Aleanca kundër Importit të Mbetjeve (AKIP) ka kërkuar informacion nga Ministria e Mjedisit dhe Prokuroria, nëse në Shqipëri kanë hyrë kontenierë me mbejte.

“A ka pasur tranzit kontenierësh me mbetje në 2014-2016? Cilat pika doganore janë përdorur për kalimin e mbetjeve? A keni informacion për kontenierët e mbetur në territorin tonë? A është nisur procesi hetimor për këtë çështje?”, janë disa prej pyetjeve të AKIP në letrën drejtuar Ministrisë së Mjedisit, Ministrisë së Financave dhe kryeprokurorit Llalla. 

Menjëherë më pas ka reaguar edhe Ministria e Mjedisit. 

“Ministria e Mjedisit e njohu AKIP me listen e plote te subjekteve te autorizuara per tranzit periudhen 2014-2016. Nuk jemi njohur ne rruge zyrtare me asnje proces administrativ per reklamim te humbjes se konteniereve”,- thuhet në reagimin e Ministrisë së Mjedisit. 

Ndërkohë Prokuroria e Durrësit ka nisur verifikimet në terren për dyshimet e zhdukjes së 1300 kontenierëve me mbetje të rrezikshme në vend. Këto verifikikme sqaron prokuroria e Durrësit kanë nisur pas informacioneve të pulblikuara në mediat italiane dhe ato vëndase se këto kontenier me destinacion maqedoninë kanë mbërritur nga italia por nuk kanë dalë më nga shqipëria.


Redaksia Online
l.q/Shqiptarja.com