Aktori shqiptar Gentian Hazizi ka bërë një gjest për tu marrë shembull  me anë të një postimi në profilin e tij.

Ai ka publikuar foton e patentës dhe është ofruar të punojë falas si shofer apo të bëjë pazarin e pensionistëve që nuk lejohet të dalin nga shtëpia.

Aktori tha se ka 16 ditë në shtëpi I mbyllur, nuk është infermier apo doktor por mund të shërbejë gjithsesi.

Postimi I plotë i aktorit:

Me këtë foto të patentës sime po i drejtohem Autoriteteve!

Kam 16 ditë i mbyllur në shtëpi dhe baba i 3 femijëve.

Janë mobilizuar në këtë luftë e po sakrifikojnë shumë prej nesh e Mirënjohje për të gjithë ata që janë në vijën e parë!

Unë nuk jam i aftë as si infermier e as si mjek por jam i aftë të ngas makinën.

Dua të ofrohem vullnetar qoftë si shofer ose për çdo lloj pune tjetër në shperndarje ushqimesh ose dhe per ti bërë pazarin pensionistëve tek njesia 5 në ate ore leje që do kemi nga e hëna!

Nuk do surprizohesha aspak sikur të më merrte Kryeministri,Kryetari i Bashkisë apo Ministrja e Shëndetsisë në telefon e të më thoshte:Artisto bravo,në luftë jena por Ti na duhesh qe trrish mshpi e kshu ke bo detyrën tate!

Sinqerisht do surprizohesha e do e falenderoja nëse dikush më mer e më thotë:Artisto kena punë per ty si shofer ambulance,duhet të shpërndash këto ushqime ose bëj pazar për pensionistët e njësisë 5 se vetëm 1 orë leje ke!Vullnetarisht do e beja pa asnjë pagesë!