5 aksidente me 22 të plagosur u shënuan gjatë orëve të para të mëngjesit të kësaj të diele, nga veriu në jug. Reshjet e shumta dhe lagështia në rrugë duket të jetë arsyeja kryesore.
Aksidenti më i rëndë ishte ai i ndodhur në Rrugën e Kombit, ku pesë anëtarë të një familje Serbe, çifti i bashkëshortëve dhe tre fëmijët e tyre që po vinin për pushime në Shqipëri, janë përplasur me trafikndarësen.
Ngjarja ndodhi pranë fshatit Gziq të Mirditës dhe menjëherë të plagosurit janë dërguar në spitalin e Rrëshenit, ku gruaja është në gjendje të rëndë shëndetësore.
Grupi hetimor po punon për të zbardhur ngjarjen e cila paraprakisht dyshohet të ketë ndodhur edhe për shkak të shpejtësisë.
Po gjatë mëngjesit, një tjetër aksident u regjistrua edhe në Fier, dhe për pasojë 10 persona u dëmtuan.
Dy nga të plagosurat, një 25 vjeçare dhe një 56 vjeçare, për shkak të plagëve më të rënda po marrin ndihmë më të specializuar në spital.
Dy aksidente ndërkohë u regjistruan në Qarkun e Dibrës me 6 të plagosur.
Në vendin e quajtur "Plan i Bardhë", në Rrugën e Arbrit, një makinë është përplasur me murin mbrojtës anësor të rrugës dhe si pasojë kanë mbetur të lënduar drejtuesi i makinës dhe 3 pasagjerët. Ndërkohë që në Shkopet një mjet ka dalë nga dhe si pasojë ka mbetur i plagosur drejtuesi dhe pasagjerja që udhëtonte me të. Edhe në Korçë një person i cili po lëvizte me motor mbeti i lënduar, pasi u përplas nga një makinë me drejtues një 74 vjeçar.
Në Shkopet, dy persona mbetën të plagosur mëngjesin e kësaj të diele në aksin rrugor Burrel - Skuraj.
Automjeti me të cilin po udhëtonin doli nga rruga dhe përfundoi disa metra poshtë saj, buzë liqenit të Shkopetit.
Ngjarja ka ndodhur në Shkopet në vendin e quajtur "Vabli", në një kthesë. Nuk dihen shkaqet e aksidentit ndërsa dy personat që ndodheshin në automjet janë dërguar për të marrë shërbim mjekësor në spitalin e Laçit.
Po në të njëjtin vend është aksidentuar gjatë natës një tjetër automjet i cili ka rënë buzë liqenit të Shkopetit. Për fat të mirë asnjëri nga aksidentet nuk ka shkaktuar viktima, ndërsa shkak mund të jetë bërë lagështia në rrugë.
Tre aksidente u shënuan mëngjesin e kësaj të diele, 6 gusht 2023, në të gjithë vendin. Fatmirësisht nuk ka humbje jete por vetëm të plagosur.
Aksidenti i parë u shënua në "Rrugën e Kombit" në mëngjes herët. Një makinë me targa serbe u përplas me trafikndarësen dhe mbetën të plagosur 5 pjesëtarët e një famileje, burri gruaja dhe 3 fëmijë. Të plagosurit janë dërguar në spitalin e Rrëshenit dhe gruaja ndodhet në gjëndje të rëndë, mëson Report TV.
Aksidenti në Fier
Aksidenti i dytë u shënua në Fier. Dy makina u përplasën rreth orës 07:30 minuta në në vendin e quajtur "Safari park". Automjeti tip "Ford" me drejtues shtetasin F. B., 61 vjeç, banues në Fier, është përplasur me automjetin tip "Mazda", me drejtues shtetasin M. Z., 62 vjeç, banues në Ballsh.
Si pasojë, janë dëmtuar dhe ndodhen në spital, në kujdesin e mjekëve, dy pasagjere, shtetaset G. G., 25 vjeçe dhe A. B., 56 vjeçe.Gjithashtu janë dëmtuar lehtë edhe 2 drejtuesit e mjeteve si edhe 6 pasagjerë në këto mjete, të cilët po kryejnë ekzaminimet mjekësore në spital.Grupi hetimor po punon për përcaktimin e shkaqeve të aksidentit.
Aksidenti në Korçë
Ndërkohë në Korçë, rreth orës 07:55 minuta, automjeti tip "Peugeot" me drejtues shtetasin P. V., 74 vjeç, përplasi një motomjet me drejtues shtetasin D. H. Aksidenti u shënua në lagjen nr. 18, në unazën e qytetit. Drejtuesi i motomjetit u dërgua për mjekim në spital, ku ndodhet jashtë rrezikut për jetën.
Lajme të tjera
-
‘Veri- Jug’ në Patog të Kurbinit! Peshkatari që 'sfidon' dallgët prej 50 vitesh: Profesion i vështirë, por ia dola të shkolloj fëmijët në Akademinë e Arteve
5 Maj, 14:20
-
VIDEO/ Aksident i fortë në aksin Lezhë-Shëngjin, makinat ‘shkërmoqen’, 2 të plagosur
5 Maj, 13:48 -
Mirditë/ Motori del nga rruga dhe aksidentohet, plagoset rëndë 46-vjeçari, shtrohet tek Trauma
4 Maj, 15:23 -
Aksident në autostradën Tiranë-Durrës, makina përfundon mbi bodurë
4 Maj, 14:54 -
Pse u lirua vëllai i deputetit socialist? Zbardhet vendimi, Prokuroria pa prova se foli me të arrestuarit për drogë
4 Maj, 10:57
-
‘Rozafati’, shfaqja teatrale e fëmijëve në Lezhë
3 Maj, 21:44
-
Aksident në Durrës, makina përplas për vdekje 50-vjeçarin që po lëvizte me biçikletë
3 Maj, 17:38 -
Dëmtohet lulishtja e re në Lezhë, vidhen ndriçuesit! Telat e energjisë rrezik për fëmijët dhe qytetarët
3 Maj, 09:38
-
"Logjikën tënde e ka një fëmijë kopshti", Pjerin Ndreu nervozohet me këshilltaren e PD-së, që e akuzoi për tenderat: Shko në SPAK!
2 Maj, 16:07
-
Këngëtarja e muzikës popullore, Liri Rasha ndez sallën, me koncertin recital në Lezhë
2 Maj, 13:46 -
VIDEO/ Aksidenti në Kurbin me 2 të vdekur, momenti kur traktori ra në kanal, zuri poshtë shoferin 60 vjeç e punëtorin e tij 21 vjeçar
1 Maj, 16:45 -
Lejuan Gëzim Çelën të ndërtojë pa leje, drejtori i IMT Kurbin mbetet në burg! Gjykata lë në fuqi pezullimin e inspektorëve
1 Maj, 12:40
