Aksidenti tragjik, Bullgaria do të paguajë 13 milionë euro për të afërmit e viktimave

Aksidenti tragjik, Bullgaria do të paguajë 13 milionë euro për të afërmit e viktimave

Autobusi i aksidentuar në Bullgari

Bullgaria do të duhet të paguajë 13 milionë euro për familjarët e viktimave nga aksidenti në Strumë, ku humbën jetën 45 persona, raportojnë mediat e huaja.

Nëse në përfundim të hetimeve rezulton se kushtet e rrugës janë shkaku i vdekjes së 45 personave, Bullgaria do të duhet të paguajë nga 100.000 deri në 125.000 euro për secilin prej prindërve të të aksidentuarve.

Fëmijët e rritur pa prindër mund të marrin deri në 100.000 euro për një prind të humbur, dhe për një vëlla, motër, gjyshe ose gjysh të vdekur shuma është rreth 25.000 mijë euro.

Sipas informacioneve fillestare, disa firma të mëdha ligjore bullgare kanë ofruar tashmë ndihmë për qeverinë maqedonase në mbrojtjen e interesave të të afërmve përpara një gjykate bullgare.

Aksidenti i rëndë u regjistrua rreth orës 02:00 në autostradën Struma pak ditë më parë, 40 kilometra në jug të Sofjes, ku mes viktimave ishin edhe 12 fëmijë. Për shkak të ngjarjes së rëndë, Kosova shpalli 24 nëntorin ditë zie, ndërsa Maqedonia e Veriut, ka shpallur tre ditë zie në nder të 45 viktimave që humbën jetën në aksidentin tragjik.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • populli: 27/11/2021 22:56

    47jete njerëzish 13milion €?! Kjo eshte vrasje per here te dyte, eshte më shume se tallje, në të tilla raste vlera minimale për cdo jetë të humbur eshte 1 milion euro për person nqs vërtetohet që shkak është cilësia e rrugës

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet