KAVAJE – “Zbrisni nga ‘Titaniku PD’ se po mbytet”. Ky është apeli që lideri i Aleancës Kuq e Zi (AK), Kreshnik Spahiu, i drejtoi sot qindra qytetarëve të Kavajës gjatë një tubimi në këtë qytet ku AK shpalli edhe anëtarët delegatë.

“Flakni teserat e partive dhe bashkohuni kuq e zi”, tha Spahiu përpara simpatizantëve të tij, ndërsa akuzoi forcat politike në vend se “tradhëtuan idealet, kauzën, njerëzit”.

“Kavaja ka dhënë shumë dhe ka marr pak për demokracinë”, tha lideri i AK duke shtuar se “Kavaja përmbys sistemet politike”. Më pas ai vazhdoi edhe me akuzat ndaj Partisë Demokratike e cila “rrënoi Kavajën nga qytet në kooperativë bujqësore. PD shkeli besimin tuaj dhe të gjithë shqiptarëve”.

Spahiu shoqërohej në tubim edhe nga familjarët e dëshmorëve të Kavajës.

(im/shqiptarja.com)