Akuzat për audio-përgjimin, Spiropali: Kryebiba e PD-së Lulzim Basha të kthehet nga pushimet

Pas akuzave nga Jorida Tabaku ka reaguar deputetja e PS, Spiropali duke vijuar replikat për audio-përgjimin. Sipas socialistes Shqipëria 1€ ishte slogan i Berishës, ndërsa shton se atë që u bëri pronarëve e pronave në këtë vend PD-ja, s'ia ka bërë e s'ia bënte dot asnjë pushtues i huaj. Elisa Spiropali i kërkon Bashës që kthehet edhe mendërisht e jo vetëm fizikisht nga pushimet e gjata.

Dikush duhet t'i kujtojë zonjës Tabaku se Shqipëria 1€ ishte slogan i liderit të saj! Le t'i kërkojë edhe një rast të vetëm deri sot kur qeveria shqiptare ka dhënë tokë shtetërore a private me 1€ në bregdet për nje individ me emër e mbiemër! Dhe nuk është mirë që zonja Tabaku të vajtojë për pronarët, se atë që u bëri pronarëve e pronave në këtë vend partia e saj, s'ia ka bërë e s'ia bënte dot asnjë pushtues i huaj. Sa për këtë babalepërgjimin e radhës me Denar Bibën që paska shantazhuar kunatin e Genc Pollos, kryebiba e PD-së Lulzim Basha, bën mirë të kthehet edhe mendërisht e jo vetëm fizikisht nga pushimet e gjata se erdhi shtator

Elisa Spiropali

Lajmi kryesor:

Misteri i çimkës/ Kush e përgjoi Denar Bibën? Kërkohet investigim në Strasburg/ Replikat PD-PS

/b.ha./Shqiptarja.com

TAG:
• kqz
• denar biba
• audiopërgjimi Biba-Bianku