Kryeministri i Shqipërisë Edi Rama, thotë se është ende në pritje të një faljeje nga qeveria e Mbretërisë së Bashkuar për komentet e sekretares së Brendshme Suella Braverman, e cila i përshkroi emigrantët shqiptare si “pushtues” të Britanisë. Në një intervistë për ‘Sky News’, kreu i qeverisë u shpreh se deklarata ishte e ekzagjeruar dhe se bëhen për qëllime elektorale.
“Nuk kam dëgjuar kurrë një falje, gjë që më bën të mendoj se në vend të shprehjes së ekzagjeruar të zhgënjimit, ky ishte një sulm i llogaritur. Dhe kjo është gjëja më shqetësuese. Kur kërkon falje, është në rregull – ndodhi. Kur nuk e bën, dhe kur e shmang, atëherë do të thotë se dëshiron diçka nga ajo që thuhet.
Pra, do të thotë se ka një llogaritje pas saj, do të thotë që vërtet po flet me një numër të caktuar votuesish që duan të dëgjojnë këtë. Dhe ju po i ushqeni me këtë sepse keni nevojë për votat e tyre. Por pasojat e kësaj mund të jenë shkatërruese për njerëzit, për njerëzit tanë në Britani dhe për vetë Britaninë.”- tha Rama.
Intervista e plotë
Sky News: Ju keni parë dhe keni dëgjuar retorikën britanike për çështjen e emigrantëve shqiptarë, për ”pushtimin” e vendit nga shqiptarët e përfshirë në kriminalitet. Si ju bën të ndiheni kur dëgjoni këtë lloj gjuhe?
Rama: Më duhet të them se në politikën e sotme, ndonjëherë, mund të ndodhin gjëra të tilla. Ajo që më bën të pyes veten më shumë është se nuk kam dëgjuar kurrë një ndjesë, çka më bën të mendoj se në vend të një shprehje kaq të ekzagjeruar zhgënjimi, ky ishte një sulm i llogaritur dhe kjo është gjëja më shqetësuese.
Sky News: A mendoni se Shqipëria ka nevojë për një ndjesë nga Britania e Madhe?
Rama: Ne nuk kemi nevojë për të, në kuptimin që mund të jetojmë edhe pa të. Në rregull, sepse edhe ndodh që nuk e bën dhe e shmang atë. Atëherë do të thotë që dëshiron diçka nga ajo që ke thënë, kështu që do të thotë që ka një llogaritje pas saj dhe se ti në të vërtetë po flet me një numër të caktuar votuesish që duan ta dëgjojnë këtë dhe ju po i ushqeni me këtë sepse keni nevojë për votat e tyre. Por, pasojat e kësaj mund të jenë shkatërruese për njerëzit, për njerëzit tanë në Britaninë e Madhe dhe për vetë Britaninë.
Sky News: Ju e keni bërë të qartë pikëpamjen tuaj rreth mënyrës se si e trajton Britania e Madhe këtë, por le të flasim për ju, për atë që sa faj keni për këtë. Ju jeni kryeministër prej nëntë vitesh, por ne po dëgjojmë njerëzit që flasin, duke thënë se nuk kanë të ardhme, nuk kanë shpresë, pasi vendi i tyre është i korruptuar dhe nuk ka asgjë për ta atje, kështu që ata duhet të largohen nga ju.
Rama: Është e vërtetë. Është e vërtetë që ju mund të dëgjoni njerëzit të thonë kështu dhe është gjithashtu e vërtetë që tani është një periudhë kur ka shumë ndikim të keq, në përgjithësi, në botë, për shkak të luftës, për shkak të krizës, sepse pas pandemisë është krijuar një situatë tjetër, sepse ne e dimë se çfarë duhet të bëjmë. Duhet të bëjmë gjithçka për të përmirësuar situatën këtu dhe për ta bërë më mirë dhe më mirë për të gjithë, por e dimë gjithashtu që çfarëdo që të bëjmë, Shqipëria nuk do të bëhet as Londër, as Paris dhe as Berlin.
Diskutimet për emigrantët shqiptarë në Britaninë e Madhe kanë qenë në qendër të vëmendjes gjatë ditëve të fundit, pas deklaratave të bëra nga sekretarja e Brendshme britanike, Suella Braverman, e cila tha se shqiptarët gënjenin për arsyen përse largoheshin nga vendi dhe shumë prej tyre i etiketoi si persona me rekorde kriminale. Suella Braverman e cilësoi si ‘pushtim’ faktin që emigrantët shqiptarë përshkrojnë me varka kanalin e La Manshit për të kaluar drejt Britanisë së Madhe.
Pikërisht për këto akuza, kryeministri Edi Rama iu përgjigj dje duke dhënë shifra e duke thënë se shqiptarët në Britaninë e Madhe punojnë shumë dhe paguajnë taksa. Ai kritikoi qëndrimin e Britanisë, sipas së cilit po përdor një retorikë krimi që përfundon duke dënuar të pafajshmit.
Komente
Lajme të tjera
-
'Në rrugën drejt Shqipërisë 2030!' Turi me diasporën, Rama sot takim me shqiptarët e Londrës: Gati shqipe
24 Nëntor, 07:10 -
Stuhia ‘Bert’ godet Mbretërinë e Bashkuar! Konfirmohet viktima e parë
23 Nëntor, 16:51 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Zbulohen detajet e testamentit të Liam Payne, kush do ta trashëgojë pjesën më të madhe të pasurisë së tij?
22 Nëntor, 14:49 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58
nese ata shqiptare qe jane aty jane pa letra ,le ti sjellin ne ALB...ata qe jane me leje qendrimi te vazhdojne jeten.....end of story
PërgjigjuJe liderii i gjith shqiptareve gjigandiii Edi Ramaa
PërgjigjuMe te vertet ja tregove vendin e saje
Përgjigjuke ngel vetem o mik, shokeve ja fute, njerezit e partise i shite ke prapa vetem ca jargavore,
PërgjigjuNuk Kam par kurr ne nje shtet qe te perdoret racizem aq I paster ne parlament
PërgjigjuFalja eshte e paket ajo sekretarja e pergjithshme duhet te japi dorheqen per ato komente
PërgjigjuMalcoret thone "or tej"jo Shkodranet,(rrespekte per malecoret) edhe ajo per qe do te kerkoje te falur ska asnje dyshim. Si thone Shkodranet "bile me nji kamb"
PërgjigjuShume mir jua ben kryeminister qe i kerkon te na thone me fal sepse ajo sekretarja ja futi icik kot me deklaraten qe beri per shqiptaret ne. Angli
PërgjigjuTe kerkoje edhe me nji kemb madje se kan politik te deshtuar kta sja ka fajin shqiptarin
PërgjigjuBythzeza se di si ka ftyr flet per ne shqiptaret
PërgjigjuMe doemos ajo grua duhet te kerkoj falje pasi vertet cdo gje qe ka then na ka ber te ndihemi keq
PërgjigjuEdvini kerkon qe sekrtarja e brendeshme britanike ti kerkoj falje dhe pa piken e etikes reagon sikur me salihun e liken. Tka hy vetja qejf si gjelit kur thote shkodrani ortej.
Përgjigju