POP 5

Lajmet më të lexuara të 5 minutave të fundit

Kronikë

Sekuestrohet vila e 2 garazhe me vlerë 500 mijë euro polakes në Tiranë, gruaja e gjermanit që do ekstradohet në Korenë e Jugut! Me skemë piramidale fituan 28 mln euro

Prokuroria e Tiranës ka sekuestruar pasur me vlerë mbi 500 mijë euro të një polakeje, në vazhdë të hetimit pasuror për gjermanin Stephan Morgenstem, i cili u arrestua në gusht 2023 në Rinasi, pasi ishte në kërkim nga Koreja e Jugut dhe shtete të tjera nën akuzë për mashtrim.

TIRANË- Prokuroria e Tiranës ka sekuestruar pasur me vlerë mbi 500 mijë euro të një polakeje, në vazhdë të hetimit pasuror për gjermanin Stephan Morgenstem, i cili u arrestua në gusht 2023 në Rinasi, pasi ishte në kërkim nga Koreja e Jugut dhe shtete të tjera nën akuzë për mashtrim. Në sekuestro është vendosur një vilë në periferi të Tiranës, në Lundër, si edhe dy garazhe. Vlera e Vilës shkon 483 000 euro, ndërsa dy garazhet me vlerë 27 mijë euro.

Gjermani Stephan Morgenstem u kap në Rinas pasi në bashkëpunim me persona të tjerë akuzohej se kanë krijuar një skemë piramidale në të paktën 5 shtete dhe kanë përfituar rreth 28 milionë euro. Hetuesit kanë indice dhe prova se gjermani ka pastruar paratë vendin tonë duke blerë pasuri të paluajtshme të cilat i ka vendosur në emër të bashkëshortes së tij.

Gjermani akuzohet se kanë përfituar para përmes skemave të mashtrimit nëpër disa vende që kërkojnë ekstradimin, si Koreja e Jugut dhe Polonia. Me një vendim të autoriteteve shqiptare i është hapur rruga ekstradimit të tij në Korenë e Jugut, ku do përballet me një dënim të përjetshëm.

Stephan dhe Anna Morgenstern u janë bllokuar pasuritë edhe në Dubai, si edhe autoritetet koreane kanë vendosur ndaj 62-vjeçarit dhe bashkëpunëtorëve sekuestrimin e pasurive dhe llogarive bankare që përllogariten në 123 milionë euro. Paratë e përfituara përmes mashtrimit nuk i kanë pastruar vetëm në Dubai e vende të tjera, por edhe në Shqipëri duke investuar në pasuri të paluajtshme.

Pronat e polakes që sekuestruan sot (30 prill 2024), sipas organit të akuzës janë blerë me paratë e bashkëshortit të saj, të fituara si pasojë e mashtrimit, në disa vende të botës.

"Nga hetimi i kryer deri më tani në Shqipëri, plotësohen kriteret për t’u vendosur sekuestro preventive ndaj pasurive të shtetases Anna Morgenstem. pasi ekzistojnë indicie dhe prova të mjaftueshme që krijojnë dyshimin e arsyeshëm se kjo shtetase në bashkëpunim me bashkëshortin e saj, shtetasin Stephan Morgenstem kanë konsumuar veprën penale “Pastrimi i produkteve të veprës penale ose veprimtarisë kriminale”. Nga hetimi i mbështetur edhe në praktikat e ekstradimit të mbajtura për shtetasin Stephan Morgenstem, ekziston dyshimi i arsyeshëm se ky shtetas ka kryer vepra penale nëpërmjet mashtrimit dhe pastrimit të produketeve të veprës penale në disa shtete që kërkojnë edhe ekstradimin e tij, si Korea e Jugut dhe Polonia. Ekziston dyshimi i arsyeshëm se ky shtetas ka përfituar shuma të mëdha parash nëpërmjet skemave të mashtrimit.

Paratë e përfituara në mënyrë të paligjshme ai dhe bashkëshortja e tij, dyshohet se i kanë investuar në blerjen e pronave, në vende të ndryshme nga ku dyshohet se është konsumuar vepra penale e mashtrimit. Kështu investimet nga ana e të dy bashkëshortëve, nuk janë bërë vetëm në Dubai, por ekziston dyshimi i arsyeshëm i mbështetur edhe në provat e administruara gjatë hetimit, se të gjithë pasuritë që shtetasja Anna Morgenstem ka blerë në Shqipëri, janë blerë me paratë e bashkëshortit të saj, të fituara si pasojë e mashtrimit, në disa vende të botës", njofton Prokuroria e Tiranës.

Kush është Stephan Morgenstem? 

Gjermani Stephan Morgenstem pas mashtrimeve në disa shtete të botës u kap në Rinas më 21 gusht 2023, teksa priste bashkëshorten të vinte nga Dubai. I dyshuari me bashkëpunëtorët e tij dyshohen se kanë mashtruar investitorët në Poloni, Spanjë, Gjermani, Itali, Korenë e Jugut dhe vende të tjera në një skemë mashtrimi piramidale të monedhave dixhitale.

Gjatë periudhës 27 mars 2016 - 7 nëntor 2020, ai dhe bashkëpunëtorët akuzohen se kanë mashtruar 2156 persona, me një dëm në vlerë monetare totale 40 703 930 904 KRË (monedha e Koresë së Jugut) ose rreth 28 000 000 euro. Së bashku me një shtetas me kombësi polake, Ziemian, ata ishin bashkëpronarë të skenës piramidale “FutureNet”. Polaku u arrestua në Itali gjatë një gare me Ferrari. 

Para se të kapej në Rinas, gjermani Stephan Morgenstem u arrestua në Greqi në dhjetor të vitit 2022, teksa tentonte udhëtimin për në Dubai. Ai u la në masën 'arrest në shtëpi' dhe në pritje të gjyqit për ekstradimin drejt Spanjës, 62-vjeçari u arratis drejt Shqipërisë, ku u vu në pranga pranë aeroportit.

Pasuritë e sekuestruara
- Pasuria nr.590/1/62+4-7, volum 14, faqja 170, ZK.2529, sip.176,06 m2, e llojit apartament, me vlerë fillestare 483 000 euro, vendodhja Lundër, Tiranë;
- Pasuria nr.590/1/62+4-G10, volum 14, faqja 181, ZK.2529, e llojit garazh, me sip 13.08 m2, në Lundër me vlerë 11 500 euro; dhe
- Pasuria nr.590/1/62+4-G11, volum 14, faqja 182, ZK.2529, me sipërfaqe 19.03 m2, e llojit garazh në Lundër me vlerë 15 500 euro.

SI.E.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Putin: Ne duam t'i japim fund luftës, jo thjesht ta ngrijmë atë! Negociatat? Në Sllovaki

Putin: Ne duam t'i japim fund luftës, jo thjesht ta ngrijmë atë! Negociatat? Në Sllovaki

26 Dhjetor, 19:20