Koleci doli para togave të zeza të Gjykatës së Rrethit Tiranë, pasi nga hetimet e kryera Prokuroria ndryshoi për të akuzën, nga “vrasje në rrethana cilësuese” në “vdekje si pasojë e aksidentit automobilistik”.
Ku pas këtyre ndryshimeve në akuzë për Edmir Kolecin, avokati i tij kërkoi masë sigurie “arrest në shtëpi”, ç’ka s’u pranua nga Gjykata.
Nga aksidenti tragjik i 4 majit të këtij viti, mbeti i vdekur polici Selman Lena, i cili u shpall “Dëshmor i Atdheut”, ndërsa ende me pasoja nga dëmtimet e marra vazhdon të jetë kolegu i tij Preng Lleshi.
Pas ndryshimeve nga organi i akuzës, Gjykata e Krimeve të Rënda shpalli “mos kompetencë të çështjes” duke ia kaluar Gjykatës së Tiranës, nga ku pritet që në shtator të rinisë për Kolecin gjykimi në themel.
Edmir Koleci pas aksidentit u largua nga vendi i ngjarjes, duke tentuar t’i fshihej policisë, ndërsa u arrestua në “Katër Rrrugët e Shijakut” në tentativë arratisje.
![edmir koleci](http://www.shqiptarja.com/foto/86484_1.jpg)
![edmir koleci](http://www.shqiptarja.com/foto/86485.jpg)
(Në foto: Edmir Koleci në seancën e sotme gjyqësore)
Redaksia Online
(e.s/shqiptarja.com)
![](https://www.shqiptarja.com/template/img/sh_logo1.png)