VLORË- Policia e Vlorës, në bashkëpunim me Drejtorinë e Përgjithshme të Tatimeve, brënda dy ditëve ka ushtruar kontrolle në 200 subjekte të ndryshme me qëllim goditjen  e veprave penale në fushën e tatim taksave fshehjen e të ardhurave punësim të paligjshëm, informalitetit dhe evazionit fiskal, në të gjithë Qarkun.Nga operacioni i kryer me datë 20.07.2015 – 22.07.2015 janë evidentuar 112 shkelje në të cilat u morën masa administrative
 
Në 37  prej subjekteve, është marrë masa e Konfiskimit të Mallit, në 75­ prej subjekteve, është marrë masa,Proces­Verbal Gjobë. Gjobat e vendosura në 32­ subjekte, arrijnë vlerën totale monetare deri në 5.865.000 lekë (të reja).
 
Disa nga mallrat e konfiskuara janë :pije alkoolike, pije freskuese, këpucë, produkte kozmetike, produkte farmaceutike dhe një supermarket. Gjithashtu, Drejtoria e Policisë së Qarkut Vlorë, ka nisur hetimet për punonjësit e organeve tatimorë, për moskryerjen e detyrës, për mos­ushtrimin e kontrollit ndaj këtyre subjekteve, të cilat janë në kundërshtim me Ligjin.
 
Ndërkohë vazhdon operacioni i përbashkët për evidentimin e shkeljeve të tjera dhe marrjen e masave.

Redaksia online
(S.M/shqiptarja.com)