Aksidenti tragjik në Maqedoni, liderët kosovarë shprehin ngushëllimet

Aksidenti tragjik në Maqedoni, liderët kosovarë shprehin ngushëllimet

Hashim Thaçi dhe Ramush Haradinaj

Kryeministri i Kosovës, Ramush Haradinaj ka shprëhur ngushëllimet për familjarët e viktimavë që humbën jetën dje në aksidentin tragjik që ndodhi në Maqedoni.

Lideri i qeverisë kosovare tha se ndihet i tronditur nga kjo ngjarje që ka prekur shumë familje.

“I tronditur nga aksidenti me fatalitet në autostradën Shkup - Tetovë. Një tragjedi që po prekë shumë familje, me dhjetëra të lenduar e për fat të keq shumë të vdekur. Ngushëllime të sinqerta për familjet që humbën më të dashurit e tyre dhe shërim sa më të shpejtë për të lënduarit”, tha Haradinaj.

Edhe presidenti Hashim Thaçi shpreu keqardhje për viktimat e aksidenti dhe i uroi shërim të shpejtë personave të lënduar. Ai gjithashtu shpreu ngushëllime për krerët e shtetit dhe të gjithë qytetarët e Republikës së Maqedonisë.

"Ngushëllimet më të thella familjeve të viktimave të aksidentit në autostradën Shkup-Tetovë, ndërsa të lënduarve iu uroj shërim sa më të shpejtë dhe të plotë. Iu shpreh ngushëllime edhe udhëheqësve të institucioneve, si dhe tërë qytetarëve të Republikës së Maqedonisë së Veriut," përfundoi Thaçi.


Lajmi kryesor:

Aksidenti tragjik në Maqedoni, identifikohen 14 të vdekurit, sot dhe nesër ditë zie kombëtare (VIDEO-FOTO)


  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Shpërthen bombola e gazit, digjet apartamenti në Patos

Shpërthen bombola e gazit, digjet apartamenti në Patos