ata e kanë detyrim ligjor. Që nga ky moment ku mënyra e sjelljes së tyre, e partive që vazhdojnë ta konsiderojnë KQZ si një instrument partiak, që këtu ka falimentuar si isntitucion.



(Foto: Anila Basha dhe Bamir Topi në emision “Airport”)

Mendoni se është legjitim qëndrimi i opozitës për ta lënë në vakum?
Pas kësaj kam kritikuar përfaqësuesit e opozitës, të cilët këtu kanë një fuknsion tjetër, jo vetëm që kanë qenë bashkëautor të realizimit të këtij kodi që nuk përfaqëson të gjitha partitë parlamentare, madje sikurse thatë ju, i penalizon. Ata kujtojnë se e impresionojnë kryeministrin. Kryeministri ndryshe nga kryetari i opozitës është një njeri me eksperiencë të gjatë në politikë. Në rast se ju keni parë që do të duheshin të bëheshin ndryshime, ai nuk i kalon 48 orë. Ka ndërhyrë në mënyrë imediate për të rikuperuar atë situatë që iu krijua në KQZ. Ndërsa kryetarit të opozitës, të cilit i kam thënë “i ke var ujkut mëlçitë në qafë”, ai vazhdon edhe sot e kësaj ditë që të kujtojë sikur po impresionon ndërkombëtarët, sikur po impresionon kryeministrin. E ka gabim. Ai është një komision për interesin e qytetarit shqiptar, e zgjedhësit shqiptar. Për ta bërë sa më të mundshme ndërhyrjen në manipulimin e zgjedhjeve, ai duhet të shkojë në mënyrë imediate për të plotësuar vendet në KQZ. Aq më shumë që këtë po e thotë edhe përfaqësuesi kryesor i ndërkombëtarëve që është ambasabdori Arvizu. Po i thonë ndërkombëtarët. Struktura e përcakton funksionin. Në rast se ne kemi një dorë dhe nuk kemi tjetrën do të thotë se dhe rezultati do të vijë në mënyrë të paragjykuar. Si mund të ketë luksin opozita që të vazhdojë të ketë teorikisht këto numra në KQZ e të mos i çojë. Mendoj se dhe aty ka gabuar z.Rama sepse mendoi të krijojë një KQZ me numër tek duke menduar se ka neutralitet.

Procedimi i deri tanishëm në mënyrë të njëashme pra duke qenë vetëm anëtarësia e njëanshme e komisonit, mund të sjellë pasjona në procesin përgatitor?
Natyrisht që po. Përderisa është parashikuar të jetë i tillë, do të jepet çdo lloji shanci për ta paragjykur. Nuk mund të ketë një njeri më shumë se unë, që e paragjykon atë KQZ, kur ishte ajo KQZ, që shkoi manipuloi votën e Presidentit dhe ja nxori pikërisht në momentin kur u hapën të gjitha kutitë. Ata arritën të ekstradojnë vetëm një votë. Arrin që të manipulojë e të defpormojë votën e një kryetari të shtetit, përfytyroni se çfarë garancie ka një qytetar i thjeshtë apo dhe një përfaqësues politik.

Sa problematik është për ju fakti se nuk keni numërues në qendrat e numërimit?
Sigurisht që është problem. Fakti që këtë bisedë e bëmë me qytetarët, e bëmë dhe më ndërkombëtarët. Kjo vjen natyrshëm pikërisht nga ata që vijnë për të monitoruar situatën parazgjedhore në Shqipëri. Është një shqetësim i drejtë, por ne si parti politike shkojmë dhe delegojmë të drejtën te institucioni. Kjo është arsyesja që unë thashë që në momentin që miratohet një ligj, KQZ duhet të jetë institucion ligjor. Në rast se sot nuk flitet fare për përgjegjësinë ligjore të këtyre personave, nuk flitet sepse këta kanë mbrojtjen e njerëzve të tyre. Në rast se dikush do të ketë bërë shkejle të karakterit ligjor do të vendoset përpara përgjgjësisë penale për këtë. Në rast se ne kemi vendosur në programin politik, natyrisht jemi që edhe ata të cilët janë për të monitoruar dhe për të çertifikuar votën e qytetarëve në rast se do te kenë shkelur ligjin unë do të isha i pari që do të konsiderojë në çdo moment të njëjtat standarde të një hajdutërie të rëndomtë. Në rast se nuk ndahemi nga kjo klimë, do të shohim se do të kemi prapë zgjedhje të dhunuara, zgjedhje që kontollohen nga një person, i cili pastaj ka të gjithë kontrollin mbi institucionet në vend.

