POP 5

Lajmet më të lexuara të 5 minutave të fundit

Kosova & Rajoni

Aktakuzë kundër ish ministrave Haraqia dhe Beqiri

Prokuroria e Qarkut në Prishtinë ka ngritur aktakuzë kundër ish ministrave të Ministrisë së Kulturës, Rinisë dhe Sportit, Astrit Haraqija dhe Valton Beqiri,nga Lidhja Demokratike të Kosovës, pasi që dyshohet se dy ish ministrat kanë shpërdoruar detyrën zyrtare, duke dëmtuar buxhetin në vlerë prej 388 mijë Eurove.
Prokuroria e Qarkut në Prishtinë ka ngritur aktakuzë kundër ish ministrave të Ministrisë së Kulturës, Rinisë dhe Sportit, Astrit Haraqija dhe Valton Beqiri, pasi që dyshohet se dy ish ministrat e LDK-së kanë shpërdoruar detyrën zyrtare. Sipas aktakuzës i pandehuri Astrit Haraqija, në kohën kur e ushtronte  funksionin e ministrit, ka kryer dy vepra penale. 

Përmes një komunikatë për media është bërë e ditur vepra e parë ka të bëj me lidhje të kundërligjshme të kontratës me kompaninë “Concordia Pictures”, me ç’rast i pandehuri Haraqija, duke keqpërdorur pozitën zyrtare, ka dëmtuar buxhetin e Kosovës në vlerë prej 188.00,00€. Ndërkaq, vepra e dytë penale ka të bëjë gjithashtu me lidhje të kundërligjshme të kontratës me kompaninë “Morina Films”, dhe përmes saj ka dëmtuar buxhetin në vlerë prej 100.000.00€. 

I pandehuri Valton Beqiri, sipas aktakuzës në kohën derisa ushtronte funksionin e ministrit, ka keqpërdorur pozitën zyrtare, duke tejkaluar autorizimet edhe pse ka pasur dijeni se kontrata që kishte lidhur ministri i mëparshëm Haraqija, ishte e kundërligjshme, ka lidhur aneks kontratën me kompaninë “Morina Films”, duke dëmtuar buxhetin në vlerë prej 100.000.00€.

Me të njëjtën akt aktakuzë, për kryerjen e veprës penale të mashtrimit në detyrë, Prokuroria e Qarkut në Prishtinë, ngarkoi edhe pronarët e dy kompanive të lartcekura, të pandehurit Nehat Fejzën dhe Armond Morinën.

/rg/shqiptarja.com/

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

15 Janar, 22:11