POP 5

Lajmet më të lexuara të 5 minutave të fundit

Kultura

I përkthyer në mbi 40 gjuhë, norvegjezi Jon Fosse shpallet fitues i Nobelit në Letërsi: I dha zë të pathënës

“Për dramat dhe prozën e tij novatore që i japin zë të pathënave", autori norvegjez Jon Fosse u shpall nga Akademia Suedeze si fitues i Çmimit Nobel për Letërsinë 2023

Siç ishte planifikuar, mesditën e sotme në Stokholm, në  orën 13.00 u shpall laureati i ri i Çmimit Nobel në Letërsi nga Akademia Suedeze. Fituesi i shpallur nga sekretari i Akademisë, është autori norvegjez Jon Fosse,  me motivacionin :“për dramat dhe prozën e tij novatore që i japin zë të pathënave”

Shkrimtari dhe dramaturgu 64-vjeçarka publikuar romanin e tij të parë “I kuq, i zi” në vitin 1983, më tej ka shkruar romane, tregime, poezi dhe libra për fëmijë, por edhe pjesë teatrale. Veprat e tij janë përkthyer në më shumë se 40 gjuhë. Stili i tij i veçantë i të rrëfyerit e ka bërë të njohur  krahas Norvegjisë edhe në vende si Franca apo Britania e Madhe.

Vitin që lamë pas fituesja ishte autorja fraceze  Annie Ernaux, që e çoi në 17-të numrin e fitueseve gra në letërsi. Ndërkaq nga viti 1901 janë ndar 115 çmime Nobel, ku 4 vlerësime janë ndarë mes dy autorësh. Autori më i ri ka qenë Rudyard Kipling i njohur më së shumti për “Librin e Xhunglës”.

Akademia Sudeze e Nobelit ka pasur shumë krisje vitet e fundit. Në 2018-ën u shty, për shkak të akuzave për abuzime seksuale që shkaktuan një eksod të anëtarëve të saj. Pas rikrijimit të saj, me polemika u shoqërua zgjedhja si fitues e austriakut Peter Handke, i cili është konsideruar si apologjet për krimet serbe të luftës.

Vlera financiare e Çmimeve Nobel është 11 milionë korona suedeze (1 milion dollarë), si një trashëgimi e lënë nga krijuesi i çmimit, suedezi Alfred Nobel.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Besa i sfidon në Shkodër, Brdaric: I vlerësojmë maksimalisht, mund të kemi rotacion

Besa i sfidon në Shkodër, Brdaric: I vlerësojmë maksimalisht, mund të kemi rotacion

15 Janar, 13:40