Ministri i Shëndetësisë i Kroacisë, Vili Beros, është shkarkuar të premten, pasi u arrestuar nën dyshimin për korrupsion, tha kryeministri i vendit, Andrej Plenkoviç.
Avokatja e Beros, Laura Valkoviq, tha për media vendëse se klienti i saj i mohon akuzat.
Komentet e kryeministrit erdhën pasi Zyra për Luftimin e Korrupsionit dhe Krimit të Organizuar e Kroacisë (USKOK) tha se po kryente disa arrestime.
Gjithashtu, Zyra e Prokurorit Publik Evropian (EPPO) tha se ka nisur një hetim ndaj tetë personave, përfshirë Berosin dhe drejtorët e dy spitaleve në Zagreb, nën dyshimin për ryshfet, abuzim të detyrës dhe shpëlarje parash.
Prokurori i Shtetit i Kroacisë, Ivan Turudiq, zyra e të cilit bashkëpunon ngushtë me USKOK-un, tha se po kryhen dy hetime paralele për dyshimet rreth këtyre veprave penale dhe se prokurorët evropianë nuk e kishin njoftuar zyrën e tij ose USKOK-un për hetimin e tyre.
EPPO-ja deklaroi se një grup kriminal, i cili kërkonte të siguronte financim për shitjen e pajisjeve robotike mjekësore në disa spitale, dyshohet se u kishte dhënë ryshfet zyrtarëve për të fituar kontrata për projekte, duke përfshirë ato të financuara nga BE-ja.
EPPO-ja konfirmoi në një deklaratë për Reuters se nuk i kishte njoftuar autoritetet kombëtare kroate për hetimin që e kishte nisur në korrik, duke shtuar se kishte kërkuar nga Zyra e Prokurorit të Shtetit (DORH) që të transferonte dosjen e saj tek EPPO.
Turudiq tha se Beros akuzohet për ndikim të paligjshëm. Ai tha se dy persona të tjerë janë arrestuar dhe një subjekt juridik do të hetohet për veprën penale të marrjes së ryshfetit.
Personat e arrestuar do të dalin para një gjykatësi hetues, i cili do të vendosë për ndonjë masë paraburgimi, tha Turudiq në një konferencë për shtyp.
"Ajo që është e qartë është se bëhet fjalë për vepra penale të korrupsionit", tha Plenkoviç.
"Në emër të Qeverisë, dua të them se agjencitë e autorizuara për ndjekje penale duhet të hetojnë gjithçka", shtoi ai. /REL/
Komente
Lajme të tjera
-
Berat/ Shfrytëzonte për prostitucion 36-vjeçaren, arrestohet tutori me precedentë! Në pranga edhe vetë e reja nga Memaliaj
17 Janar, 13:03 -
Itali/ Dyshohej si pjesë e grupit të trafikut të drogës, 20-vjeçari shqiptar ‘ngre në ajër’ me makinë oficerin e policisë gjatë operacionit për arrestim
16 Janar, 16:19 -
Itali/ ‘Skifteri’ shqiptar plagos me makinë në ndjekje policin, arratisen bashkëpunëtorët, pranga 32-vjeçarit
16 Janar, 16:05 -
Itali/ Kishte shkuar si turist, 21-vjeçari shqiptar kapet duke shitur kokainë! Feneri i thyer i makinës e tradhtoi, droga e fshehur në çorape dhe frigorifer
16 Janar, 14:00 -
Shisnin kokainë mes kufirit italo-zviceran, arrestohen shqiptari dhe dy miqtë e tij nga Bellizona! Furnizonin klientët VIP
13 Janar, 16:53 -
Millanoviç rizgjidhet president i Kroacisë, sipas rezultateve fillestare! Begaj:Urimet më të përzemërta për mikun tim
13 Janar, 11:22 -
Itali/ Shqiptari prangoset teksa shiste kokainë, policia ndërhyri kur mori lekët
12 Janar, 21:43 -
Hodhi çantën me 100 gramë kokainë para kontrollit dhe ‘dribloi’ karabinierët, kapet pas 7 muajsh 25-vjeçari shqiptar! Në kërkim shoku
12 Janar, 16:27 -
Udhëtonte shpesh mes kufirit Shqipëri-Itali, 27-vjeçarit shqiptar i gjendet dhoma e hotelit e mbushur me kokainë! Merrte makinë me qira për ta shpërndarë
10 Janar, 21:28 -
Itali/ Trafikonte kokainë me postë përmes rrjetit WhatsApp, 30-vjeçari shqiptari kapet dhe me drogë të fshehur në pjesët intime! 50 euro doza
10 Janar, 21:10 -
Vrau me armë ukrainasin e pastrehë tre muaj më parë në Itali, shqiptari arrestohet në Slloveni! Mbante dhjetëra identitete të rremë, i skeduar për krime
10 Janar, 20:43 -
Itali/ Kishte fshehur rreth 20 mijë euro në pelenat e mbesës, në pranga shqiptari klandestin! I sekuestrohet kokainë edhe në makinë, nervozizmi e tradhtoi
8 Janar, 22:36
