Akt konstatimi i jep të drejtë Lleshajt! Pallati 12 katësh në Lezhë është i banueshëm

LEZHË-  Pallati 12 katësh në Lezhë, që solli përplasjen verbale mes ministrit të Brendshëm Sandër Lleshaj dhe banorëve, pas një verifikimi nga ekspertë të huaj dhe izraelit njëkohësisht është shpallur i banueshëm. Shqiptarja.com disponon aktin e konstatimit, nga ku bëhet me dije se dëmet në këtë objekt janë të ulëta, e për rrjedhojë është i banueshëm.

Në dokumentin që mban firmën e përgjegjësit të grupit, Nik Lena, thuhet: Struktura e objektit është e qëndrueshme dhe nuk paraqet rrezikshmëri.

Akt konstatimi për pallatin 12 katësh në Lezhë

Ky pallat, në të cilën jeton kryebashkiaku Pjerin Ndreu, ka qenë në qendër të vëmendjes dy ditët e fundit sepse banorët refuzonin që të futeshin në shtëpitë e tyre për shkak të frikës. Ka qenë ministri Lleshaj i cili ka ripërsëritur thirrjet, pas bisedimit me ekspertët,  që ky pallat nuk ka pësuar dëmtime strukturore, por ata kërkonin një verifikim më të mirë teksa nuk munguan edhe debatet me tone të larta. Gjithë debatet për këtë pallat, ku nuk munguan akuzat nga ish-deputetja e PD-së Lindita Metaliaj, Lleshaj i quajti shumë zhurmë për asgjë.

B.K./Shqiptarja.com

TAG:
• pjerin ndreu
• Lezhe
• Sander Lleshaj
• demet nga termeti