Si e vlerësoni deklaratën e ambasadorit Arvizu se “shumë shpejt do të mbeteni të kënaqur nga deklarata jonë për KQZ”?
Unë dëshiroj edhe një herë të vlerësoj rolin e institucioneve ndërkombëtare. Dëshiroj të shpreh këtu në këtë studio vlerësimin mjaft korrekt të ambasadorit Arvizu, të cilin e kam takuar disa herë për të komentuar jetën politike por dhe për të marrë konsiderata sesi ne e shikojmë çëshjren e KQZ. I jap vlerësim të plotë në mnërën sesi e shikon situatën në KQZ.

Si e kuptoni shprehjen “nuk do të zhgënjeheni”?
Unë e kupotoj se SHBA do të flaë hapur. Dhe beosj se do të flasin në mënyrë të kuptueshme për cilindo që mendon se do të vazhdojë me mënyrën e manipulimit nëpërmjet KQZ. Të presim si do të shprehen.

Ju thatë se jeni takuar disa herë më Arvizun por kam vërejtur se në zyrën tuaj nuk ka ardhur ambasadori Sekui. Çfarë ka ndodhur?
Unë në mënyrë më absoute kam takuar pothuajse të gjithë ambasadorët. Nuk kam pasur një komunikim të drejtëpërdrejtë me Sekuin, por kam marrëdhënie të mira. Madje është treguar dhe shumë i kujdeshëm për të më dërguar dhurata simbolike me rastin e ditëlindjes sime pak ditë më parë. Dhe jemi për të relaizuar një takim se bashku në këto ditë.

Flitet se ka një marrvëshje mes PD dhe PS për strukturta lokale për numërimin e votave. Është vërtetë?
Nuk i kërkoj askujt në emër të FRD asnjë favor. U këkroj atyre që të përfaqësohen në emër të FRD, që të zbatojnë në mënyrë korrekte detyrimin ligjor. Nuk kërkoj favore për një institucion që funksionon me ligj. U bëj thirrje atyre që të jenë korrekt me votën. Asnjëherë nuk do të ndërhyj. Unë jam në politikë për të qenë i drejtëpërdrejtë dhe në rast se ne nuk garantojmë së bashku votën nuk do kemi shance për të ndërtuar shtetin ligjor.

E keni problem përdorimin e adminsitratës?
Absolutisht. Jo më larg se dje pamë detyrimin e administratës shtetërore jo vetëm për të marrë pjesë në mitingje, por të detyruara. Kemi informacionet tona ku detyrohen për të marrë pjesë në seksionet e partisë në pushtet dhe përdorën metoda të dhunshme. Dhe të tilla metoda të dhunshme dhe detyruese nuk kanë qenë as në kohën e komunizmit. Dhe sot bëhet akoma më e dhimbshme sepse e gjithë kjo kushtëzohet me bukën e fëmijëve. Dhe e dyta kur sot ekonomia shqiptare është në këtë situatë që është edhe pse sipas tij (Berishës) është e dyta pas Gjermanisë, sot kemi shpenzime spektakolare me fishekzjarrë kur ende sapo ka filluar fushata.

E keni për hapjen e fushatës së Berishës se PS ende nuk e ka bërë?
Nuk më intereson as PS e PD. Unë duke pasur parasysh situatën ekonomike që kanë qytetarët shqiptarë, duke pasur nevojën që kemi të gjithë jo për butafori spektakolare që japin këngëtarët, të cilët me të drejtë ndoshta shkojnë atje sepse edhe ata duhet të kenë mundësinë e mbajtjes së familjeve të tyre, atëherë mendojmë ndryshe. Mendojmë se sot ka nevojë për një komunikim më të thjeshtë, ballë për ballë. Dhe mundësisht jo vetëm në qendrat urbane, por edhe kudo. Pavarësisht që ligji elektoral i detyron që cdo parti të përfaqësohet në mënyrë emblematike nëpërmjet kodit, ne duhet të kuptojmë që ekipet elektorale këtu e kanë vlerën, të takojnë qytetarët, së pari për tu demonstruar atyre thjeshtësinë dhe së dyti për të treguar se nuk e marrin votën e tyre dhe të nesërmen kur e kanë marrë mandatin i mbyllin celularët. Së treti për të thënë që kjo situatë nuk ndryshohet me fjalime bajate dhe që nuk thonë asgjë. Dhe po të vësh re fushata ka filluar me tryeza profesionistësh, dhe tani ka përfunduar në një komunikim të rëndomtë. Me një fjalor të varfër ku asgjë nuk thuhet dhe ku qytetari shqiptar nuk merr asgjë.

