POP 5

Lajmet më të lexuara të 5 minutave të fundit

Kronikë

Aksidenti i rëndë një ditë më parë në Kurbin, të plagosura 3 studente që po vinin nga Ulëza në Tiranë! Viktima i preu rrugën, duke tentuar të kthente makinën në autostradë

Viktimë nga aksidenti mbeti Agron Stojani 52 vjeç, ndërsa kanë marrë plagë të rënda 3 studente nga Ulëza, që ndodhen në Spitalin e Traumës. Mësohet se shkak për aksidentin u bë mjeti me të cilin udhëtonte viktima, i cili i preu rrugën makinës me të cilën po lëvizin tre studentet, duke shkaktuar përplasjen e fortë.

 

Gjurmët e aksidentit  të një ditë më parë në Rrugën e Kombit, pranë fshatit Skuraj te Kurbinit janë ende te freskëta. Njolla gjaku, mbetje makinash dhe sende personale të viktimës dhe të plagosurve është ajo çfarë ka mbetur në vendin e asindetit, ku humbi jetën 52-vjeçari Agron Stojani dhe u plagosen 3 studente nga Ulëza. Këta të fundit ndodhen në spitalin e Traumës në Tiranë dhe pavarësisht plagëve të shumta që kanë marrë mësohet se e kanë kaluar rrezikun për jetën.

Ndërkohë nga veprimet hetimore në vendin e ngjarjes mësohet se shkak i aksidentin është bërë tentativa e viktimës për të kthyer automjetin në mes të autostradës.

Duket se 52-vjeçari nuk e ka parë automjetin ku udhëtonin tre vajzat qe po lëvizte me shpejtësi më drejtim të Milotit, duke sjell edhe përplasjen e fortë.

Segmenti i Rrugës së Kombit nga Miloti në Rrëshen është kthyer në një aks problematik përsa i përket aksidenteve rrugore. Gjatë 4 viteve të fundit numërohen dhjetëra aksidente me viktima dhe të plagosur, ndërsa shkaqet kryesore janë pakujdesia dhe mosrespektimi i rregullave të qarkullimit rrugor nga përdoruesit e rrugës. Ndërkohë policia rrugore ka shtuar prezencën e saj në këtë rrugë, duke vendosur masa të ashpra ndëshkimore ndaj shkelësve të rregullave të qarkullimit rrugor, por kjo duket se nuk po jep ndikim në minimizimin e numrit të aksidenteve.

 

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, 30 plumba drejt makinës së Kevin Hajrullës

Atentati në Vlorë, 30 plumba drejt makinës së Kevin Hajrullës

19 Dhjetor, 00:08