Deputetja e Partisë Demokratike, Jorida Tabaku, shprehu shqetësim të hënën për krizën e thellë demografike me të cilën sipas saj po përballet Shqipërië por edhe për faktin se numri i punonjësve në shtet po rritet.

Në një postim në rrjete sociale, Tabaku tha se ndërkohë që popullësia në vend ka rënë me 20%, administrata publike ka arritur në rreth 185,400 punonjës dhe raporti është rritur nga 62 në 79 punonjës për çdo 1,000 banorë.

Ky nivel, thotë Tabaku, është më i lartë se mesatarja e Bashkimit Europian, që sipas saj është rreth 60–65 punonjës publikë për çdo 1 mijë banorë.

Sipas saj, në vend që të krijohen mundësi që shqiptarët të qëndrojnë dhe të ndërtojnë jetën në vend, po ndërtohet një administratë gjithnjë e më e madhe mbi një shoqëri gjithnjë e më të vogël.

Deklarata e plotë e Tabakut në Facebook 

Shqipëria po përballet me një krizë të thellë demografike që po e varfëron vendin dhe po prek çdo familje shqiptare. Në vitin 2001 rreth 800 mijë shqiptarë jetonin jashtë vendit. Sot kjo shifër ka arritur në rreth 1.46 milion, një rritje prej 82%, ndërsa popullsia në vend ka rënë me rreth 20%. Por ndërsa vendi zbrazet nga shqiptarët, qeveria socialiste vazhdon të fryjë shtetin. Sot administrata publike ka arritur në rreth 185,400 punonjës, ndërsa raporti është rritur nga 62 në 79 punonjës për çdo 1,000 banorë. Për krahasim, mesatarja e Bashkimit Europian është rreth 60–65 punonjës publikë për 1,000 banorë. Pra Shqipëria sot ka një raport më të lartë se mesatarja e BE-së, ndërkohë që ekonomia është shumë më e vogël dhe popullsia po zvogëlohet.Pra ndërsa Shqipëria zbrazet, shteti rritet. Në vend që të krijohen mundësi që shqiptarët të qëndrojnë dhe të ndërtojnë jetën këtu, po ndërtohet një shtet gjithnjë e më i madh mbi një shoqëri gjithnjë e më të vogël, për interesa elektoralë, ndërsa taksat e një Shqipërie gjithnjë e më të rrudhur mbajnë një administratë gjithnjë e më të fryrë.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Mars, 23:51

    18 vite nga Gërdeci, a besoni se do ndëshkohen përgjegjësit e vërtetë?

Lajme të tjera