POP 5

Lajmet më të lexuara të 5 minutave të fundit

Kronikë

Humb jetën në aksident babai i gjyqtarit në Tiranë, e përplas kamioni (VIDEO+FOTO)

Një aksident me vdekjen e një 65-vjeçari ka ndodhur mesditën e sotme në Yrshek, në periferi të Tiranës. Një kamion ka përplasur për vdekje një këmbësor që kalonte rrugën. 

TIRANË- Një kamion ka përplasur këmbësorin në zonën e Yrshekut në Tiranë, duke i shkaktuar atij vdekjen e menjëhershme. Policia bën me dije se drejtuesi i kamionit, A.SH ka goditur në mesditë 65-vjeçarin, Ali Fuçian.

I moshuari ishte duke kaluar nga njëri krah i rrugës në krahun tjetër dhe në këtë moment është goditur nga kamioni. Këto janë fotot ekskluzive nga vendi i aksidentit të shkrepura nga fotoreporteri i Shqiptarja.com në vendngjarje ndërsa trupi i  viktimës Ali Fuçia ndodhej poshtë kamionit. Policia ka shoqëruar shoferin e kamionit, ndërkohë që ende nuk janë përcaktuar shkaqet e aksidentit.

Paraprakisht dyshohet se Ali Fuçia i ka prerë rrugën kamionit dhe përplasja ka qenë fatale për të. Ali Fuçia është babai i gjyqtarit të Vlorës, Laurent Fuçia. Policia thotë se po kryen verifikime për aksidentin, ndërsa ka qenë shoferi i kamionit që ka lajmëruar uniformat blu.  

Në vendngjarje kanë mbërritur grupi hetimor dhe forcat policore kanë shoqëruar në komisariat shoferin e kamionit me iniciale A. Sh..

Njoftimi i policisë:

Tiranë

Informacion Paraprak

Më datë 09.10.2018, rreth orës 14:16, në rrugën dytësore në Yrshek, mjeti tip “kamion” me drejtues shtetasin A. Sh., ka aksidentuar me pasojë vdekjen e menjëhershme një këmbësor të gjinisë mashkull ende të paidentifikuar.

Shërbimet e Policisë dhe drejtuesi i mjetit, shtetasi A. Sh., ndodhen në vendngjarje, po kryhen veprimet e mëtejshme hetimore dhe proceduariale.

 


Vendi ku ka ndodhur aksidenti, kamioni që përplasi 65-vjeçarin dhe trupi i pajetë poshtë mjetit. 

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Donald J. Trump: Një rrugëtim i pazakontë drejt presidencës

Donald J. Trump: Një rrugëtim i pazakontë drejt presidencës

2 Nëntor, 19:04