Një person ka humbur jetën dhe nëntë të tjerë kanë mbetur të plagosur pasditen e sotme në Gramsh, si pasojë e një aksidenti të rëndë, ku një minibus me pasagjerë humbi kontrollin duke rënë në humnerë ku ndodhej dhe një përrua, në afërsi të fshatit Bregas. Viktimë e aksidentit ka mbetur Ledian Lami 30 vjeç banues në fshatin Terrove, Skrapar, i cili ka qenë pasagjer në minibus.

Në minibus kanë qenë edhe 8 pasagjerë, bashkë me shoferin 9. Të plagosur mbetën Joana Çuedari 17 vjeç; Buqe Gaxholli 60 vjeç; Nafie Rrodhe 61 vjeç; Enxhi Selimi 25 vjeç; Kristian Lami 25 vjeç; Gurim Pasho 55 vjeç; Orinda Bollobani 29 vjeçp; Selman Rrodhe; Ariol Xhepexhiu 47 vjeç (shoferi); Ervehe Pasho 54 vjeç.

Gazetari Ronaldo Gjoshi raporton se të plagosurit janë nxjerrë nga humnera dhe janë transportuar në spitalin e Traumës në Tiranë. Të gjithë ndodhen jashtë rrezikut për jetën dhe janë nën kujdesin e mjekëve. 

Dyshohet se shkak i aksidentit ka qenë humbja e kontrollit të minibusit nga shoferi Loli Xhepexhiu të cilit i është komunikuar urdhëri i ndalimit në spital. Mësohet se shoferit të minibusiti ka rënë të fikët pasi ka pasur luhatje tensioni. Një minibus i tillë ka 15 ulëse dhe nuk dihet ekzaktësisht sa ka qenë numri i personave që po udhëtonin në të, ndërsa raportohet se të plagosur kanë mbetur 9 persona bashkë me shoferin. Minibusi i linjës Gramsh- Kërpiç është dëmtuar plotësisht pasi ka rënë nga 17 metra lartësi. 

Në pamjet e siguruara nga Report Tv shihet minibusi i përmbysur dhe në vendin ku ka ndodhur aksidenti kanë mbetur sendet e pasagjerëve. Me sy të lirë mund të shihen xhama të thyer, syze dielli, ushqime... shishe uji.

Foto nga vëndngjarja

Ambulanca drejtuar vëndngjarjes 

 

Rendit zhvillimet sipas orarit:
Ora 22:43
Minibusi përfundoi në greminë, arrestohet në spital shoferi

Arrestohet Arjol Xhepexhiu shpoferi i minibusit që u aksidentua në Gramsh sot, ku humbi jetën një i ri dhe u plagosën disa të tjerë. Urdhëri i ndalimit i është komunikuar në spital ku po merr trajtim mjekësor pasi dhe vetë shoferi është plagosur.

Ora 18:22
Aksidenti në Elbasan, shoferit i ka rënë të fikët pas problemeve me tensionin! Të plagosurit jashtë rrezikut për jetën

Detaje të reja nga aksidenti me 1 viktimë dhe 9 të plagosur në Gramsh. Mësohet se shoferit të minibusit Loli Xhepexhiu i ka rënë të fikët pasi ka pasur luhatje tensioni. Ndërkaq mësohet të plagosurit janë transportuar në spitalin e Traumës në Tiranë dhe ndodhen jashtë rrezikut për jetën. Ata do të qëndrojnë në spital për të qenë nën mbikqyrje mjekësore.

 

Ora 17:57
Gramsh/ Ushqime... xhama të thyer, çfarë ka mbetur brenda minibusit të shkatërruar e të përmbysur në humnerë

Këto janë pamjet brenda minibusit të shkatërruar e të përmbysur në një humnerë në Gramsh pas aksidentit të rëndë që ndodhi sot. Ushqime, xhama të thyer... brenda tij kanë mbetur vetëm sendet e pasagjerëve që po udhëtonin. Nga ky aksident i rëndë ka mbetur një viktimë dhe 9 të plagosur, 3 në gjendje të rëndë.

Ora 16:13
Minibusi ra në humnerë në Gramsh, ky është i riu që ndërroi jetë

Ky është Ledian Lami 30 vjeç i cili ka mbetur i vdekur në aksidentin e sotëm që ka ndodhur në Gramsh.

Ora 15:59
Aksidenti në Gramsh me 1 viktimë dhe 9 të plagosur, shoferi ishte duke përdorur telefonin kur humbi drejtimin e minibusit dhe ra në humnerë

Detaje të reja janë zbardhur nga aksidenti i rëndë me 1 viktimë dhe 9 të plagosur në Gramsh. Gazetari i Report Tv Arsen Rusta bën me dije se shoferi ka qenë duke përdorur telefonin në momentin që ka humbur drejtimin e minibusit dhe ka rënë në humnerë.

Ora 15:42
Aksidenti në Gramsh ku humbi jetën i riu dhe u plagosën 9 të tjerë, Report Tv siguron pamje të minibusit në humnerë

 

Report Tv ka siguruar pamje të aksidentit të rëndë që ka ndodhur në Gramsh ku një minibus doli nga rruga dhe përfundoi në përrua, e si pasojë ndërroi jetë në vend 30-vjeçari Ledian Lami.

Ora 15:29
Autobusi ra në përrua, policia jep detaje: Humb jetën i riu, 9 të plagosur (Emri)

Policia jep detaje lidhur me aksidentin e rëndë që ka ndodhur në Elbasan. Sipas njoftimit të policisë një 30-vjeçar nga Skrapari ka mbetur viktimë e aksidentit të sotëm në Gramsh, ku një autobus përfundoi në përrua. Ngjarja ndodhi në fshatin Bregas, ku mjeti i cili drejtohej A.Xh., doli nga rruga.

Burime për Report Tv bëjnë me dije se viktimë ka mbetur Ledian Lami 30 vjeç.

Viktima  Ledian Lami 

Njoftimi i policisë: 

Më datë 10.07.2021, rreth orës 14:15, në aksin rrugor Grmash-Kushov, në fshatin Bregas, mjeti minibuz me drejtues shtetasin A.Xh., banues në Gramsh, ka dalë nga rruga. Si pasojë e aksidentit ka ndëruar jetë një pasagjerë, shtetasi L.L., rreth 30 vjeç, banues në fshatin Terrove, Skrapar, si dhe janë plagosur 9 pasagjerë të tjerë, jashtë rrezikut për jetën për momentin, të cilët janë nxjerrë nga shërbimet e Policisë dhe zjarrfikësit nga vendi ku u përmbys minibuzi dhe po transportohen me autoambulanca për ndihmë mjekësore.