Më fal zoti Topi, po këta njerëz shkojnë vetë në fushatë. Nuk kemi parë ndonjë njeri të jetë hequr nga puna...
Do t’ju tregoj një rast emblematik. Kam raste të shumta por ky është i vecantë. Do të ishte totalisht e turpshme, që dy muaj përpara mblidhet gjithë nomeklatura e lartë shtetërore për të nderuar të vëllain, Besnik Hidrin, ndërkohë që vëllai i tij është kandidat i Tiranës për FRD dhe ndërkohë brenda një muaji i bëjnë një zbritje spektakolare sa për ti thënë që “shiko se nuk po të heqim nga puna” në detyrë. Ky është një denigrim. Kjo është e turpshme. Sot jemi në një moment të rëndësishëm për demokracinë shqiptare dhe në rast se ju nuk e konstatoni, qytetarët e shohin.

Pa i ikur këtij fakti zoti Topi, ju ndani përgjigje të përbashkëta me kritikat opozitare. A është FRD një parti opozitare e djathtë apo një parti e së djathtës që natyrisht ndan oponencat vetë?
FRD është një parti e qendrës së djathtë. Dhe kjo ka qenë arsyeja që ne prerazi e kemi thënë se me PS nuk hyn në koalicion...

Po kritikat janë qëndrime politike...
Në rast se ne sot momentin më të rëndësishëm kemi rivendosjen e standardit të shtetit janë të dy bashkëautorë në rrënimin e institucineve dhe kurrë nuk ka qenë në këtë situatë. Nuk e sjellë vetëm Berisha këtë situatë. Unë e kam thënë se pas ngjarjes së Gërdecit, kur kryetari i opozitës shkoi dhe i hodhi dorën në qafë sikur i kishin vdekur njerëzit e shtëpisë kryeministrit dhe u bë pas pak u bë bashkëautor i ndryshimeve kushtetuese dhe kam qenë i pari dhe i vetmi zë institucional që i kam thënë se po e coni Shqipërinë drejt mentaliteteve më të varfra ballkanike. E kam imagjinuar të gjithë skenën në këtë drejtim. Dhe të mendosh që në atë kohë kishte ide të guximshme dhe pikërisht nga ai komision i ligjeve që sot u hoq totalisht nga lista. Dhe ata kërkonin që të gjitha dekretet e presidentit të kundërfirmoseshin nga kryeministri. Ishte një absurditet. Pra ideja është që gjërat të thuhen në kohë. Sot situata duket që kontrollohet nga njerëzit e pushtetit madje dhe shteti është në këmbët e një njeriu. Dhe 2013 është moment reflektimi për ata që merren me politikë, dhe ata që duhet të bëjnë prezent mendimin opozitar. Ne që në momentin që jemi krijuar kemi thënë se jemi një parti e qendrës së djathtë dhe e vendosur në opozitë. Dhe fakti që nuk jemi në koalicion parazgjedhor do të thotë se kemi një profil politik. Kush e ka në dorë? E kemi ne në dorë? Qytetarët shqiptarë e kanë në dorë për të na votuar. Ne kemi detyrimin që nëpërmjet mundësive tona të monitorojmë procesin ndërsa detyrimin ligjor nesër do ta kenë të gjithë ata që sot fillojnë me KQZ dhe të gjithë ata komisionerë që do të monitorojnë votën e cdo qytetari shqiptar. Rëndësia për të pasur votë korrekte është kapitale për të ardhmen e shqiptarëve.

Ju do të hasni një vështirësi që do të jeni të vetëm, madje edhe për mbulimin mediatik. E shihni problem këtë?
Unë nuk mendoj se qytetarët shqiptarë e kanë lënë për ta vendosur tani. Sepse besoj se pas 22 vitesh nga ndryshimi i sistemit që kanë një status të maturuar. Kam parë qartazi reflektimin te ekonomia familjare. Dhe e kam parë sesi sillet pushteti me dinjitetin e tyre. Kush më shumë sesa arsimtarët e mjekët e konstatojnë këtë gjë. Kush më shumë sesa infermierët, apo ata që merren me administratën. Ajo që vlerësohet me shumë është pikërisht mënyra civile.

Pse bëjnë PD e PS një propagandë kaq të fortë?
Unë besoj se Shqipëria është një vend relativisht i vogël. Unë mendoj se këta e konkurojnë në mënyrë butaforike njëri tjetrin. Eshtë absurditet që kryeministri brenda një dite shkon në 5 aktivitete ndërkohë që e ka të tepërt dhe ka mundësi që ta bëjë këtë në mënyrë më elegante. E njëjta gjë dhe në krahun tjetër., Duket sikur njerëzit po rikthejnë fetishizimin e atyre figurave që nuk duan të shohin më. Si do të rikuperohet kjo hapësirë mediatike? Ne duke filluar nga unë i pari, pa asnjë lloj kompleksi do të dalim për të komunikuar, për ti takuar drejtpërdrejtë në rrugë, lokale, në mjedise publike dhe në pamundësi për ti shfrytëzuar ato.

