LEZHË- 73-vjeçarja Ikbale Kraja ka humbur jetën dhe tre të tjerë janë plagosur në një aksident tragjik të ndodhur rreth orës 20:00 të së dielës në Lezhë. Përplasja fatale ka ndodhur në aksin rrugor Shkodër-Lezhë në afërsi të Dajçit, ndërsa automjeti ka dalë nga rruga, duke prodhuar bilancin e rëndë. Automjeti po drejtohej nga 20-vjeçarja Fiona Behri , ndërsa u plagosën Artur Behri 53 vjeç, Ardita Behri 43 vjeçe dhe Olsa Behri 19-vjeçe, të gjithë anëtarë të një familjeje, të cilët u transportuan për ndihmë mjekësore në Spitalin Rajonal të Lezhës.
"Rreth orës 20:00, në aksin rrugor Shkodër - Lezhë, në vendin e quajtur "Dajç", shtetasja F.B. 20 vjeçe, banuese në Shkodër, duke drejtuar automjetin tip "Renault", ka humbur kontrollin mbi drejtimin e tij duke dalë nga rruga. Për pasojë, ka ndërruar jetë shtetasi I.K. 73 vjeç, pasagjer në mjet, si dhe janë lënduar dhe ndodhen në Spitalin Rajonal Lezhë për mjekim edhe 3 pasagjerët e tjerë, shtetasit A.B. 53 vjeç, A.B. 43 vjeçe dhe O.B.19 vjeçe. Grupi hetimor vazhdon veprimet hetimore në vendin e ngjarjes për sqarimin e plotë të rrethanave të aksidentit", njofton Policia.
Ky është aksidenti i 13 që ndodh në rrugët e Qarkut të Lezhës në harkun kohor prej gati 10 ditëve me një bilanc 4 të vdekur dhe 28 persona të plagosur. Kjo situatë e krijuar ka vënë në alarm dhe Policinë Rrugore e cila ka shtuar prezencën e saj në terren, ku brenda dy javësh janë ndëshkuar me gjoba mbi 1 mijë drejtues automjetesh të cilët janë kapur në shkelje të rregullave të qarkullimit rrugor që bëhen burim aksidentesh.
Ndërkohë, më herët një person humbi jetën ndërsa 4 të tjerë mbeten të plagosur si pasojë e aksidenteve rrugore. Rreth orës 14:45, në autostradën Vlorë-Fier 19-vjeçari Edvin Skendaj që drejtonte mjetin tip ‘Nissan’ ka përplasur kalimtarin në anë të rrugës. Goditja ka qenë e fortë, ndaj 50-vjeçari Besnik Brakaj ndërroi jetë në vend.
Ndërsa rreth orës 14:30, në aksin rrugor Ersekë-Leskovik, në afërsi të fshatit Taç një 21 vjecar që drejtonte mjetin tip ‘Benz’ ka dalë nga rruga e për pasojë 4 pasagjerë mbeten të plagosur. Pas kryerjes së testit rezultoi se Enrik Lamçe drejtonte mjetin në gjendje të dehur dhe u shoqërua në Komisariat.
Komente
Lajme të tjera
-
Tiranë/ Makina përplas këmbësorin afër vijave të bardha tek 'Rruga e Kavajës', humb jetën në spital! Arrestohet shoferi
28 Dhjetor, 11:36 -
Mirditë, votohet buxheti me votat e PS dhe PD-së, Mëlyshi: Minimal për nevojat e bashkisë
28 Dhjetor, 10:44
-
Aksident i trefishtë në aksin Lezhë-Laç, raportohet për tre të plagosur! Makinat bëhen copash
27 Dhjetor, 18:43 -
‘Puna e zezë’, shumë biznese në Lezhë nuk deklarojnë punëtorët, drejtori i Zyrës Punës: Duhet të ashpërsohet ligji
27 Dhjetor, 17:15
-
Shfaqet sërish murtaja afrikane e derrave në Lezhë! Ministria e Bujqësisë: U konstatuan 15 derra të ngordhur
27 Dhjetor, 17:08 -
Mat/ Humbi kontrollin e makinës, 40 vjeçari përplas për vdekje të moshuarin
26 Dhjetor, 18:43 -
Studim për nëntokën e Lezhës, Neritan Ceka: Së shpejti gërmime të reja arkeologjike
26 Dhjetor, 16:45
-
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Elbasan/ Aksidentoi për vdekje me makinë një këmbësor të moshuar, arrestohet 23 vjeçari
26 Dhjetor, 09:54 -
Apeli e dënoi për tjetërsimin e tokës te Rana e Hedhun, arratiset ish-kreu i Bashkisë së Lezhës, Fran Frrokaj! Nuk gjendet në banesë
25 Dhjetor, 13:02
-
Krishtlindja kremtohet edhe në Lezhë, qindra besimtarë i bashkohen ritualit fetar në katedralen e ‘Shën Nikollit’
25 Dhjetor, 09:47 -
Kurbin/ Humb kontrollin e mjetit dhe del nga rruga, ndërron jetë 65- vjeçari
25 Dhjetor, 08:23
Nuk ka rruge me te mire persa i perket sinjalistikes sesa aksi Shkoder-Lezhe! Rruga eshte e drejte, nuk ka shume ngarkese, ka disa kryqezime qe duhet te respektosh tabelat, si dhe shume shofera/e qe kujtojne se te kapesh timon me dore, ke mesuar makinen. Ngushellime per plakun dhe urime qe keni shpetuar ju te tjeret...
Përgjigju