POP 5

Lajmet më të lexuara të 5 minutave të fundit

Akti normativ/ Qeveria rishikon buxhetin e vitit 2022 Ibrahimaj: Do ndërhyjmë që çmimet mos të ndalin investimet!

Qeveria do të mbështesë ndërtuesit që të mos goditen nga çmimet e larta në mënyrë që të mos ndalojnë investimet publike. Ndihma u konfirmua nga ministrja e Financave teksa nuk specifikoi se si do të jepet mbështetja. Ndërkohë nga ana tjetër FMN dhe Banka Botërore kërkojnë vëmendje të shtuar ndaj borxhit të lartë publik si dhe inflacionit që po kalon çdo pritshmëri.

Çmimet e larta, do të sjellin rishikimin e dytë të buxhetit të shtetit të këtij viti. Për të subvencionuar një pjesë të kostove të rritura kryesisht tek investimet publike ku përfshihet edhe rindërtimi, qeveria po bën gati një akt tjetër normativ.

Lajmi u bë i ditur nga ministrja e Financave Delina Ibrahimaj në konferencën ndërkombëtare për tregun e kapitaleve, por nuk specifikoi se në ç’formë do të mbështeten ndërtuesit.

“Sapo kemi miratuar një akt tjetër normativ i cili do të ndërhyjë dhe do të ndikojë në rritjen e hyjë dhe do të ndikojë në rritjen e çmimeve të investimeve publike, me qëllim që investimet publike të vijojnë, që ato mos të ndalohen dhe që ekonomia shqiptare të vazhdojnë të performojnë mirë”, tha Ibrahimaj.

Por, Shqipëria duhet të tregoj kujdes edhe sa i takon borxhit të lartë publik si dhe inflacionit që po kalon çdo pritshmëri.

“Inflacioni po e cenon edhe ekonominë e vendit dhe nuk ishte i parashikueshëm, prandaj mendoj që edhe politika monetare duhet të mbështesin politikat qendrore për të normalizuar situatën në lidhje me inflacionin, dhe ta kthejmë inflacionin në objektiv”, tha Yan Sun shefja e misionit të FMN për Shqipërinë.

Sa i takon mbështetjes së familjeve dhe shtresave në nevojë, Banka Botërore dhe Fondi Monetar Ndërkombëtar, thanë se masat duhet të jenë të përqendruara dhe përveç bonusit prej 3 mijë lekësh të përfshihet edhe mundësia e rishikimit të taksave përkohësisht për kategoritë më të rrezikuara.

“Mbështetja fiskale, nuk mund të jetë permanente por duhet të jetë e targetuar me synim të përqendruar tek ata që kanë më shumë nevojë, më të cenueshmit, dhe shtresat e varfra dhe duhet transparencë, këto janë masat kryesore”, tha në konferencë Yan Sun shefja e misionit të FMN për Shqipërinë.

J.GJ./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56