Aksident tragjik në Itali, vdes 18 vjeçari shqiptar nga Kosova! Tre shokët e tij dolën nga makina para se të shpërthente në flakë

Një ngjarje e rëndë ka ndodhur në Caselle Torinese të Italisë ku një shqiptar 18 vjeçar ka humbur jetën si pasojë e një aksidenti të frikshëm. Aksidenti ka ndodhur rreth orëve të para të mëngjesit të sotëm, kur i riu nga Kosova Blendi Halili ka qenë duke u kthyer nga një festë me automjetin e tij tip ‘Ford’ që ishte në pronësi të prindërve të tij.

Ndërkohë që tre shokët e tij të tjerë, kanë arritur të dalin nga automjeti i shkatërruar, 18 vjeçari nuk arriti të dilte, duke humbur jetën pasi makina shpërtheu në flakë. Të plagosurit, dy 18 vjeçarë dhe një 16 vjeçar janë shtruar në spitalin Ciriè, ku kanë mbërritur me plagë serioze por deri më tani gjendja e tyre paraqitet e qëndrueshme.

Grupi hetimor po vijon me hetimet për të përcaktuar shkakun e aksidentit, por ajo çfarë raportohet deri më tani është që makina tip ‘ford’ të jetë përplasur me një mur dhe më pas ka marrë flakë.

B.V/Shqiptarja.com

TAG:
• Blendi Halili
• itali
• kosova