Aksidentet rrugore, eksperti: Të hiqen patentat, kamikazët në rrugë po na vrasin çdo ditë

Në shkurt aksidentet rrugore u rritën 22.7% në raport me të njëjtin muaj të 2023-it. Sipas INSTAT, gjatë muajit të dytë të vitit u regjistruan 108 ngjarje rrugore. Eksperti i sigurisë rrugore, Fatmir Hasho i ftuar në Report Tv ngriti problematikën e ecjes me shpejtësi të lartë, ndërsa thotë se sjelljet e dhunshme në rrugë bëhen burim për aksidente.

“Sjellja e dhunshme na sjell vetëm aksidente dhe pasoja në humbjen e jetës. Gjendem në pozitat e parakalimit të një mjeti me 90 km në orë që është në korsinë e djathtë dhe pas meje vjen një mjet tjetër me shpejtësi. Kemi të bëjmë me një sjellje jo normale të drejtuesit që vjen mbrapa”, tha Hasho.

Hasho i bëri thirrje Ministrisë së Brendshme dhe Drejtorisë së Policisë Rrugore për masa më të ashpra, duke thënë se duhen hequr lejet e drejtimit, pasi “kamikazët në rrugë po na vrasin çdo ditë”.

“Hiqni lejet e drejtimit, kemi në rrugë kamikazë që po na vrasin çdo ditë. Heqja e lejes së drejtimit të bën çeço, se s’do jesh në rrugë dhe do bëhesh njeri për të kuptuar përse nuk jam në rrugë. Ata që po rishikojnë ta marrin, nuk e marrin dot më”, u shpreh Hasho.

Hasho thotë se një problematikë tjetër është përdorimi i celularit në timon. Sa i takon aksidenteve të shkaktuara nga të rinjtë, ai thotë se kanë vetëbesim të tepruar si edhe janë më të ekspozuar ndaj përdorimit të tepruar të alkoolit. 

“Kjo ka të bëjë me vetëbesim të tepruar që kemi në mjet. Harrojmë që ka një shpejtësi. Vetëbesimi i tepruar është shkaku kryesor, kjo lloj moshe ka pjesën e përdorimit tej normave të alkoolit”, përfundoi Hasho.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • servet: 30/03/2024 13:43

    Masat per shkelje te tilla duhet te jene shum te rrepta sigurisht heqje patente dhe burg sepse keshtu disiplinohen kafshet.

    Përgjigju
  • Shef turi: 30/03/2024 12:19

    Tu hiqet thu duhet te futen ne burg ose te bejne pune te deturuar pastrim rrugesh lyrje shkollash pastrim pusetash Etj

    Përgjigju
  • Sondazhi i ditës:

    Finalja mes Spanjës dhe Anglisë, sipas jush kush e fiton Euro 2024?



×

Lajmi i fundit

Sulmohet me molotov lokali ku qëndroi ministri Sveçla

Sulmohet me molotov lokali ku qëndroi ministri Sveçla