Një person ka humbur jetën dhe nëntë të tjerë kanë mbetur të plagosur pasditen e sotme në Gramsh, si pasojë e një aksidenti të rëndë, ku një minibus me pasagjerë humbi kontrollin duke rënë në humnerë ku ndodhej dhe një përrua, në afërsi të fshatit Bregas. Viktimë e aksidentit ka mbetur Ledian Lami 30 vjeç banues në fshatin Terrove, Skrapar, i cili ka qenë pasagjer në minibus.
Në minibus kanë qenë edhe 8 pasagjerë, bashkë me shoferin 9. Të plagosur mbetën Joana Çuedari 17 vjeç; Buqe Gaxholli 60 vjeç; Nafie Rrodhe 61 vjeç; Enxhi Selimi 25 vjeç; Kristian Lami 25 vjeç; Gurim Pasho 55 vjeç; Orinda Bollobani 29 vjeçp; Selman Rrodhe; Ariol Xhepexhiu 47 vjeç (shoferi); Ervehe Pasho 54 vjeç.
Gazetari Ronaldo Gjoshi raporton se të plagosurit janë nxjerrë nga humnera dhe janë transportuar në spitalin e Traumës në Tiranë. Të gjithë ndodhen jashtë rrezikut për jetën dhe janë nën kujdesin e mjekëve.
Dyshohet se shkak i aksidentit ka qenë humbja e kontrollit të minibusit nga shoferi Loli Xhepexhiu të cilit i është komunikuar urdhëri i ndalimit në spital. Mësohet se shoferit të minibusiti ka rënë të fikët pasi ka pasur luhatje tensioni. Një minibus i tillë ka 15 ulëse dhe nuk dihet ekzaktësisht sa ka qenë numri i personave që po udhëtonin në të, ndërsa raportohet se të plagosur kanë mbetur 9 persona bashkë me shoferin. Minibusi i linjës Gramsh- Kërpiç është dëmtuar plotësisht pasi ka rënë nga 17 metra lartësi.
Në pamjet e siguruara nga Report Tv shihet minibusi i përmbysur dhe në vendin ku ka ndodhur aksidenti kanë mbetur sendet e pasagjerëve. Me sy të lirë mund të shihen xhama të thyer, syze dielli, ushqime... shishe uji.
Foto nga vëndngjarja
Ambulanca drejtuar vëndngjarjes
Arrestohet Arjol Xhepexhiu shpoferi i minibusit që u aksidentua në Gramsh sot, ku humbi jetën një i ri dhe u plagosën disa të tjerë. Urdhëri i ndalimit i është komunikuar në spital ku po merr trajtim mjekësor pasi dhe vetë shoferi është plagosur.
Detaje të reja nga aksidenti me 1 viktimë dhe 9 të plagosur në Gramsh. Mësohet se shoferit të minibusit Loli Xhepexhiu i ka rënë të fikët pasi ka pasur luhatje tensioni. Ndërkaq mësohet të plagosurit janë transportuar në spitalin e Traumës në Tiranë dhe ndodhen jashtë rrezikut për jetën. Ata do të qëndrojnë në spital për të qenë nën mbikqyrje mjekësore.
Këto janë pamjet brenda minibusit të shkatërruar e të përmbysur në një humnerë në Gramsh pas aksidentit të rëndë që ndodhi sot. Ushqime, xhama të thyer... brenda tij kanë mbetur vetëm sendet e pasagjerëve që po udhëtonin. Nga ky aksident i rëndë ka mbetur një viktimë dhe 9 të plagosur, 3 në gjendje të rëndë.
Ky është Ledian Lami 30 vjeç i cili ka mbetur i vdekur në aksidentin e sotëm që ka ndodhur në Gramsh.
Detaje të reja janë zbardhur nga aksidenti i rëndë me 1 viktimë dhe 9 të plagosur në Gramsh. Gazetari i Report Tv Arsen Rusta bën me dije se shoferi ka qenë duke përdorur telefonin në momentin që ka humbur drejtimin e minibusit dhe ka rënë në humnerë.
Report Tv ka siguruar pamje të aksidentit të rëndë që ka ndodhur në Gramsh ku një minibus doli nga rruga dhe përfundoi në përrua, e si pasojë ndërroi jetë në vend 30-vjeçari Ledian Lami.
