TIRANE, 2 Tetor/ATSH/- Agjencia e Kthimit dhe Kompensimit të Pronave si dhe Drejtoria e Përgjithshme e Arkivave nënshkruan të enjten marrëveshjen e bashkëpunimit për zgjidhjen e problemit të pronave në vend.Marrëveshja e bashkëpunimit u konsiderua si një hap konkret i planit të veprimit të miratuar nga qeveria në lidhje me harmonizimin ligjor dhe zgjidhjen e problemit të pronave në vendin tonë.Sipas Drejtores së Agjencise së Kthimit dhe Kompensimit të Pronave, Sonila Qato, kjo marrëveshje do të bëjë të mundur realizimin e transparencës 23 vjeçare të kthimit dhe kompensimit të pronave, me qëllim plotësimin e regjistrit themeltar të vendimmarrjes së kthimit dhe kompensimit të pronave dhe plotësimit të dokumentacionit përkatës.Në bazë të kësaj marrëveshje, Drejtoria e Përgjithshme e Arkivave merr përsipër impenjimin për dorëzimin e të gjitha dosjeve të dokumentave arkivore të AKKP, të arkivuara gjatë viteve nga Zyrat Rajonale të Kthimit dhe Kompensimit të Pronave, në Arkivat shtetërorë vendore të qarqeve Elbasan, Durrës, Vlorë, Fier, me qëllim krijimin e një arkive të unifikuar të këtyre dokumentave pranë AKKP-së në rang vendi.AKKP-ja në bazë të kësaj marrëveshjeje merr përsipër që 46916 dosjeve të identifikuara pranë arkivës së këtij institucioni t'i shtohen edhe rreth 2500 dosje të ruajtura deri më sot në zyrat e arkivave vendore. Ky proces duhet të ishte realizuar që në vitin 2010, kur u krijua edhe Agjencia e Kthimit dhe Kompensimit të pronave.Ky akt pritet t'i shërbejë nga sot Agjencisë së Kthimit dhe Kompensimit të Pronave për të vijuar punën e saj mbi identifikimin e të gjithë vendimmarrjes në procesin e kompensimit të pronave me qëllim realizimin brenda muajit dhjetor të Faturës së Kompensimit. /a.gjonaj/./a.g/