AKU bllokon ndihmat ushqimore të skaduara që vinin nga Mali i Zi në drejtim të Durrësit

Autoriteti Kombëtar i Ushqimit ka bllokuar 385 kg produkte ushqimore në Pikën e Kalimit Kufitar të Hanit të Hotit. Drejtoria Rajonale e AKU Shkodër njofton se gjatë kontrollit zyrtar në Pikën e Kalimit Kufitar të Hanit të Hotit, ka bllokuar produktet të cilësuara si ndihma humanitare me origjinë nga Mali i Zi dhe me destinacion Durrësin pas tërmetit. Produktet janë bllokuar për arsye se në momentin e hyrjes në vendin tonë u kishin mbetur pak ditë nga skadenca.

"Pas kontrollit fizik të bërë nga Trupa Inspektuese, këto produkte ushqimore: caj “SOLA” me afat përdorimi datë 04.03.2020, Lëng Frutash me afat përdorimi datë 29.02.2020, Konfleksa “Bebivita” me afat përdorimi datë 26.02.2020, rezultuan në kundërshtim me Urdhrin e Ministrit Nr 250 datë 29.07.2011 Pika 1 dhe 2 “Mbi disa masa për hyrjen në territorin e Republikës së Shqipërisë të produkteve ushqimore” pasi në momentin e hyrjes në territorin e Shqipërisë produktit i kishte mbetur me pak se gjysma e jetëgjatësisë së tij (Afatit të përdorimit) të deklaruar në etiketë. Për rrjedhojë këto produkte ushqimore do të kthehen në vendin e origjinës, në Mal të Zi, me dakortësi edhe të subjektit importues" thuhet në njoftimin e AKU-së.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kodoshi: 25/02/2020 07:23

    Shume gabim ne keto ushqime te skadume i kena hanger qe ne 91 kur ka hy demokracia.

    Përgjigju
  • Sondazhi i ditës:

    Presidenti i ri duhet të jetë i PS apo i opozitës?



×

Lajmi i fundit

John

Jupi në 'Pa Protokoll': Gara e 'Rithemelimit' e njëanëshme! Bushati: Ka mbështetjen e bazës! Lumezi: Demokratët të bashkohen pa Bashën e Berishën