Akuzat e Ilir Metës, reagon Basha: Përmes mashtrimeve, mjeteve të tij të zakonshme tenton të përçajë PD, përdori pushtetin në kurriz të demokratëve

Lulzim Basha pretendon në betejën e tij më Sali Berishën, është përfshirë edhe presidenti Ilir Meta, në qëllimin e përbashkët sipas tij, të përçajnë Partinë Demokratike. Akuzave të kreut të shtetit, sot në konferencën për mediat, se i është lutur që të anulonte zgjedhjet vendore në 2019, sepse kishte frikë nga ajo se çfarë do të ndodhte në 8 qershor, Basha thotë se është një mashtrim i radhës i Metës.  

"Përmes diversionit dhe mashtrimeve, mjetet e tij të zakonshme, Meta tenton të përçajë Partinë Demokratike. Demokratët e njohin mirë atë, ia dinë bëmat dhe gjëmat, se si e përdori pushtetin në kurriz të tyre dhe asnjë përpjekje e ulët për përçarje nuk do t’i funksionojë. Ne demokratët nuk i kemi asnjë borxh dhe nuk ia zgjidhim dot hallet e tij", thuhet në reagim. 

LEXO EDHE:
Tërbimi i Metës-triumfi i SPAK-ut!

Lajmi kryesor:

Meta tregon pazaret me Bashën për zgjedhjet vendore: M'u lut me lot në sy t'i anuloja se kishte frikë se protesta e 8 qershorit i 'dilte nga duart'! PD: Po tenton të na përçajë partinë(VIDEO)

B.K./Shqiptarja.com

TAG:
• Ilir Meta
• lulzim basha