Policia jep detaje lidhur me aksidentin e rëndë që ka ndodhur në Elbasan. Sipas njoftimit të policisë një 30-vjeçar nga Skrapari ka mbetur viktimë e aksidentit të sotëm në Gramsh, ku një autobus përfundoi në përrua. Ngjarja ndodhi në fshatin Bregas, ku mjeti i cili drejtohej A.Xh., doli nga rruga.
Burime për Report Tv bëjnë me dije se viktimë ka mbetur Ledian Lami 30 vjeç.
Viktima Ledian Lami
Njoftimi i policisë:
Më datë 10.07.2021, rreth orës 14:15, në aksin rrugor Grmash-Kushov, në fshatin Bregas, mjeti minibuz me drejtues shtetasin A.Xh., banues në Gramsh, ka dalë nga rruga. Si pasojë e aksidentit ka ndëruar jetë një pasagjerë, shtetasi L.L., rreth 30 vjeç, banues në fshatin Terrove, Skrapar, si dhe janë plagosur 9 pasagjerë të tjerë, jashtë rrezikut për jetën për momentin, të cilët janë nxjerrë nga shërbimet e Policisë dhe zjarrfikësit nga vendi ku u përmbys minibuzi dhe po transportohen me autoambulanca për ndihmë mjekësore.
Komente
Lajme të tjera
-
Elbasan/ Ushtroi dhunë ndaj babait dhe i vodhi paratë, në pranga 31 vjeçari
23 Nëntor, 13:36 -
Moti i keq/ Era e fortë dhe shiu i dendur ‘pushtojnë’ Elbasanin
22 Nëntor, 18:09 -
Elbasan/ Aksident në Belsh-Kuçovë, makina del nga rruga, plagosen shoferi 21-vjeçar dhe pasagjerja
22 Nëntor, 17:44 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Bashkia Cërrik feston 72-vjetorin e krijimit
21 Nëntor, 17:33 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11 -
Ylli i ri i peshëngritjes shqiptare, Kristi Muça fiton medalje në Bullgari
20 Nëntor, 19:25 -
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Aksident në aksin Elbasan- Cërrik, 2 mjete përplasen me njëra-tjetrën, policia në vendngjarje
20 Nëntor, 11:34 -
Elbasan/ Mashtroi se do të blinte një automjet për fabrikën që administronte, vodhi 25 mln lekë! Arrestohet 38- vjeçari
20 Nëntor, 11:27 -
Gramsh/ Po bënte manovra me motomjet në oborrin e banesës, rrëzohet dhe dëmtohet në kokë! Humb jetën 31 vjeçari
20 Nëntor, 09:23 -
Tre humbje, zero pikë dhe vendi i fundit! Kombëtarja U-19 mbyll kualifikueset e Evropianit me tëtë gola të pësuar
19 Nëntor, 17:50
Nga nje ane shkruani qe po perdorte cel.kur humbi kontrrollin,nga ana tjeter shkruani qe i ra te fiket nga luhatja e tensionit.Tani cila eshte e verteta? N.q.s ka perdorur cel. mire kane bere qe e arrestuan,por nese i ka rene te fiket per shkak te tensionit,atehere policia duhet te mendohet mire.N.q.s tensionin dhe te fiktin e ka per here te pare (se eshte i ri),ai nuk mund te arrestohet,pasi askush ne raste te tilla nuk e di si i ndryshon shendeti,ne se e ka patur dhe me pare dhe ka vajtur te mjeku dhe mjeku i ka shpjeguar rrezikshmerine e ngarjes se makines me tension te luhatshem dhe ai prape ka vazhduar,atehere fajtor eshte shoferi.
PërgjigjuShoferi ka bere gabim qe s’eshte dehur, s’ka thyer ndonje limit shpejtesie, edhe qe s’ka ndonje babe te forte ose pasanik. Pa keto rrethana lehtesuese 10 vjet i ka te sigurta. Here tjeter, o shofer, kur te te merren mend nga tensioni, sigurohu ta mbushesh autobuzin me gjykates e prokurore, edhe coji ne Santorini qe te shpenzojne paret e fituara me poshtersi.
PërgjigjuNgushellime familjes per humbjen e djalit, vellait te tyre ne lule te rinise! Zoti ju dhente force. Per sa i perket shoferit, eshte mekat ta arrestosh, sepse nuk beri gabim, pati problem shendetesor dhe eshte viktime vete. Vetem ne Shqiperi ndodhin arrestime te tilla. Kjo eshte fatkeqesi, vendin e gabuar, momentin e gabuar.
Përgjigju