TIRANE - Identifikimi i personave që kanë tërhequr “mallin” në kontenierët e sjellë në portin e Durrësit, si dhe zbulimi i njerëzve që kanë shoqëruar ngarkesën e kokainës, teksa ka hyrë e shkrirë në rroba fëmijësh nga pika doganore e Qafë-Thanës, ka bërë që hetues të prokurorisë të verifikojnë me detaje këto dy porta doganore.

Mësohet se gjatë ditës së djeshme oficerë të policisë gjyqësore, kanë vizituar portin e Durrësit duke kërkuar të dhënat për disa ngarkesa, të cilat kanë mbërritur që prej muajit Qershor nga disa shtete të vendeve të Amerikës Latine.