Aksidenti, Policia: U shkelën
rregullat e qarkullimit

TIRANE- Policia e Tiranës jep sot zyrtarisht versionin e aksidentit të ndodhur mbrëmë në kryqëzimin e rrugës së Elbasanit, ku u përfshi dhe djali i kreut të grupit parlamentar të PS, Gramoz Ruçi. Në njoftimin për shtyp thuhet se prokuroria ka nisur hetimet për konsumim të veprës penale shkeljes së rrëgullave të qarkullimit rrugor, parashikuar nga neni 290/1 i KP, por nuk jepen detaje se kush është fajtor i aksidentit.

“Mbrëmë, rreth orës 21.15’, në kryqëzimin e rrugës së Elbasanit, janë përplasur automjetet, tip B.M.V X6, me targa të huaja IKY 3939, me drejtues shtetasin Ledian Gramoz Ruçi, 32 vjeç, me automjetin tip Minikuper me targë CG 832 FC, me drejtues Eduart Hysen Cani, 34 vjec. Si pasojë e këtij aksidenti, janë dëmtuar shtetaset Pinellopi Stefan Rafti, 18 vjec, shtetësja Brunilda Vladimir Pinderi, 27 vjec, e cila në orën 01.00 ndërroi jetë në spital, të cilat ishin pasagjerë në mjetin Minikuper. Shtetasit e tjerë ndodhen në SQU, jashtë rreziku për jetën. Materialet i kaluan Prokurorisë së Rrethit Gjyqësor Tiranë për konsumim të veprës penale shkeljes së rrëgullave të qarkullimit rrugor, parashikuar nga neni 290/1 i KP. “