Për aktorin e njohur Lulzim Zeqja, ndërtimi i një Teatri të ri Kombëtar dinjitoz për Tiranën dhe për gjithë Shqipërinë është një gjë shumë e mirë. Zeqja thekson se ka ardhur koha për një ndërtesë me parametra bashkëkohore dhe se kjo është një kërkesë dhe dëshirë e të gjithë aktorëve e regjisorëve për kushte më të mira pune.
Është gjë shumë e mirë që do të kemi një Teatër Kombëtar dinjitoz për Tiranën dhe për gjithë Shqipërinë. Unë besoj se ka ardhur koha për një ndërtesë me parametra bashkëkohore. Madje, që të gjithë aktorët e regjisorët duan kushte më të mira pune. Por, edhe publiku do të ndihet më komod në një sallë dinjitoze. Gjithashtu, jam i sigurt që edhe debati që është hapur mbi çështjen e Teatrit është pozitiv, pasi ka filluar të shfaqë të gjitha problematikat që shqetësojnë komunitetin artistik. Në fakt, është hera e parë që teatri merr një vëmendje kaq të lartë në shoqëri. Teatri i ri, si çdo sallë e re për teatrin, do jetë një frymëzim për të gjithë; aktorët, regjisorët, por edhe për çdo djalë o vajzë të re që aspiron të bëhet aktor. Unë e pashë Turbinën dhe besoj se është një nga sallat më të mira alternative që ka Tirana sot. Besoj se do të jetë një vend, i cili do të sjellë produkt më cilësor dhe do të afrojë një publik të ri në moshë.
Aktori Lulzim Zeqja
Lulzim Zeqja ka interpretuar së fundmi në rolin e Baburit, një nga shfaqjet më të mira të teatrit këto vite “Rojet e Taxhit”, e më pas rolin e Henrit në dramën “Frankeshtajn” me regji nga Ilir Bokshi.
Lajme të tjera
-
Ema Andrea hap debatin: “Skena e pavarur përballë institucioneve, bashkëpunim apo izolim”
10 Korrik, 15:04 -
Punimet për Teatrin e ri, shembet ish-godina e Drejtorisë së Burgjeve, Veliaj: Na liron hyrjen në kantier përmes Unazës së Vogël të Tiranës
1 Gusht 2023, 13:32 -
Rikthehet 'Edmond', publiku pret shfaqjen me ovacione! Rrëfehen, Xhunga, Çobani dhe Zeqja: Kjo pjesë himn për ne aktorë e regjisorë
28 Nëntor 2022, 17:49
-
Përfundojnë sondat gjeologjike tek trualli i teatrit të ri, Veliaj: Shtëpia e re e artit dhe bashkimit
15 Gusht 2020, 11:20 -
Veliaj publikon projektet e famshme të arkitektit të Teatrit të ri Kombëtar, Bjarke Ingels
20 Maj 2020, 22:05 -
Lulzim Zeqja: Po kaloj një periudhë shumë të bukur me familjen
20 Mars 2020, 11:33 -
Artistët nga Tedi Papavrami tek Rame Lahaj mesazhe, këngë edhe muzikë klasike nga shtëpia, tenori këndon “O vendi im”
20 Mars 2020, 11:24
