POP 5

Lajmet më të lexuara të 5 minutave të fundit

Ekonomi

Akciza e produkte të rrezikshme
gjobë 49 mln lekë 4 kompanive

Doganat dhe Crown Agents gjobisin me rreth 49 mln lekë 3 kompani pijesh dhe 1 kompani karburantesh, pasi gjatë kontrollit janë zbuluar shkelje me akcizat. Disa prej tyre kanë hedhur në treg produkte të rrezikshme të pacertifikuara, duke përbërë kështu një rrezik për konsumatorët dhe shëndetin e tyre.
Drejtoria e Përgjithshme e Doganave dhe Crown Agents, në kuadër të “Fushatës së Ndërgjegjësimit dhe Kontrollit për Zbatimin e Ligjit për Akcizat”, kanë gjobitur me rreth 49 milionë lekë 3 kompani pijesh dhe 1 kompani karburantesh, pasi gjatë kontrollit të ushtruar ndaj tyre, janë identifikuar lloje të ndryshme shkeljesh dhe mashtrimesh në fushën e akcizave.
 
Sipas njoftimit të Drejtorisë së Përgjithshme të Doganave, shmangia e detyrimeve Doganore dhe shkelja e regjimit të taksës së akcizës nuk janë kundërvajtjet e vetme të subjekteve të gjobitura, pasi disa prej këtyre kompanive kanë hedhur në treg produkte të rrezikshme të pacertifikuara, duke përbërë kështu një rrezik për konsumatorët dhe shëndetin e tyre.
 
Shuma totale e gjobvënies ndaj 4 subjekteve arrin në vlerën e përgjithshme të 49 710 406 lekë, për shkeljet e konstatuara.
 
Kështu gjatë kontrollit të ushtruar janë konstatuar shkeljet e mëposhtme për këto kompani:
 
1. Ald-Kris – Detyrimi Doganor në ngarkim të këtij subjekti arrin në shumën totale 5.169.051,5 Lekë (1.863.969,5 lekë detyrim akcize dhe 3.305.082 lekë penalitet), për shkeljet e mëposhtme:
a. 6.876 litra mangët pije energjike ‘Pit Bull’ në gjendjen stok;
b. 10 kg Taurinë tepër (e cila mund të konvertohet në 33.333 litra pije energjike) në gjendjen stok;
c. Hedhjen për konsum në mënyrë të parregullt të 20.761,5 litra pije energjike;

2) Spring-Oil – Detyrimi Doganor në ngarkim të këtij subjekti arrin në shumën totale 41.829.546 Lekë (12.073.047 Lekë detyrim Akcize dhe 29.756.499 Lekë penalitet), për shkeljet e mëposhtme: 
a. 174.666 litra gazoil tepër;
b. 147.665 kg solar mangët;
c. 29.360 kg bitum nafte mangët; 

3. Sara Shpk – Detyrimi Doganor në ngarkim të këtij subjekti arrin në shumën totale 400.680 Lekë (101.170 Lekë detyrim Akcize dhe 300.510 Lekë penalitet), për shkeljet e mëposhtme:
a. 379 litra raki mangët;
b. Pulla rakie mangët, të konvertuara në 425 litra raki;
c. Pulla vere mangët, të konvertuara në 1.195 litra verë;

4. Juli Caca – Detyrimi Doganor në ngarkim të këtij subjekti arrin në shumën totale 2.311.120 Lekë (590.220 Lekë detyrim Akcize dhe 1.720.900 Lekë penalitet), për shkeljet e mëposhtme:
a. 810 litra Alkool Etilik (96%) i padeklaruar (konvertuar në 777.6 litra alkool anhidër, të cilat rezultojnë të jenë tepër);
b. Pulla rakie mangët, të konvertuara në 500 litra raki;
c. Pulla pijesh alkoolike mangët, të konvertuara në 550 litra pije alkoolike mangët;
d. Pulla vere mangët, të konvertuara në 1910 litra verë mangët;

Drejtoria e Doganave shpreh vendosmërinë se ky aksion do të vijojë për respektimin e legjislacionit dhe evidentimin e abuzuesve, ndërsa i bëjnë thirrje të gjithë prodhuesve, importuesve, furnizuesve dhe shitësve me pakicë të mallrave me akcizë, të regjistruar apo jo, të drejtojnë biznesin dhe aktivitetin e tyre drejt pajtueshmërisë ligjore dhe zbatimit të ligjeve në fuqi.

Redaksia Online
(e.c/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Procesi/ Presidenti dhe kriminel i dënuar, vendimi historik ndaj Trump për rastin e yllit porno

Procesi/ Presidenti dhe kriminel i dënuar, vendimi historik ndaj Trump për rastin e yllit porno

11 Janar, 08:26 nga Massimo Basile