Meqënëse e përmendët faktin që Berisha po lëviz shumë e besoni teorinë që thuhet në rrjetet sociale se zoti berisha lëviz me jelekë antiplumb?
Unë së pari në ditë të mira e të këqia kam qenë koleg me të. E dyta kam qenë president i Republikës. Unë mund të kem pasur edhe motive kur të tjerët kanë tentuar të hyjnë në jetën time private apo në rezidencën time private dhe unë se kam bërë asnjëherë objekt të medias.

Po ishte rasti i helikopterit që u ul në oborrin tuaj...
Unë nuk jam marrë me këtë punë dhe nuk dëshiroj të flas se e përdor apo se përdor antiplumbin.

Ka një shqetësim për deformim rezultati. A do ta njihni rezultatin dhe si do të reagoni?
Së pari unë nuk dëshiroj të paragjykoj. Ne jemi të prirur të besojmë institucionet. E dyta do kemi vëzhguesit tanë. Madje kemi ngritur zyrën elektorale dhe do të kemi 12 vetë operatorë nga qarqet. Do marrim të dhënat tona dhe do të krahasojmë vlerësimet e rezultateve me ato të tonat...

Po nëse procesverbalet firmosen nga KZAZ, këto formularët tuaj nuk kanë vlerë...
Çdo njeri bën punën e vet në demokraci. Unë kam bindje të plotë qoftë nga formimi im politik e qytetar se situata në Shqipëri do të vij duke ndryshuar. Modele që lidhen me metodikat Llukashenko...

Berisha i përdor këto?
Nuk ka nevojë ta perifrazosh këtë sepse unë e kam thënë me gojën plot se ky model i aplikuar, unë kam pasur edhe eksperiencë personale në dhunimin e votës sime, e kanë thënë dhe ndërkombëtarët dhe raportet. Atëherë ky model Llukashenko duhet të përfundoj. Dhe unë uroj që të jetë në 2013. Dhe kjo është në interes të cilitdo dhe të atij që mendon se mund të rrijë në pushtet me një votë të dhunuar, kur sot e kësaj dite të ka kaluar edhe afati ligjor i deklarimit të listave që ishte në datën 8.

Këto janë bërë edhe kur ishit ju president...
Mos u merrni me këtë punë se edhe kur isha unë president ishin po këta që deformuan votën time. Pra unë në këtë rast isha edhe president, edhe viktimë e këtij komunikimi të deformuar të pozicionit ligjor të KQZ. Dhe atë tjetrin sot e ke në ekzekutiv, e ke atje ku shkojnë e bëhen të gjitha aktet administrative në funksion të zgjedhjeve “të lira dhe të ndershme”. Në rast se njerëz që marrin pozicione të tilla kanë të kaluar të kompromemtnuar, gjëja e parë që duhet të bënte kryeministri duhet ta kishte anashkaluar.

Ju besoni se cështja e KQZ, flas për mungesën e anëtarëve të opozitës zgjidhet me ndërhyrje diplomatike apo thjesht me ulje palësh në tryezë?
Roli i ndërkombëtarëve vazhdon të jetë i rëndësishëm në Shqipëri. Madje dhe për të filluar bisedën por edhe për implementimin e marrëveshjes që normalisht nuk është implementuar.

Në fund zoti Topi dua tju pyes se pse duhet t’ju votojnë Shqiptarët?
Ka shumë arsye por po ju them më kryesoren: ti mund të kesh pushtet por nuk do të thotë se ke shtet. Në momentin që ke shtet duhet ta përdorësh për qytetarët. Një pushtet merr misionin për të përfaqësuar maxhorancën bile ku më shumë se në Shqipëri kjo është e dokumentuar. Shteti duhet të jetë solid, institucionet nuk duhet të infektohen nga politika. Sot ka ndodhur e kundërta, kjo situatë duhet të shërohet. Ne jemi një model, nuk do të thotë se ne jemi të vetmit, por kemi modelin tonë shumë të qartë. Uroj që shqiptarët të kuptojnë që kjo politikë konfliktuale e lë vendin jashtë dyerve të evropës dhe duhet një politikë e moderuar, qytetare, dhe ta shohë parlamentin si një vend të moderuar ku bëhen ligje e ku garantohet votimi për titullarët e institucioneve në mënyrë të fshehtë dhe atëherë kur garantohet që ekzekutivi kontrollohet nga legjislativi dhe e kundërta. Dhe aq më shumë kur një individ kontrollon gjithë jetën e institucioneve përfshi edhe parlamentin. Gjërat mund të bëhen më thjesht më pastër, më mirë, me moralshëm dhe këto i gjeni të FRD.

Zoti Topi ju falenderoj që ishit në “Airport”
Ju falemnderit juve.

*Lajmi u publikua në orën 22:04 të së mërkurës (15.05.2013) dhe  u përditësua në orën 02:00 të së enjtes (16.05.2013)

Redaksia Online
(b.m/shqiptarja.com)

TAG:
• kqz